Pilip 2:10 - Kije Manido Odikido8in: Ocki Mazinaigan

¹⁰ Midac e nodjigadenig Jesos o8izon, kakina 8ak8ig acitc akig acitc anamakig ka te8adj ke odji nibak8i8adj,

Pilip 2:10 Iomraidhean Croise

Matio 12:40

Nisokajik acitc nisotibik Jonas ki tajikegoban ka kitci mididondjin kigozan omisadanikag. Midac pejig8an nin, Ka pi Anicinabe8iidizodj, nisokajik acitc nisotibik niga tajike anamakamig.

Matio 27:29

Minesatigoni dac ki apikage8ag, sizok8epizoni e ojito8adj, acitc ogi 8agidatona8a Jesosan octig8anikag, acitc mitigoni ogi mina8an okitcinikinikag kidji takonamindjin. Ogi nibak8ita8a8an dac e manenima8adjin e ina8adjin: “Kidanamikago, Coda8innig odogimami8an!”

Matio 28:18

Jesos dac ogi nazika8an acitc ogi inan: “Nigi minigo macka8izi8in kidji ogima8ian 8ak8ig acitc akikag.

Ojibiama8agani8i8ag ka teb8etamo8adj Rom odenakag 11:4

Kije Manidon dac ogi igon: “Nigi kana8enimag nij8atcin kitci midasomidana (7000) a8iagog apanigotc e nosoneoji8adj. Ka8in 8ikad ododji nibak8ita8asi8a8an ini manidokanan ‘Baal’ ka ijinikazondjin.” 1 Rois 19.18

Epes 1:10

Apitc dac odjitcisenig, oga todan kakina kagi iji onendamogobanen, kakina kegonan ka kijendagin 8ak8ig acitc akikag e mama8atodjin, Jesos Christan kidji iji ogimakadamindjin.

Epes 3:14

Midac 8edji nibak8ita8ag Kije Manido Kidadaminan e aiamieian.

Epes 4:9

Adi dac ekidomagag “Ki icpika 8ak8ig”? Mi oo8e ikidomagag. Pinama ki pi nisada8e ooma akikag kidji anicinabe8idj.

Ebaro 1:6

Apitc dac Kije Manido kagi pidjinija8adjin ooma 8akidakamig nitam ka nta8igindjin Og8izisan, ki ikido: “Kakinagotc Kije Manido odajeniman inendagozi8an kidji icpenimandjin ini.” Deutéronome 32.43

Kagi iji 8abadaagani8idj John 20:13

8a8adj igi8e kagi nisaba8e8apan kitcigamikag, 8a8adj igi8e 8eckadj kagi nibo8apan acitc ka te8apan iima taji ka te8adj a8iagog kagi nibo8adj, kakina iima tebanig. Kije Manido dac ogi tibakonan kakina, adi kagi pi inakamigizindjin.

Kagi iji 8abadaagani8idj John 4:10

Tasin iidi e todamo8adj, ka nijidana acitc nio8agobanen kitci anicinabeg nibak8i8ag nigan ini8e ka abindjin kitci ogima8i tesabi8aganikag, kagige ka pimadizindjin, odicpenima8an dac. Okitcikonana8an odoza8iconia sizok8epizoni8an kidji gi pagidinamo8adjin nigan kitci ogima8i tesabi8aganikag, e ikido8adj:

Kagi iji 8abadaagani8idj John 5:3

Ka8in dac a8iag tesiban kidji abisk8anenag ii ka tidibanakosinig mazinaigani acitc kidji gi 8abadag 8egoneni 8ejibiigadenig. Ka8in a8iag tesiban kidji ijitadj ii, ka8in 8ak8ig, ka8in akikag acitc ka8in 8a8adj ka iji te8adj ka nibo8adj.