Kagi iji 8abadaagani8idj John 12:10 - Kije Manido Odikido8in: Ocki Mazinaigan

¹⁰ Ick8a dac ii, nigi noda8a a8iag 8ak8ig e odji anim8edj e kitci kiji8edj. Mi oo8eni ka ikidodj: “Nogom nag8an Kije Manido egi ag8acimigo8ak. Ki 8abadai8e adi epitci macka8izidj, 8in mega ogima8i. Nogom kigi 8abamanan adi epitci macka8izindjin ini8e Kije Manido ka pidjinija8adjin. Tcabacic mega ki iji8ebinagani8i aa8e ka nta inactaonapanin Kije Manidon odanicinabemini. Apanigotc odinactaonabanin nigan Kije Manidokag, meg8a tibik acitc meg8a kijik.

Kagi iji 8abadaagani8idj John 12:10 Iomraidhean Croise

Matio 26:64

Jesos ogi nak8e8ajian: “Mi ekido8an kin. Ki8idamonom dac, aja pecodj kiga 8abamijim nin, Ka pi Anicinabe8iidizodj, kidji abian Kije Manido ma8adji ka kitci macka8izidj okitcinikikag, acitc kiga 8abamijim kidji pi najiseian nena8idj 8ak8ikag.”

Matio 28:18

Jesos dac ogi nazika8an acitc ogi inan: “Nigi minigo macka8izi8in kidji ogima8ian 8ak8ig acitc akikag.

Matio 6:10

8egona pijamagag kidogima8i8in. 8egona iji8ebag ooma akikag eji nda8endaman, tabickotc ka iji8ebag 8ak8ig.

Min8adjimo8ini kagi ojibiag kitcit8a Lok 11:2

Jesos dac ogi inan: “Apitc aiamieieg, mi oo8e ke ikido8eg: Nidadaminan, 8egona kakina a8iag kitcit8a8endag kidijinikazo8ini. 8egona pijamagag kidogima8i8in.

Min8adjimo8ini kagi ojibiag kitcit8a Lok 22:31

“Simo, ndotan! Madji manido ki k8ag8ed8e kidji gi kitci mimigobaniigo8eg, tabickotc ako ka kitci mimigobaniagani8i8adj anominag kidji nenicikebaniagani8i8adj anominatigokag.

1 Konit 5:4

Mi oo8e ke todameg. Ma8adjiidiok kidji icpendameg ka Tibeniminak Jesos o8izon. Kiga aiana8a Jesos ka Tibeniminak omacka8izi8in acitc kiga mik8eniminom.

2 Konit 12:9

Tasin dac ka Tibendjigedj nigi nak8e8ajiig: “Nica8endjige8in mininan, mi kidji tibiseaban. Apitc mega ako cagozian kin, mi apitc ketci paietenag8ag nimacka8izi8in,” mi ka ijidj. Aja dac nogom nikitci min8endan e mikodaman adi epitci cagozian, mi mega iima 8edinaman kidji aiam8ag Jesos Christ omacka8izi8in.

Tite 2:3

Mi pejig8an, ijik kokomag kidji k8aiak8adizi8adj kidji gi odji min8endamia8adjin Kije Manidon. Ka8in kada paba madji mikomi8esi8ag, acitc ka8in kada kitci minik8esi8ag. Tiegodj, inendagozi8ag kidji kikinoamage8adj adi ke iji k8aiak8adizinani8anig.

1 Pien 5:8

Nagadjiidizok enakamigizieg acitc iag8amenimidizok. Apanigotc iag8amig madji manido ka madjenimigo8eg. Mi mega maia tabickotc micibiji ka paba nodagozidj ejinagozidj, pijicig e nanada 8abamadjin a8ian kidji cagodjiadjin.

Kagi iji 8abadaagani8idj John 11:15

Kegapitc pejig kodag ajeni ki podadjige. Mi aja nij8atcin inigik ajenig egi podadamo8adjin onodag8atcigani8an. Nigi noda8ag a8iagog 8ak8ig e mad8e ikido8adj oo8eni: “Ka Tibeniminak acitc Ini8e kagi pidjinija8adjin aja ki madjita8ag kidji ogima8i8adj akikag. Apanigotc kada ogima8i8ag.”

Kagi iji 8abadaagani8idj John 2:26

Igi8e dac ke sogigaba8i8adj, acitc ega 8ikad ke poni ndotaoji8adj adi eji nda8enimag8a kidji todamo8adj pinici kidji koki tag8icinian, niga minag kidji kackakana8adjin kakinagotc enakanezindjin a8iagon.

Kagi iji 8abadaagani8idj John 7:10

Kakina ikidobanig e kitci kiji8e8adj: “Kikije Manidominan ka abidj kitci ogima8i tesabi8aganikag acitc aa Mantcenices, mi igi8e kagi ag8acimigo8ak.”