Kagi iji 8abadaagani8idj John 14:15 - Kije Manido Odikido8in: Ocki Mazinaigan

¹⁵ Kodag ajeni ki pi sagaam kitci aiamiemigi8amikag, acitc ogi kitci pibagiman ini8e ka taji abindjin 8ak8ikag e inadjin: “Odapinan kikickija8an acitc kickijok anominag, aja mega odjitcise kidji ma8adjiagani8i8adj. Aja adiso8ag, mi eta aja kidji gi ma8adjiagani8i8adj.”

Kagi iji 8abadaagani8idj John 14:15 Iomraidhean Croise

Matio 13:30

Mi ijitaokon manodj kada ma8asago madjiginon, pinici kidji odjitciseg kidji ma8adjitcigadegin kitiganan. Ii dac apitc, niga inag ka ma8adjito8adjin kitiganan: Manibidaokon pinama madji mijackon, acitc ok8abidaokon kidji ick8azamegon. Mina8adj dac ma8adjitaokon ka min8acigin kitiganan acitc nidatasonigi8amikag ataokon, mi ke inag8a,’ ki ikido aa nabe.” Mi ka inadisokedj Jesos.

Matio 13:39

Madji a8iag dac ka kitigedj madji mijackoni, mi aa madji manido. Apitc dac ma8adjitcigadegin kitiganan, mi maia tabickotc ka ponaki8ag ejinag8ag. Ka ma8adjito8adjin dac kitigani, mi igi ajenig.”

Matio 23:32

Ka8in dac ponitokegon. Kijitaok kagi madjito8agobanen 8eckadj kikitci anicinabemi8abanig!”

Min8adjimo8ini kagi ojibiag kitcit8a Mak 4:29

Apitc dac igi anominag ick8a kijigi8adj, aa nabe kickija8ani odabadjiton, aja e ijisenig kidji ma8adjitodjin okitiganan,” ki ikido.

1 Tesalonika 2:16

Nik8ag8e nagabinigonanag kidji tibadjimota8agid8a ega ka Coda8inni8indjin ii min8adjimo8ini kegi odji ag8acimagani8indjin. Kabegotc eckam ki kitci nta patadi8ag igi8e Coda8innig, acitc aja ki odjitciseni inigik ka pagidinigo8adjin Kije Manidon kidji patadi8adj. Aja dac ogi kitci nickia8an Kije Manidon acitc ogi tibakonigo8an.

Kagi iji 8abadaagani8idj John 11:19

Kije Manido 8ak8ig okitci aiamiemigi8am ki ceseni. Iima pidigamig kitcit8a mitigo8aj ki odji nag8an, ka odji mamidonendjigadenig nitam Kije Manido onakomo8in. Midac ka iji kitci 8a8asakoneseg, kegon ki kitci nodag8an, ki kitci nodagozi8ag inimikig, ki kitci k8ig8an, acitc ki kitci mizigan.

Kagi iji 8abadaagani8idj John 13:12

Aa dac madji a8esiz kakina ogi minigon omacka8izi8ini ini8e nitam madji a8esizan, kidji gi ogima8idj ke8in. Meg8adj dac e taji kana8abamigodjin ini nitam a8esizan, ogi kadjinija8an kakina a8iagon akikag ka tajikendjin kidji icpenimandjin ini nitam madji a8esizan, kagi papakitectig8ane8agani8inigobanen pinici kidji nibondjin kagi ijinagozinigobanen, acitc dac kagi kigendjin.

Kagi iji 8abadaagani8idj John 14:14

Kiabadj nigi inabinan acitc nigi 8abadan 8ak8i e 8abag. Nigi 8abama pejig a8iag iima e taji abidj, nozem nabe ejinagozipan. Okigickanaban octig8anikag oza8iconia sizok8epizoni. Otakonanaban kickija8ani e kitci kacanig.

Kagi iji 8abadaagani8idj John 14:16

Midac aa8e ka taji abipan 8ak8ikag ogi abadjiton okickija8an, acitc kakina ogi ma8adjitonan kitiganan mizi8e akikag.

Kagi iji 8abadaagani8idj John 14:17

Mina8adj kodag ajeni nigi 8abama kitci aiamiemigi8amikag 8ak8ig ka tag8anig e odji sagaag. Ke8in otakonanaban kitci mokomani e kitci kacanig.

Kagi iji 8abadaagani8idj John 14:18

Mina8adj dac kodag ajeni kitcit8a 8isini8aganikag taji ka iji icpenimagani8idj Kije Manido ki odose. Aa ajeni onagadjitonaban ickodeni iima. Ogi pibagiman ini ajenin ka takonamindjin mokomani ka kitci kacanig acitc ogi inan: “Odapinan kimokoman. Ijan akikag acitc a8i ma8adjiik ka oza8izi8adj cominicag kagi nta8igi8adj cominici8atigokag 8edi, aja mega adiso8ag.”

Kagi iji 8abadaagani8idj John 15:6

Nigi 8abamag kitci aiamiemigi8amikag e pi sagaamo8adj igi ka nij8atci8adj ajenig e pidji8ido8apanin nij8atcin kodagito8inan. 8abiginoobanig acitc kitci tcakigidenibanin odaimi8an, acitc kitcipizobanig oza8iconia8i kitcipizonan.

Kagi iji 8abadaagani8idj John 16:17

Midac kodag ajeni ogi a8i siginan odonagan, mi aja nij8atcin ajenig egi siginamo8adjin. Anodj ka iji nodinig ogi iji sig8ebinan. A8iag kitci ogima8i tesabi8aganikag, kitci aiamiemigi8amikag ka iji tag8ag, ki odji kiji8e e ikidodj oo8e: “Mi aja ki kijitcigade!”

Kagi iji 8abadaagani8idj John 6:10

Ki kitci kiji8e8ag oo8e: “Ka Tibeniminak! Kikitcit8a8izinan acitc kinikag odjimagan teb8e8in. A8iagog 8edi akikag kagi nisigo8ag, anapitc ke tibakonad8a? Anapitc ke toda8ad8a kidji sanagendjige8adj?”