Pilip 4:21 - Kije Manido Odikido8in: Ocki Mazinaigan

²¹ Nidanamika8ag kakina Kije Manido odanicinabeman iima, Jesos Christikag ka iji tibendagozi8adj. Acitc kakina ka teb8etamo8adj ka 8idji tajikemag8a ooma kidanamikago8ag.

Pilip 4:21 Iomraidhean Croise

Matio 5:47

Kicpin anamika8eg8a eta kidjiki8e8ag, ka8in ii odji pejig kegon. 8a8adj igi8e ega ka teb8eta8a8adjin Kije Manidon mi iidi e todamo8adj.

Kalecia 1:2

Kina8a ka teb8etameg, pepakan ka ma8adjiidieg kidji aiamieieg 8edi Kalecia (Galatie) akikag, kidanamikonom, nin acitc kakina ka teb8etamo8adj ka 8idji tajikemag8a ooma.

Kalecia 2:3

Tite ka paba 8idji8agiban, Kanes (Grèce) akikag odjiban, acitc ka8in Coda8inni8isiban. Ka niganizi8adj dac ka8in misa8adj ododji kadjinija8asi8a8an Titan kidji pak8ej8agani8indjin.

Epes 1:1

Nin Pon. Kije Manido nigi onabamig Jesos Christ Odanodaganan kidji inagimigo8an. Kidojibiamonom kina8a Kije Manido odanicinabeman ka apitendagozieg, Epes (Ephèse) odenag ka tajikeieg, enigokodeeieg ka teb8eta8eg Jesos Christ.

Pilip 1:1

Nin Pon, Jesos Christ ka anokita8ag. Timote (Timothée) dac ni8idjiig, mi ke8in Jesos Christan ka anokita8adjin. Kidojibiamonom, kina8a Kije Manido odanicinabeman Pilip (Philippes) odenag ka tajikeieg, ka teb8eta8eg Jesos Christ. Kidojibiamonom acitc kina8a ka niganizieg aiamiemigi8amikag acitc kina8a kakina ka anokita8eg8a ka teb8etamo8adj.

Pilip 4:7

Misa dac Kije Manido opekadendamo8in kiga minigo8a, ega a8ian ka kackitondjin maia kidji nisidotamindjin. Ii dac pekadendamo8in kiga nagadjiigona8a, kidji pekadendjigeieg kidei8akag acitc kimidonendjigani8akag, kina8a Jesos Christikag ka iji mama8iseieg.