Pilip 2:15 - Kije Manido Odikido8in: Ocki Mazinaigan

¹⁵ kidji gi odji k8aiakozieg acitc kidji gi odji paiekideeieg. Kije Manido dac odabinodjijiman kiga ijinagozim, ega e madji inakamigizieg. A8iagog ka 8agackizi8adj acitc ka madji inadizi8adj ki8idji tajikema8ag. Meg8adj dac e taji 8idji8eg8a, tabickotc 8anagocag ka 8asakone8adj ka iji kacki tibikanig kida ijinagozim,

Pilip 2:15 Iomraidhean Croise

Matio 10:16

“Ndotaocik! Mi tabickotc mantcenicag ka ijinija8agani8i8adj nena8idj maiganikag e ijinagozieg e madjinijaonagok. Iag8amig dac, tabickotc ka iji kitci iag8ami8adj kinebigog, acitc k8aiak8adiziok, tabickotc ka inadizi8adj omimig ka 8abizi8adj.

Matio 17:17

Jesos dac ogi inan: “8esada ako kina8a nogom ka pimadizieg, ega ka teb8etameg, acitc pijicig madji kegonan ka 8i pamendamegon! Anigik kiabadj ke 8idji tajikeminagok? Anigik panima ke tanendamiijieg? Pidji8idamaocik aa abinodjij ooma.”

Matio 5:45

Kicpin iidi inakamigizieg, Kije Manido Kidadami8a 8ak8ig ka tedj odabinodjijiman kiga ijinikanigom. 8in mega opagidinan kizison kidji mokaamindjin taji e tendjin ka madjideendjin acitc ka minodeendjin, acitc opagidinan kidji kimi8anig taji e tendjin ka madji inakamigizindjin acitc ini8e ka mino inakamigizindjin.

Matio 5:48

Kina8a dac, apanigotc k8aiakoziok, tabickotc Kidadami8a 8ak8ig ka tedj 8edjidagotc ka kitci k8aiakozidj.”

Min8adjimo8ini kagi ojibiag kitcit8a Lok 1:6

Eji niji8adj ok8aiak8abamigo8agoban Kije Manidon. Kitci 8e8enda onadotana8a8abanin kakina ka Tibendjigendjin odinakonige8inan acitc kakina adi kagi iji 8idamagendjin Kije Manidon kidji todjigadenig.

Min8adjimo8ini kagi ojibiag kitcit8a Lok 6:35

Tiegodj, sagiikog igi8e ka madjenimigo8eg. 8e8enda mino todaokog acitc a8ii8eg ega mamakadj kidji ki8e minigo8eg. Kiga kitci ca8endagozim, acitc ka kitci icpendagozidj Kije Manido odabinodjijiman kiga ijinagozim. Kakina mega a8ian Kije Manido omino toda8an, misa8adj ini8e ega mig8etc ka ikidondjin acitc ini8e ka madji inakamigizindjin.

John 5:35

Cabadis mi maia ka 8asakonedj ejinagozipan e mikomijidj kina8akag. Kigi min8endana8a dac 8enibik kidji ndota8eg.”

Jesos Odanodaganan Odijitcige8ini8an 2:40

Pien kiabadj kin8ej ki tatibadjimo, kidji gi teb8etamindjin. 8e8enda ogi 8idama8an: “Panima ki ag8acimigo8eg! Ka8in acidagimidizokegon igi8e ega ka teb8eta8a8adjin Jesosan. Kada pajacte8agani8i8ag,” ogi inan.

Jesos Odanodaganan Odijitcige8ini8an 20:30

8a8adj acitc nandam e tacieg kada kagina8icki8ag, kidji k8ag8e 8aiejima8adjin ka teb8etamindjin. Oga madjina8an dac nandam ka teb8etamindjin.

Ojibiama8agani8i8ag ka teb8etamo8adj Rom odenakag 16:19

Kina8a dac, kakina a8iagog okikendana8a adi epitci ndota8eg ka Tibendjigedj. Nikitci modjigendan dac kina8a odji. Anic dac kinada8eniminom kidji nisida8inameg 8egonen men8acig, kidji gi odji mino ijitcigeieg, ega dac kidji gi pabamendameg madji kegon.

1 Konit 1:8

8in Jesos kiga minigo8a macka8izi8ini apanigotc kidji sogigaba8ieg, ega a8iag kidji gi inactaonigo8eg, ii kijigag apitc Jesos Christ ka Tibeniminak ke pi koki tag8icig.

2 Konit 6:17

Midac 8edji ikidodj ka Tibendjigedj: “Naganikog igi a8iagog, acitc ka8in 8idji8akegonig. Ka8in odji pejig pamendakegon 8egonenigotc ka 8inendag8ag, kiga odapininom dac. Ésaïe 52.11

Epes 5:27

Jesos mega onada8enimagoban ini8e ka teb8etagodjin kidji tajigaba8indjin nigan 8inikag e kitci minonagozindjin, e paiekideendjin, acitc e k8aiakozindjin, ega dac odji pejig kidji 8inagozindjin, kek8an kidji madjideendjin, kek8an kidji kigickamindjin patado8ini.

Pilip 1:10

Midac kidji kackito8eg kidji onabadameg kidji todameg adi eji min8acig. Apitc dac Jesos Christ koki tag8icig, kiga paiekideem acitc ka8in odji pejig kegon kigagi odji inactaonigosim.

Pilip 3:6

Epitci nak8iaban kidji nagadjito8anin Coda8innig odijitcige8ini8an, 8a8adj nimanenimabanig a8iagog Jesosan ka teb8eta8a8apanin, ka ma8adjiidi8apan kidji aiamie8adj. Kakinagotc kegon nidiji todanaban ka ikidomagagin Coda8inni Inakonige8inan panima a8iag kidji todagiban kidji gi odji k8aiak8abamagani8idj.

