Pilip 4:20 - Kije Manido Odikido8in: Ocki Mazinaigan

²⁰ 8egona kagige icpenimagani8idj Kije Manido Kidadaminan. Amen.

Pilip 4:20 Iomraidhean Croise

Matio 28:20

Kikinoamaokog dac kidji nosoneamo8adjin kakina ini inakonige8inan kagi mininagok. Nin dac, apanigotc kiga 8idjionom, pinici kidji ponaki8ag.”

Matio 6:9

Apitc dac aiamieieg, mi oo8e ke ikido8eg: Nidadaminan, 8ak8ig ka tean, 8egona kakina a8iag kitcit8a8endag kidijinikazo8ini.

Ojibiama8agani8i8ag ka teb8etamo8adj Rom odenakag 11:36

8in mega Kije Manido kagi kijendag kakina kegoni. 8in kakina kegoni onagadjiton, kakina kegoni 8inikag iji tibendag8ani. Midac apanigotc icpenimadan! Amen.

Ojibiama8agani8i8ag ka teb8etamo8adj Rom odenakag 16:27

Kagi pi todag dac Jesos Christ odji, apanigotc mojag icpenimadan Kije Manido, 8in eta ka kagita8endag! Amen. Nin Pon

Epes 3:21

Icpenimadan dac Kije Manido, kina8it egi teb8eta8aiak ka ma8adjiidiak kidji aiamieiak, Jesos Christikag egi iji mama8iseiak. Apanigotc kagige icpenimadan. Amen.

Pilip 1:11

Midac Jesos Christ kiga 8idjiigo8a apanigotc kidji mino inakamigizieg, kidji gi odji icpenimagani8indjin Kije Manidon acitc kidji gi odji manadjiagani8indjin.

Pilip 4:23

8egona Jesos Christ ka Tibeniminak kabe minigo8eg okitci ca8endjige8in kina8a kakina. Nin Pon

1 Timote 1:17

8egona kagige manadjiagani8idj acitc icpenimagani8idj aa Kitci Ogima, kagige ke ogima8idj, kagige ke pimadizidj, ega ka 8abamagani8idj, mi eta aa8e ka Kije Manido8idj! Amen.

Jod odojibiigan 1:25

8in eta Kije Manido8i, ka Ag8acimigo8ak, egi pidjinija8adjin Jesos Christan ka Tibeniminak. Kitci icpendagozi, kitci ogima8i, kitci macka8izi, acitc kakina kegoni otibendan. Mi iidi kabegotc ka ijinagozidj, ab8amaci ka ani kijendag8anig akini, mi acitc nogom, mi acitc apanigotc mojag! Amen! Nin Jod

Kagi iji 8abadaagani8idj John 1:6

Kigi ma8adjiigonan Odogima8i8inikag, kidji anokita8aiak Kije Manidon 8in Odadaman. Kagige icpendagozi acitc macka8izi Jesos Christ. Amen!

Kagi iji 8abadaagani8idj John 11:13

Ki kitci k8ig8an ii apitc. Pejig migi8am e taso midatcigin ki ick8a abadan iima odenakag. Nij8atcin kitci midasomidana (7000) a8iagog ogi nisigona8a meg8adj ka kitci k8ig8anigiban. A8iagog dac ka pimadizi8adj ki kitci segizibanig, acitc ogi icpenima8an Kije Manidon, 8ak8ig ka ogima8indjin.

Kagi iji 8abadaagani8idj John 14:7

Aa dac ajeni ogi inan e kiji8edj: “Icpenimik Kije Manido acitc manadjiik. Aja mega odjitcise kidji tibakonadjin kakina a8iagon. Icpenimik aa8e kagi kijendag 8ak8ig acitc akini acitc kitcigamini acitc mokidji8anobini.”

Kagi iji 8abadaagani8idj John 5:12

Kitci kiji8ebanig e nigamo8adj oo8e: “Aa Mantcenices kagi nisagani8ipan, inendagozi kidji icpenimagani8idj. 8in mega macka8izi, 8anadizi, kagita8endagozi, apitendagozi, icpendagozi, acitc kitcit8a8endagozi.”

Kagi iji 8abadaagani8idj John 7:12

e ikido8adj: “Amen! Teb8e iidi! Kikije Manidominan kitci macka8izi, kitci kagita8endam acitc kitci apitendagozi. Apanigotc mig8etc inadan, manadjiadan acitc icpenimadan. Kijigabamik adi epitci icpendagozidj. Amen!”