Kagi iji 8abadaagani8idj John 6:17 - Kije Manido Odikido8in: Ocki Mazinaigan

¹⁷ Aja mega odjitciseni maia kidji kitci pajacteogo8ag. Ka8in a8iag kadagi ojimosi ii apitc.”

Kagi iji 8abadaagani8idj John 6:17 Iomraidhean Croise

Min8adjimo8ini kagi ojibiag kitcit8a Lok 21:36

Eco8iok dac. Apanigotc aiamieok, kidji gi aiameg macka8izi8in kidji gi cabockameg ii ke iji8ebizieg e sogigaba8ieg, ega dac kidji segizieg apitc tibakonigo8eg Ka pi Anicinabe8iidizodj.” Mi ka ikidodj Jesos.

Ojibiama8agani8i8ag ka teb8etamo8adj Rom odenakag 2:5

Anic dac kicibictig8ane acitc ka8in ki8i an8endizosi. Midac 8edji nda kackitamadizo8an kidji kitci sogacteok Kije Manido apitc odjitcisenig kidji 8abadai8edj e nickiigodjin a8iagon ka panaagendjin acitc odjitcisenig kidji k8aiak8akonadjin.

Jod odojibiigan 1:6

Mamidonenimikog ke8ina8a igi ajenig ega ka 8i kana8endamo8agobanen ii macka8izi8ini kagi minigo8apanin Kije Manidon. Ogi nagadana8a taji Kije Manidon kagi minigo8apanin kidji iji tajike8adj. Ii dac odji, Kije Manido ogi mag8apinan, pi8abiko sagapizoneabini e abadjitodj, acitc ka iji kacki tibikanig odiji kana8eniman, apanigotc kidji tajikendjin iima, pinici kidji odjitcisenig Kije Manido okitci tibakonige8igijigom.

Kagi iji 8abadaagani8idj John 11:18

Kakinagotc adi ka inakanezi8adj a8iagog ega ka kikenimik8a, ki kitci nickadizi8ag. Anic dac aja odjitcise kin kidji kitci nickadizian, acitc kidji tibakonad8a ka nibo8adj. Aja odjitcise kidji ca8enimad8a igi8e ka anokitaok8a kagi tibadjimo8adj kidikido8ini. Kiga ca8enimag kakina kidanicinabemag, ka tabasendagozi8adj acitc ka apitendagozi8adj, kakina igi8e ka ndotaok8a. Mi aja odjitcise kidji nici8anadjiagani8i8adj igi8e ka nici8anadjia8adjin a8iagon akikag.”

Kagi iji 8abadaagani8idj John 16:14

Igi8e dac madji manidog mamada8izi8ag. Kakina dac ogiman mizi8ekamig onazika8a8an. Oma8adjia8an dac kidji ijandjin ke iji migadinani8anig apitc odjitcisenig okitci kijigom Kije Manido ma8adji ka kitci macka8izidj.