Kagi iji 8abadaagani8idj John 16:6 - Kije Manido Odikido8in: Ocki Mazinaigan

⁶ Igi a8iagog ogi nisa8an niganadjimo8innin acitc kidanicinabeman, nogom dac kigi minag misk8ini kidji minik8e8adj. 8ina8a ka todadizo8adj, 8edji ijise8adj,” ki ikido.

Kagi iji 8abadaagani8idj John 16:6 Iomraidhean Croise

Matio 7:2

Adi kagi iji onenimeg8a kidjipimadizimi8ag, mi iidi ke iji tibakonigo8eg Kije Manido. Adi kagi iji toda8eg8a kidjipimadizimi8ag, mi iidi Kije Manido ke todago8eg.

Min8adjimo8ini kagi ojibiag kitcit8a Lok 12:48

Kicpin dac anokitage8inni ega kikendag adi eji nda8endamindjin okackaman, acitc anodj inakamigizidj, pagi eta kada pajacte8agani8i. Aa mega ka kitci ca8enimagani8idj, Kije Manidon onada8enimigon kidji mino anokita8adjin. Kicpin dac a8acamej ki kitci ca8enimagani8idj, panima a8acamej kada anokitage.”

Ebaro 10:29

Kana dac na8adj kiabadj kada kitci sanagizisi aa8e ka tabasenimadjin Kije Manidon Og8izisini? Ka8in mega odji pejig okitci apitendasin Jesosan omisk8ini aa, Kije Manido kagi abadjitodj kidji ojitodj odocki nakomo8in. Mi ii misk8ini kagi abadanig kidji paiekideeagani8idj aa a8iag. Acitc aa a8iag omanazoman Mino Manidon ka kikendamoni8endjin Kije Manidon okitci ca8endjige8ini. Teb8e sa kitci sogi kackitamadizo aa a8iag kidji pajacte8agani8idj.

Kagi iji 8abadaagani8idj John 11:18

Kakinagotc adi ka inakanezi8adj a8iagog ega ka kikenimik8a, ki kitci nickadizi8ag. Anic dac aja odjitcise kin kidji kitci nickadizian, acitc kidji tibakonad8a ka nibo8adj. Aja odjitcise kidji ca8enimad8a igi8e ka anokitaok8a kagi tibadjimo8adj kidikido8ini. Kiga ca8enimag kakina kidanicinabemag, ka tabasendagozi8adj acitc ka apitendagozi8adj, kakina igi8e ka ndotaok8a. Mi aja odjitcise kidji nici8anadjiagani8i8adj igi8e ka nici8anadjia8adjin a8iagon akikag.”

Kagi iji 8abadaagani8idj John 13:10

Aa8e ka inendagozidj kidji takonagani8idj, ketcinadj kada takonagani8i. Aa8e ka inendagozidj kitci mokomani kidji odjinedj, ketcinadj kada odjine iidi. Panima dac Kije Manido odanicinabeman ki kitci cacibendamindjin, acitc kiabadj ki teb8etamindjin.

Kagi iji 8abadaagani8idj John 13:15

Aa8e dac madji a8esiz ka taji anim8epan ki minagani8i macka8izi8ini kidji pimadiziadjin ini manidokanan, kidji gi anim8endjin acitc kidji gi anokindjin kidji nisagani8indjin kakina ini8e ega kagi icpenimigodjin 8in aa manidokan.

Kagi iji 8abadaagani8idj John 18:20

Kina8a 8ak8ig ka teieg, modjigendamok egi ick8a nici8anadag ii odena! Kina8a Kije Manido odanicinabeman, kina8a Jesos Odanodaganan acitc kina8a niganadjimo8innig, modjigendamok! Kije Manido mega ogi tibakonan adi kagi todago8eg.

Kagi iji 8abadaagani8idj John 18:24

Iima odenakag ki nisagani8ibanig niganadjimo8innig acitc Kije Manido odanicinabeman. Mi mega iima ka odjiseg kidji nisagani8i8apan mane a8iagog mizi8ekamig. Mi ke odji nici8anadag Babilon kitci odena.” Mi ka ikidodj ajeni.

Kagi iji 8abadaagani8idj John 19:2

Kabena k8aiak otibakonan a8iagon, pajacte8agani8i8an adi kagi ijitcigendjin. Ogi tibakonan ini madji ik8e8an kagi 8agackibinandjin a8iagon mizi8ekamig egi paba madji inakamigizindjin. Ogi tibakonan egi nisandjin ini a8iagon ka anokita8andjin Kije Manidon.”