Kagi iji 8abadaagani8idj John 6:12 - Kije Manido Odikido8in: Ocki Mazinaigan

¹² Mina8adj aa Mantcenices ogi manibidon kodag pazag8aigani. Aja nigod8atcin odani manibidonan. Ki kitci k8ig8an. Ki poni tcakasige kizis acitc ki ani makade8izi, tabickotc makade8egin. Tibikikizis dac 8in, ki ani misk8asige tabickotc misk8i.

Kagi iji 8abadaagani8idj John 6:12 Iomraidhean Croise

Matio 11:21

“Kiga kitci madji iji8ebizim, kina8a ka tajikeieg Korazin (Chorazin) odenag acitc kina8a ka tajikeieg Betseda (Bethsaïda) odenag! Kitci mane mega nigi iji mamada8izinan kidodenami8akag, ka8in dac misa8adj ki8i odji an8endizosim. Kicpin ini mamada8izi8inan ki todjigadegibanin 8eckadj 8edi Tir (Tyr) acitc Sidon odenakag, igi madji a8iagog iima ka tajike8apan aja 8eckadj kadagi makade8eginoobanig kidji 8abadai8e8adj e an8endizo8adj.

Matio 24:29

“Teci8agigotc dac ick8asenigin ini kodagito8inan, kada ani makade8asige kizis acitc ka8in kada tcakasigesi tibikikizis. 8ak8ikag kada odagodjinog 8anagocag acitc kakina kegonan icpimig kada ninigise8an.

Matio 24:7

Pejig8eieg a8iagog ka inakanezi8adj oga migana8an a8iagon pakan ka inakanezindjin, acitc a8iagog pejig aki ka tajike8adj oga migana8an a8iagon pakan akin ka tajikendjin. Kada ka8askadani8an acitc kada k8ig8an aianodjigotc.

Matio 27:45

E abitakijigag, ki odji kacki tibikise mizi8e akikag, pinici kidji nisotibaiganeag e ick8a abitakijigag.

Matio 27:54

Cimaganici ogima dac acitc kakina ocimaganiciman ka kana8enima8apanin Jesosan ogi 8abadana8a e kitci k8ig8anig acitc kakinagotc eji8ebanig. Ki kitci segizi8ag dac acitc ki ikido8ag: “Teb8e mi aa Kije Manido Og8izisan!”

Matio 28:2

Ii apitc ki kitci k8ig8ani. Pejig dac Kije Manido odajeniman 8ak8ikag ki pi odji najise8an. Ogi nda taditibinan kitci asinin ka odji pidigani8anig 8ibabikiniganikag, acitc ki 8agidabi asinikag.

Min8adjimo8ini kagi ojibiag kitcit8a Mak 15:33

E abitakijigag, ki odji kacki tibikise mizi8e akikag, pinici kidji nisotibaiganeag e ick8a abitakijigag.

Kagi iji 8abadaagani8idj John 11:13

Ki kitci k8ig8an ii apitc. Pejig migi8am e taso midatcigin ki ick8a abadan iima odenakag. Nij8atcin kitci midasomidana (7000) a8iagog ogi nisigona8a meg8adj ka kitci k8ig8anigiban. A8iagog dac ka pimadizi8adj ki kitci segizibanig, acitc ogi icpenima8an Kije Manidon, 8ak8ig ka ogima8indjin.

Kagi iji 8abadaagani8idj John 16:18

Ki kitci 8a8asakonese, kegon ki kitci nodag8an, ki nodagozi inimiki, acitc ki kitci k8ig8an. Ka ako kijenimadjin a8iagon Kije Manido, ka8in 8ikad ki apitci kitci k8ig8asinon.

Kagi iji 8abadaagani8idj John 16:8

Mina8adj kodag ajeni ogi a8i siginan odonagan, mi aja ni8in ajenig egi siginamo8adjin. Kizisokag ogi iji siginan. Na8adj ki ani kijizo kizis kidji gi ick8az8adjin a8iagon.

Kagi iji 8abadaagani8idj John 8:12

Kiabadj kodag ajeni ki podadjige, mi aja ni8in ajenig egi podadamo8adjin onodag8atcigani8an. Apitc ka ick8a podadjigedj, kegat abita enigino8adj kizis acitc tibikikizis, kegoni ki ijise8ag, ega kabe kidji gi tcakasige8adj. Mi pejig8an 8anagocag ka ijise8adj, kegat abita e taci8adj ki ani makade8izi8ag. Kegat dac abita8ikajik inigik ki tibikanoban, acitc kegat abita8itibik inigik ka8in odji tcakasigesi8ag tibikikizis acitc 8anagocag.

Kagi iji 8abadaagani8idj John 8:5

Ick8a dac ii, aa ajeni ogi kicponaton ii oza8iconia onagani, ickodeni e abadjitodj, kitcit8a 8isini8aganikag taji ka iji icpenimagani8indjin Kije Manidon e odinanig ii ickodeni. Midac ka iji k8anago8ebinag akikag. Teci8ag ki kitci inimikika acitc kegon ki kitci nodag8an. Ki kitci 8a8asakonese acitc ki kitci k8ig8an.