Kagi iji 8abadaagani8idj John 1:4 - Kije Manido Odikido8in: Ocki Mazinaigan4 Nin, John, kidojibiamonom, kina8a ka teb8etameg, ka nij8atcigin odenan 8edi Eja (Asie) aki ka taji tajikeieg, ka ma8adjiidieg kidji aiamieieg. Nipagosenima Kije Manido kidji ca8enimigo8eg, acitc kidji minigo8eg pekadendamo8ini, 8in nogom ka pimadizidj, kagige kagi pi pimadizidj, acitc ke pi tag8icig. Nipagosenimag igi8eni8ag nij8atcin manidog ka te8adj nigan Kije Manidon okitci ogima8i tesabi8aganikag ke8ina8a kidji ca8enimigo8eg acitc kidji minigo8eg pekadendamo8ini. Faic an caibideil |
Kagi iji 8abadaagani8idj John 1:4
41 Iomraidhean Croise
8adan ono8e Jesos Christ kagi 8abadaadjin ini8e ka anokita8andjin Kije Manidon. Kije Manido ogi minan Jesosan kidji 8abadaandjin kakina a8iagon ka anokitagodjin, kidji gi kikendamindjin adi aja pecodj ke iji8ebanig. Midac Jesos nigi pidjinijaamag ajenin kidji pi nda 8abadaijindjin ini kegonan, nin John ka anokita8ag.
Midac ka ikidodj: “Mazinaiganikag ojibian nogom adi eji 8abadaman. Ijinijaamaok dac ii mazinaigani ka teb8etamo8adj ka taji ma8adjiidi8adj ono8e ka nij8atcinigin odenan, 8edi Epes (Ephèse), Simina (Smyrne), Penigam (Pergame), Taiatina (Thyatire), Sanidas (Sardes), Piladelapia (Philadelphie), acitc Leadisia (Laodicée),” ki ikido.
Igi8e dac ka 8abamad8a nij8atcin 8anagocag ka takonag8a nikitcinikikag acitc ini8e nij8atcin pimide 8asakonendjiganatigon ka oza8iconia8agin, kiga 8idamon adi 8a ikidomagagin. Igi8e nij8atcin 8anagocag, mi ini8e Kije Manido ka ijinija8adjin tibadjimo8innin kidji nagadjiandjin ka teb8etamindjin iima ka taji ma8adjiidindjin ka nij8atcinigin odenan. Ini8e dac nij8atcin pimide 8asakonendjiganatigon, mi igi8e ka teb8etamo8adj ka taji ma8adjiidi8adj iima ka nij8atcinigin odenan.”
Nin John, kidjiki8e8a. Jesosikag ka iji mama8iseiak, kakina kikodagitomin, kakina kidiji tibendagozimin Jesos Odogima8i8inikag, acitc kakina kicacibendananan meg8adj e animiziak. Nin dac, nigi takonigo acitc nigi iji asigo ooma minitigokag, Patmos ka ijinikadeg, osa mega nigi kagik8e Kije Manido odikido8in, acitc nigi 8idamage adi ka pi todag Jesos.
Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Sanidas odenag. Ojibian dac oo8edi: Mi ekidodj aa8e ka tibenimadjin ini8e nij8atcin manidon ka anokita8andjin Kije Manidon, acitc ka nij8atcindjin 8anagocan ka takonadjin. Nikikendan adi ejitcigeieg. ‘Pimadizi8ag’ kidinenimigo8ag a8iagog, anic dac kigi nibom, nag8an mega egi nibo8eg adi enakamigizieg.
Kiabadj nigi inig: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Leadisia odenag. Ojibian dac oo8edi: Mi ekidodj aa8e ‘Amen’ ka ijinikazodj. 8e8enda omikoman Kije Manidon acitc ka8in 8ikad kagina8ickisi. Mi 8aa Kije Manidon kagi abadjiigodjin kakina kegoni kidji kijendamindjin.
Nigi inig kiabadj: “Ojibian ke ininan acitc ijinijaamao ojibiigani aa8e ka nagadjiadjin ka teb8etamindjin 8edi Piladelapia odenag. Ojibian dac oo8edi: Mi ekidodj aa8e ka kitcit8a8izidj, ega 8ikad ka kagina8ickidj. Davidan okidabikaigani otakonan. Kicpin cenag ick8ademini, ka8in a8ian ogagi kibaasini. Kicpin kibaag ick8ademini, ka8in a8ian ogagi cenasini.
Kakina pepejig nigod8as8agebanig, acitc dac ockijigo8an mizi8egokenibanin omig8ana8akag. Kabe kijik acitc kabe tibik, ka8in 8ikad poni nigamosi8ag oo8eni: “Kitcit8a8endagozi, kitcit8a8endagozi, kitcit8a8endagozi Kije Manido ka Tibendjigedj ma8adji ka kitci macka8izidj, 8in kagige ka pi pimadizidj, nogom ka pimadizidj, acitc ke pi tag8icig.”
Kegapitc, Mantcenices nigi 8abama, e tajigaba8idj nena8idj, pecodj kitci ogima8i tesabi8aganikag. Ni8ibanig kagi kijenimagani8i8adj acitc igi8e kitci anicinabeg ogi 8akanigaba8ita8a8an. Nigi nisida8ina8a egi nisagani8igobanen. Nij8atcibanin odeckanan acitc nij8atcidinibanin ockijigon. Ini ockijigon, mi igi nij8atcin manidog ka anokita8a8adjin Kije Manidon ka apitendagozi8adj, ka paba ijinijaogo8adjin Kije Manidon 8akidakamig.
Sanasan