Ojibiama8agani8i8ag ka teb8etamo8adj Rom odenakag 12:11 - Kije Manido Odikido8in: Ocki Mazinaigan

¹¹ Kitci nak8iok e mikimo8eg, acitc ka8in kitimikegon. Enigokodeeieg odji anokitaok ka Tibendjigedj.

Ojibiama8agani8i8ag ka teb8etamo8adj Rom odenakag 12:11 Iomraidhean Croise

Matio 24:12

Kada kitci obese eckam eckam madjido8in. Ii dac odji, kitci mane a8iagog kada poni sagiidi8ag.

Matio 25:26

“Okackaman dac ogi igon: ‘Kimadji anokitage8inni8inan acitc kikitci kitiminan! Kikikenimijinaban e ma8adjito8anin kitiganan 8a8adj iima kodag a8iag kagi iji kitigepan.

Jesos Odanodaganan Odijitcige8ini8an 18:25

Kitci mane ki iji kikinoamagozi ka Tibendjigendjin okikinoamage8ini, acitc enigokodeedj ki kagik8e. K8aiak ki kikinoamage e mikomadjin Jesosan. Pekic dac eta okikendanagoban adi ka iji kikinoamagenipanin Cabadisan meg8adj ka sigaadagenigobanen.

Jesos Odanodaganan Odijitcige8ini8an 20:19

Kikikenimijim pijicig egi mikidaman ka Tibendjigedj kagi inanonijidj. Ka8in 8ikad nin nitam nigi mik8enimidizosi. Coda8innig nigi k8ag8e nisigog. Nigi kitci sanagendjigeigo ii apitc, acitc mojag nigi ma8inan.

1 Konit 7:22

Aa8e mega ka tibenimagani8ipan kidji anokitagedj apitc Kije Manidon ka nd8e8emigopanin, aja okikendan ka Tibendjigendjin egi todamindjin ega kidji tibenimigodj patado8ini. Aa8e dac ega ka tibenimagani8ipan kidji anokitagedj, aja okikendan Jesos Christan e tibenimigodjin kidji anokita8adjin.

Epes 4:28

Kicpin a8iag mojag kimodidj, panima kada poni kimodi, acitc panima ki madjitadj kidji mikimodj, 8e8enda kidji gi kackitamadizodj opimadizi8in, acitc kidji gi odji 8idoka8adjin ka kidimagizindjin.

Kolosi 4:1

Kina8a ka kacka8ieg! K8aiak todaokog kidanokitage8innimi8ag ka tibenimeg8a, acitc minikog kakina ka iji kackitamadizo8adj. Mik8endamok kekina8a e aia8eg kacka 8ak8ig.

1 Timote 5:13

Kicpin dac acidagimagani8i8apan igi8e ka ocki pimadizi8adj ik8e8ag, kada kitci kitimibanig kidji mikimo8adj. Kada paba ijabanig migi8amikag, e paba pag8anomi8e8adj, e 8idama8a8adjin a8iagon adi ke todamindjin, e mikodama8a8adjin kegonan ega e inendagozi8adj kidji mikodamo8apanin.

Ebaro 12:28

Mig8etc dac inadan Kije Manido, kiminigonan mega kidji 8idji tajikemaiak Odogima8i8inikag, ega 8ikad kegi mamadjibidjigadenig. Icpenimadan dac Kije Manido ii odji, adi ka iji min8endag, e manadjiaiak acitc e kitcit8a8enimaiak.

Jak odojibiigan 5:16

8idamaodiok dac adi ka iji patadieg, acitc aiamietamadiok kakina pepejig e tacieg. Apitc iidi todameg, Kije Manido kiga kigeigo8a. A8iag ka k8aiak8adizidj, kitci macka8izi eji aiamiedj, acitc kitci abadani odaiamie8in.

1 Pien 1:22

E ndotameg Kije Manido oteb8e8in, kigi odji paiekideem. 8e8enda dac kigi ani sagia8ag Kije Manido odanicinabeman. Apanigotc dac sagiidiok pepejig e tacieg enigokodeeieg.

1 Pien 4:8

Mi oo kegon ma8adji e kitci apitendag8ag. Kabe sagiidiok kakina pepejig e tacieg enigokodeeieg. Kicpin mega sagieg8a kodagiag a8iagog, kigagi 8anikem adi ka iji patadi8adj.

Kagi iji 8abadaagani8idj John 2:4

Pejig dac kegon ki8i mikodamonom adi eji ega min8endaman. Ka8in aja kidapitci sagiijisim, ka8in tabickotc apitc ka madji teb8etaojiegoban.