Kagi iji 8abadaagani8idj John 6:3 - Kije Manido Odikido8in: Ocki Mazinaigan

³ Midac aa Mantcenices ogi manibidon kodag pazag8aigani. Nigi noda8a dac kodag ka nio8adj kagi kijenimagani8i8adj e ikidodj kiabadj: “Pijan ooma!”

Kagi iji 8abadaagani8idj John 6:3 Iomraidhean Croise

Matio 27:66

Ki ija8ag dac 8ibabikiniganikag, acitc ogi kikina8adjibi8a8an ini kitci asinin ka kibockodjigendjin 8ibabikiniganikag, kidji gi odji kikendamo8adj kicpin a8ian ka apitci adjibinag8enin asinin kidji pidigendjin 8ibabikiniganikag, acitc cimaganican ogi anona8an kidji nagadjitondjin.

Kagi iji 8abadaagani8idj John 4:7

Nitam aa mi maia micibiji ejinagozipan, eko niji8adj dac mi maia mictozoc ejinagozipan, eko nisi8adj dac mi maia a8iag ka pidjinabidj ejinagozipan, acitc dac eko nio8adj mi maia migizi e pimisedj ejinagozipan.

Kagi iji 8abadaagani8idj John 6:1

Nigi 8abama dac aa Mantcenices e manibidodj nitam pazag8aigani iima mazinaiganikag, nij8atcin kagi iji kibo pazag8aigadenig. Midac pejig nigi noda8a ii ka nio8adj kagi kijenimagani8i8adj e ikidodj: “Pijan ooma!” Mi maia inimiki enitagozidj e anim8edj.

Kagi iji 8abadaagani8idj John 8:1

Kiabadj Mantcenices ogi manibidon pejig pazag8aigani kidji gi abisk8anenag ka tidibanakosinig mazinaigani. Mi aja nij8atcin inigik odani manibidonabanin. Apitc ka ick8a manibidodj, ka8in odji pejig kegon odji nodag8asinon 8edi 8ak8ig, 8aiej abitatibaigan inigik.