Kagi iji 8abadaagani8idj John 7:10 - Kije Manido Odikido8in: Ocki Mazinaigan

¹⁰ Kakina ikidobanig e kitci kiji8e8adj: “Kikije Manidominan ka abidj kitci ogima8i tesabi8aganikag acitc aa Mantcenices, mi igi8e kagi ag8acimigo8ak.”

Kagi iji 8abadaagani8idj John 7:10 Iomraidhean Croise

Min8adjimo8ini kagi ojibiag kitcit8a Lok 3:6

Midac kakina ka taci8adj a8iagog oga 8abadana8a adi Kije Manidon eji ag8acimigo8adjin.” Ésaïe 40.3-5

John 1:29

8iabanig, Cabadis ogi 8abaman Jesosan e pi nda 8abamigodjin acitc ki ikido: “8adan aa mi maia tabickotc mantcenices ejinagozidj, Kije Manido kagi migi8edj. Mi aa e manibidodj kakina a8ian opatado8ini.

John 1:36

Ogi 8abaman Jesosan e pimosendjin acitc ki ikido: “8adan aa mi maia tabickotc mantcenices ejinagozidj, Kije Manido kagi migi8edj.”

John 4:22

Kina8a Samani ka odjieg, kidicpenima8a Kije Manido misa8adj ega e kikenimeg. Nina8it dac Coda8innig nikikenimanan Kije Manido ka icpenimagidj. Coda8innikag mega kada odjimagan kidji ag8acimagani8i8adj kakina a8iagog.”

Epes 2:8

Epitci kitci kije8adizidj Kije Manido, kigi ca8enimigo8a kidji ag8acimigo8eg, egi teb8eta8eg. Ka8in dac kikackitosina8a kina8a tibina8e kidji ag8acimidizo8eg. Mi sa Kije Manido ka iji ca8enimi8edj.

Kagi iji 8abadaagani8idj John 12:10

Ick8a dac ii, nigi noda8a a8iag 8ak8ig e odji anim8edj e kitci kiji8edj. Mi oo8eni ka ikidodj: “Nogom nag8an Kije Manido egi ag8acimigo8ak. Ki 8abadai8e adi epitci macka8izidj, 8in mega ogima8i. Nogom kigi 8abamanan adi epitci macka8izindjin ini8e Kije Manido ka pidjinija8adjin. Tcabacic mega ki iji8ebinagani8i aa8e ka nta inactaonapanin Kije Manidon odanicinabemini. Apanigotc odinactaonabanin nigan Kije Manidokag, meg8a tibik acitc meg8a kijik.

Kagi iji 8abadaagani8idj John 19:1

Ick8a dac ii, nigi noda8ag kitci mane a8iagog e mad8e anim8e8adj 8ak8ig. Pabibagibanig: “Icpenimik Kije Manido! Mi aa8e kagi ag8aciminak. Icpendagozi acitc macka8izi aa.

Kagi iji 8abadaagani8idj John 21:5

Aa8e dac ka abidj kitci ogima8i tesabi8aganikag ki ikido: “Ndotamok! Nikoki kijendanan kakina kegonan.” Midac ka ijidj: “Ojibian oo8e, teb8emaganon mega nidikido8inan, ka8in nikagina8ickisi.”

Kagi iji 8abadaagani8idj John 22:3

Ka8in dac 8ikad kegoni Kije Manido ka ikidodj ega e min8acinig kadagi tag8asini iima odenag. Kije Manido acitc Mantcenices okitci ogima8i tesabi8agani8a kada ateni iima odenag. Igi8e dac ka anokita8a8adjin Kije Manidon oga icpenima8an.

Kagi iji 8abadaagani8idj John 4:6

Acitc nigan kitci ogima8i tesabi8aganikag pejig kegon kitci tcakideban tabickotc kitcigami. Mi maia 8aseantcigan epitci cabonag8agiban. Ni8ibanig kagi kijenimagani8i8adj e 8ajagamebi8adj tcigidj ka iji atenigiban ii kitci ogima8i tesabi8agani. Nodjimobanig acitc mizi8e ockijigobanig, nigan acitc odakanag.

Kagi iji 8abadaagani8idj John 5:7

Aa dac Mantcenices ogi nda 8abaman ini8e ka abindjin kitci ogima8i tesabi8aganikag, acitc ogi odapinan ka tidibanakosinig mazinaigani ka takonamindjin okitcinikinikag.