Kagi iji 8abadaagani8idj John 11:12 - Kije Manido Odikido8in: Ocki Mazinaigan

¹² Midac igi ka niji8adj ogi noda8a8an a8ian 8ak8ig e odji aiamiigo8adjin. Ki kitci kiji8e8an, e igo8adjin: “Pijaok ooma icpimig.” Midac ka iji icpika8adj 8ak8ig, e nigeckago8adj e nig8ak8anig, meg8adj e taji kijigabamigo8adjin ka madjenimigo8adjin a8iagon.

Kagi iji 8abadaagani8idj John 11:12 Iomraidhean Croise

Min8adjimo8ini kagi ojibiag kitcit8a Lok 16:23

Ka oconiamidj kitci kodagitoban iima ka iji te8adj ka nibo8adj. Ki icpanabi dac acitc 8asag ogi odji tebabaman Abanaaman acitc Lazaran e pec8abamidindjin.

Jesos Odanodaganan Odijitcige8ini8an 1:9

Apitc ii8eni ka ick8a 8idamagedj, meg8adj e kana8abamigodjin Odanodaganan, Jesos ki icpika 8ak8ig pinici pejig 8ak8ini kidji nigeckagodj.

1 Tesalonika 4:17

Mina8adj dac, kina8it kiabadj e pimadiziak, nena8idj 8ak8ikag kiga icpikamin, kigi 8ina8a kagi nibo8adj, kidji nda nagicka8aiak ka Tibendjigedj 8edi icpimig. Apanigotc dac mojag kiga 8idji tajikemanan ka Tibendjigedj.

Kagi iji 8abadaagani8idj John 12:5

Ki og8izisi aa ik8e, ke kitci sogakonigendjin e ogima8indjin kakina ka iji ainakanezinani8anig. Apitc ka ick8a odabinodjijimipan, teci8ag ki makazonani8an aa abinodjij, ki iji8inagani8i nigan Kije Manidokag acitc okitci ogima8i tesabi8agani.

Kagi iji 8abadaagani8idj John 3:21

Igi8e ke sogigaba8i8adj, niga minag kidji 8idji ogimamiji8adj. Mama8 niga abimin nikitci ogima8i tesabi8aganikag. Mi pejig8an kenin, nigi sogigaba8inan, midac nin acitc Nidadam mama8 nidabimin okitci ogima8i tesabi8aganikag.

Kagi iji 8abadaagani8idj John 4:1

Ick8a dac ii, mina8adj kiabadj nigi ijinan kegon, nigi 8abadan ick8adem e ceteg 8ak8ig. Kiabadj nigi noda8a aa kagi aiamiijipan, mi maia ka podadjigadeg nodag8atcigan enitagozipan. Nigi inig: “Pijan ooma icpimig, kidji 8abadainan adi ke iji8ebag.”