1 Tesalonika 5:23

8egona Kije Manido, 8in ka migi8edj pekadendamo8ini, minigo8eg mizi8e kidji paiekideeieg, 8inikag eta kidji iji tibendagozieg. 8egona mizi8e kana8enimigo8eg, kimidonendjigani8akag, kidjitcagoci8akag acitc kia8i8akag, pinici kidji pi koki tag8icig Jesos Christ ka Tibeniminak, ega odji pejig a8iag kidji gi inactaonigo8eg kegoni.

1 Timote 3:10

8e8enda kada nda kikenimagani8i8ag igi8e ka 8i mikimo8adj aiamiemigi8amikag. Kicpin dac ega kegoni mikigadenig kidji gi madji inakamigizi8adj, kada pagidinagani8i8ag kidji mikimo8adj aiamiemigi8amikag.

1 Timote 3:2

Aa dac ke niganizidj panima kada min8acini odinadizi8in, ega kidji madji mikomagani8idj. Panima eta ki pejigondjin odik8eman, ega ki ozamendagozidj, ki nagadjiidizodj enakamigizidj, ki manadjiagani8idj, 8e8enda ki toda8adjin pi8iden odisigodjin, acitc ki kackitodj teb8e8ini kidji kikinoamagedj.

1 Timote 5:14

Midac 8edji nda8endaman ka ocki pimadizi8adj ik8e8ag ka pejigo8adj kidji koki niba8i8adj, kidji odabinodjijimi8adj acitc 8e8enda kidji kana8endamo8adj omigi8ami8a. Midac ega kidji gi madji mikomigo8ak ka madjenimigo8ak.

1 Timote 5:20

Meg8adj dac e ma8adjiidinani8ag kidji aiamiani8ag, kiga kagikimag kakina igi8e kagi nta patadi8adj. Midac kodagiag a8iagog oga kotana8a kidji nta patadi8adj.

1 Timote 5:7

Kida kikinoama8ag ini kegonan ka teb8etamo8adj, ega a8ian kegoni kidji inactaonigo8adjin.

Tite 1:6

Aa nabe ke onabamadj kidji niganizidj, panima ki k8aiak8adizidj, ega kegoni kidji gi inactaonagani8idj. Panima eta kidji pejigondjin odik8eman. Kada teb8etamon odabinodjijiman, acitc kada kikenimagani8i8an e ndotagodjin acitc ega e madjakamigizindjin.

Tite 2:10

8idamaok ega 8ikad kidji kimodima8adjin okackami8an. Tiegodj k8aiak kada inakamigizi8ag, kidji gi 8abadaa8adjin okackami8an e teb8eiendagozi8adj. Kicpin dac iidi todamo8adj, a8iagog oga teb8etana8a ka iji kikinoamagani8anig Kije Manidon ka Ag8aciminak e mikomagani8indjin.

Tite 2:15

Mi iidi ke iji kikinoamagean, kimacka8izi8in e abadjito8an kidji gi 8idjiad8a ka ndotaok8a kek8an kidji gi kagikimad8a. Ka8in a8iag pagidinaken kidji maskenimik.

Ebaro 7:26

Jesos dac, mi aa aiamie ogima ma8adji ka niganizidj ka kitci nda8enimaiak. Kitci paiekidee mega, acitc ka8in 8ikad odji patadisi, acitc kitci k8aiakozi. Ka8in tabickotc a8iagon ka nta patadindjin ijinagozisi, acitc ogi kitci icpendagoziigon Kije Manidon e asigodjin opimena 8inikag 8edi 8ak8ig.

1 Pien 2:12

Ooma akig ki8idji tajikema8ag igi8e ega ka teb8eta8a8adjin Kije Manidon. K8aiak8adiziok dac, misa8adj inactaonigo8eg egi madji inakamigizieg. Kiga 8abamigo8a dac 8e8enda mojag e todameg, acitc oga odji icpenima8an Kije Manidon apitc pi tag8icinindjin.

1 Pien 2:9

Kina8a dac, Kije Manido kigi onabamigo8a odanicinabeman kidji gi inakanezieg. Ma8asag kidiji anokita8a8a Kije Manido, ka kitci ogima8idj. Kipaiekizim. Kitibenimigo8a Kije Manido. Kigi nd8e8emigo8a mega kidji sagidji8inigo8eg ka iji tibikanig acitc kigi asigo8a ka iji 8aseanig. Kigi onabamigo8a dac kidji gi tibadjimo8eg adi epitci mino ijitcigedj Kije Manido.

2 Pien 3:14

Ni8idji8aganag ka kitci sagiinagok! Midac ii odji, meg8adj e pito8eg ii ke kijigag, kitci nak8iok kidji mikago8eg e paiekideeieg, acitc ega odji pejig kidji panaage8inagozieg, acitc kidji gi pekadendameg e kikendameg e min8abamigo8eg.

Kagi iji 8abadaagani8idj John 2:5

Mamik8endamok adi ako epitci sagiijiegoban 8eckadj. Kigi kitci pagicinom! An8endizok dac acitc kiabadj todamok 8eckadj ako ka todamegoban. Kicpin ega an8endizo8eg, niga pija kina8akag kidji koki odapinaman ki8asakonendjiganatigo8a.

Kagi iji 8abadaagani8idj John 3:9

Ndotamok! 8adan oo8e ke toda8ag8a a8iagog madji manidon ka tibenimigo8adjin. ‘Nicoda8inni8imin’ ikido8ag, ka8in dac ii teb8esi8ag. Kagina8icki8ag. Niga pi nda nagicka8ag acitc niga nibak8inija8ag nigan kina8akag. Oga kikendana8a dac e sagiinagok.