Ojibiama8agani8i8ag ka teb8etamo8adj Rom odenakag 11:6 - Kije Manido Odikido8in: Ocki Mazinaigan

⁶ E 8i ca8enimadjin 8edji ki odji onabamadjin, ka8in 8in egi odji mino ijitcigendjin. Kicpin ki odji onabamagani8i8apan omino ijitcige8ini8a odji, ogi odisigona8adok kagi nda kackitamadizo8adj, ka8in 8in ki ca8enimagani8isidog8enag.

Ojibiama8agani8i8ag ka teb8etamo8adj Rom odenakag 11:6 Iomraidhean Croise

Min8adjimo8ini kagi ojibiag kitcit8a Lok 6:13

8iabanig, ogi nd8e8eman okikinoamaganan acitc ogi onabaman midatcin acitc nijin e tacindjin kidji Odanodagani8agedj.

1 Konit 15:10

Misa8adj dac, Kije Manido ka kitci kije8adizidj nigi ca8enimig, kidji inadizian nogom ka inadizian. Ka8in ceck8at nidodji ca8enimigosi. Tiegodj, na8adj nigi kitci nak8i kidji ijitaian ii mikimo8in apitc8in kakina kodagiag Anodaganag. Pekic dac Kije Manido aa maia ka mikimopan, 8in kagi ca8enimijidj, ka8in nin tibina8e nidodji ijitasi ii mikimo8in.

Kalecia 2:21

Ka8in dac ni8ebinasin Kije Manido okitci ca8endjige8in. Kicpin mega a8iag e nosoneagin Coda8inni Inakonige8inan kackitopan kidji odji k8aiak8abamigodjin Kije Manidon, misa ceck8at kadagi niboban Jesos Christ.

Kalecia 5:4

Kina8a ka inendameg e k8aiak8abamigo8eg Kije Manido e nosoneamegon Coda8inni Inakonige8inan, aja kinicikesem Jesos Christikag. Aja kigi 8ebinana8a Kije Manido okitci ca8endjige8in.

2 Timote 1:9

Kije Manido kigi ag8acimigonan acitc kigi nd8e8emigonan 8inikag kidji iji tibendagoziak. Ka8in sa egi mino inakamigiziak 8edji ki ag8aciminak, tiegodj sa mi ka iji onendag, acitc mi ka iji ca8eniminak, 8in ka kitci kije8adizidj. Ab8amaci kijendjigadenig akini, aja kijadj kigi minigonan Kije Manido oca8endjige8in, kina8it Jesos Christikag ka iji tibendagoziak.

Tite 3:5

kigi ag8acimigonan, osa mega kigi kidimagenimigonan, ka8in 8in egi mino ijitcigeiak odji. Kigi manibidamagonan kipatado8ininanan, e paiekaba8anigo8ak, Mino Manidon omacka8izi8ini e abadjitodj kidji koki nta8igiigo8ak acitc kidji minigo8ak ocki pimadizi8ini.