Pilip 2:22 - Kije Manido Odikido8in: Ocki Mazinaigan

²² Timote dac 8in, kikikendana8a adi ka iji mino inadizidj. Ma8asag nigi mikidananan min8adjimo8in e kagik8eiag, tabickotc pejig nabe ka 8idjiigodjin og8izisan ejinagoziag.

Pilip 2:22 Iomraidhean Croise

Jesos Odanodaganan Odijitcige8ini8an 16:2

Igi8e ka teb8eta8a8agobanen Jesosan 8edi Listra acitc Ikoniom (Iconium) odenan, omin8adjima8agoban Timoten.

Ojibiama8agani8i8ag ka teb8etamo8adj Rom odenakag 5:4

Apitc dac ani cacibendamak, kiga sogideemin. Apitc dac sogideeiak, Kije Manidokag kiga iji apacenimomin.

1 Konit 16:10

Kicpin Timote (Timothée) tag8icig kina8akag, 8e8enda todaok, k8aiak aiamiik, ega kidji kotadjidj e odisigo8eg. Ke8in mega ka Tibendjigendjin odanokita8an, tabickotc nin.

1 Konit 4:17

Nipidjinija8a dac Timote (Timothée) kidji pi nda 8abamigo8eg. Mi maia nidabinodjijim ka kitci sagiag enenimag, acitc kitci 8e8enda odanokita8an ka Tibendjigendjin. Kiga mika8asomigo8a dac adi maia ejitcigeian meg8adj e taji nosone8ag Jesos Christ. Ii ke kikinoamago8eg, mi ii pejig8an kikinoamage8in ka kikinoama8ag8a kakina ka teb8etamo8adj, adigotc ka iji ma8adjiidi8adj kidji aiamie8adj.

2 Konit 2:9

Apitc nitam ka ojibiamonagogiban, ki8i nda kikenimina8aban epitci ketcinam apanigotc 8i nosoneameg8en kakina adi kagi ininagok.

2 Konit 8:22

Acitc kodag a8iag ka teb8etag nidijinija8anan kidji 8idji8adjin ini8e kodagian ka nijindjin. Mojag nigi 8abamanan adi enakamigizidj, acitc ii odji, nikikenimanan kabena e ick8atadj kidji 8idjii8edj. Nogom dac maiagotc okitci nda8endan kidji 8idjiigo8eg, osa mega kiketcinamenimigo8a 8e8enda e 8i todameg.

2 Konit 8:24

Kida 8abadai8em dac teb8e e sagieg8a igi nabeg. Apitc dac nodage8adj ka teb8etamo8adj kagi pidjinija8a8adjin, oga nisidotana8a 8egonen 8edji paba 8idamageiag e kitci inenimigo8eg.

2 Konit 8:8

Ka8in 8in panima kidji migi8eieg conia kidinisinonom. Ninada8endan dac kidji minoseieg kekina8a kidji 8abadai8eieg teb8e e sagieg8a kodagiag. Midac 8edji ki tatibadjimotaonagok adi ka apitci kitci 8i 8idjii8e8adj kodagiag ka teb8etamo8adj.

Pilip 1:12

Nidjiki8eg! Kinada8eniminom kidji kikendameg na8adj e ani nodagenani8anig Kije Manido omin8adjimo8in oo8e ka pi iji8ebizian odji.

Pilip 1:16

Nisagiigog mega, mi 8edji todamo8adj. Okikendana8a Kije Manidon egi anonijindjin kidji tibadjimo8ag omin8adjimo8ini, e 8abadai8eian maia e teb8emaganig.

Pilip 1:5

osa mega kigi 8idjiijim e tibadjimo8an Kije Manido omin8adjimo8in apitc nitam ka odisigo8eg ii min8adjimo8in pinici nogom.

Pilip 1:7

Min8acin e iji mik8eniminagok, kikitci sagiinom mega. Ma8asag kigi odisigonan Kije Manido okitci ca8endjige8in, kidji gi odji 8idjiijieg nogom meg8adj kibaodimigi8amikag e teian, acitc dac odakanag ab8amaci kibaogo8an, meg8adj ka nak8ita8ag8aban ako igi8e ka madji mikodamo8apan min8adjimo8ini, e kitci sogi 8abadai8eiaban e teb8emaganig ii min8adjimo8ini.

Pilip 2:20

Timote mega 8in eta inendam tabickotc nin ka inendaman, teb8e e nda8endag kidji 8idokago8eg.

1 Timote 1:18

Timote, mi maia nig8izis eneniminan! Kidojibiamon adi ke todaman, tabickotc kin odji ka iji nigani tibadjimonani8agiban 8eckadj. Mik8endan dac adi kagi inadjimigo8an ii apitc, kidji gi macka8izian kidji gi kackito8an ega kidji cagodjiigo8an.

1 Timote 1:2

Kin Timote kidojibiamon, mi maia nig8izis eneniminan, adi Jesos eji teb8eta8adj. Nipagosenimag Kije Manido Kidadaminan acitc Jesos Christ ka Tibeniminak kidji ca8enimik8a, kidji kidimagenimik8a, acitc kidji minik8a pekadendamo8ini.

1 Timote 4:6

Ini8e kegonan kida kikinoama8ag a8iagog ka teb8eta8a8adjin Jesosan. Midac iidi Jesos Christ kiga mino anokita8a. Kiga 8abadai8e e macka8izian e teb8etamanin Kije Manido odikido8inan acitc e nosoneamanin k8aiak kikinoamage8inan.

2 Timote 1:2

Kin Timote (Timothée) kidojibiamon, mi maia nig8izis ka kitci sagiag eneniminan. Nipagosenimag Kije Manido Kidadaminan acitc Jesos Christ ka Tibeniminak kidji ca8enimik8a, kidji kidimagenimik8a, acitc kidji minik8a opekadendamo8ini8a.

2 Timote 3:10

Kin dac, Timote, kikikenimijinan adi ka iji kikinoamageian. Kigi 8abamijinan adi enadizian. Kikikenimijinan adi ka iji mikimo8an, acitc adi eji apacenimo8an Kije Manidokag. Kikikenimijinan acitc adi eji nokideeian, acitc adi eji sagiag8a a8iagog, acitc adi eji cacibendaman meg8adj e kodagito8an.

Tite 1:4

Tite kidojibiamon, mi maia nig8izis eneniminan, mi pejig8an eji teb8etamak. Nipagosenimag Kije Manido Kidadaminan acitc Jesos Christ ka Ag8aciminak kidji ca8enimik8a acitc kidji minik8a pekadendamo8ini.