Min8adjimo8ini kagi ojibiag kitcit8a Mak 9:43 - Kije Manido Odikido8in: Ocki Mazinaigan

⁴³ Kicpin kinidji pataigo8an, kickijan. Na8adj kiga minose kagige pimadizi8in kidji odisigo8an e motci pejigondjian, apitc8in kidji aiamanin midjinijin kinidjin, kidji iji8ebinigo8an dac kitci ickodekag ega 8ikad ka ata8eg.

Min8adjimo8ini kagi ojibiag kitcit8a Mak 9:43 Iomraidhean Croise

Matio 17:27

Pekic dac, kasa 8in ki8i kiji8aasi8ananag igi8e ka ma8adjia8adjin conian. A8i ijan sa dac tcigagam sagaiganikag acitc nimina8eatig8en kik8ack8enabanabi nibikag. Ag8azidabin aa nitam kigoz ke k8ack8ebina8ad8en acitc ta8anobij. Kiga mika8a dac iima conia kidji gi tibisean kidji gi kijikaman nin inigik mezinaigeian kitci aiamiemigi8amikag, acitc kidji gi kijikadamadizo8an kekin. Odapin dac aa, acitc kijikazon inigik enendagoziak kidji kijikazo8ak.”

Matio 25:41

“Mina8adj dac aa ogima oga inan ini8e onamadinikikag ke tendjin: ‘A8as 8edi ijaok, kina8a ka ick8aienimigo8eg Kije Manido! 8edi ijaok kagige ickodekag, kagi ojitama8agani8idj madji manido acitc odajeniman!

Matio 3:12

Mi maia tabickotc a8iag ka ick8atadj kidji kizi8adjin anominan ejinagozidj. Oga papa8ibanian kidji managodenig ega ka iji minozindjin. Oga ma8adjian dac anominan, otatasonigi8amikag oga iji naasan. Oga ick8azanan dac ega ka min8acinigin kegonan ickodekag ega 8ikad ka ata8enig.”

Matio 5:22

Nin dac 8in ki8idamonom oo8e. A8enenigotc ke kiji8azig8en o8idjiki8en odji kada tibakonagani8i. Aa8e ka inadjin o8idjiki8en: ‘Kikikimadizinan!’ kada iji8inagani8i nigan Coda8inni kitci aiamie onakonige8innikag. Aa dac ka inadjin: ‘Ka8in odji pejig kidabadizisi!’ kackitamadizo kitci ickodekag kidji madjocte8ebinagani8idj.

Min8adjimo8ini kagi ojibiag kitcit8a Mak 9:44

[Iima dac, ‘mandjocesag ka am8a8adjin a8iagon ka8in 8ikad nibosi8ag, acitc ka8in 8ikad ata8esinon ii kitci ickode.’]

Min8adjimo8ini kagi ojibiag kitcit8a Lok 14:13

Tiegodj, apitc 8i magocean, nd8e8emik ka kidimagizi8adj, ka makizi8adj, ka atci8icka8adj, acitc ega ka 8abi8adj.

Min8adjimo8ini kagi ojibiag kitcit8a Lok 14:21

“Aa anodagan ki koki ki8e acitc ogi 8idama8an okackaman kagi ikidonipanin ini ka nd8e8emagani8indjin. Ki kiji8azi aa nabe apitc ka nodagedj ii. Ogi inan dac odanodaganan: ‘8ibadj sada ijan mikanakag acitc ka iji ma8adjiidinani8ag odenakag. Nanada 8abamik iima ka kidimagizi8adj, ka makizi8adj, ega ka 8abi8adj, acitc ka atci8icka8adj.’ ”

Min8adjimo8ini kagi ojibiag kitcit8a Lok 3:17

Mi maia tabickotc a8iag ka ick8atadj kidji kizi8adjin anominan ejinagozidj. Oga papa8ibanian kidji managodenig ega ka iji minozindjin. Oga ma8adjian dac anominan, otatasonigi8amikag oga iji naasan. Oga ick8azanan dac ega ka min8acinigin kegonan ickodekag ega 8ikad ka ata8enig.”

Ojibiama8agani8i8ag ka teb8etamo8adj Rom odenakag 8:13

Kicpin inadizieg adi eji min8endameg, kiga nibom. Anic dac kicpin pagidineg Mino Manido kidji 8idjiigo8eg, kidji gi poni ijitcigeieg kakina ka iji madji inakamigizieg kia8i8akag, kagige kiga pimadizim.

1 Konit 9:27

Nikitci sogi mikidan dac nia8, 8e8enda kidji gi tibendaman. Kicpin mega ega iidi inakamigizian, ka8in niga pagidinigosi kidji pimibato8an. Ka8in dac niga kackitosin kidji odisigo8an nikackitason, misa8adj egi nd8e8emag8a kodagiag a8iagog ke8ina8a kidji nda k8ag8edjikandi8adj.

Kalecia 5:24

Igi8e a8iagog Jesos Christikag ka iji tibendagozi8adj, aja ogi onendana8a ega kidji todamo8adj adi ka iji madji mosa8endamo8adj. Mi maia pejig8an tcibaiatigokag ki acidak8aamo8apanin omadji mosa8endamo8ini8an acitc omadji inakamigizi8ini8an ejinagozi8adj.

Kolosi 3:5

Ka8in dac 8ikad mina8adj inakamigizikegon ka iji kitci mosa8endameg kidji madji todameg ooma 8akidakamig, madji aido8in kidji pamendameg, kidji madjakamigizieg, kidji tibenimigo8egon madji mosa8endamo8inan, kidji agazinagozieg adi enakamigizieg, acitc kidji ozami mosa8endamegon kegonan kidji tibendamegon. Igi8e mega ka ozami mosa8endamo8adjin kegonan kidji tibendamo8adjin, na8adj osagitona8an kegonan apitc8in eji sagia8adjin Kije Manidon.

Tite 2:12

Ii dac ca8endjige8in ki8abadaigonan kidji 8ebinamakonin madji inadizi8in acitc madji mosa8endamo8inan, acitc kidji k8aiak8endamak, kidji k8aiak8adiziak acitc kidji min8endamiaiak Kije Manido kakinagotc adi ejitcigeiak, meg8adj e pimadiziak ooma akikag.

Ebaro 12:1

Igi dac kitci mane8ag a8iagog e teb8eta8a8adjin Kije Manidon ka mikomag8a, mi maia tabickotc 8akana 8ajagam kina8itinakag ka te8adj ejinagozi8adj. Ka iji inadizi8adj, ki8abadaigonanag adi eji teb8etamo8adj. Kekina8it dac kida kagikina8abamananag. Tabickotc k8ag8edjikandiakoban, 8ebinadan dac kakina kegon ka nagabinigo8ak, acitc 8ebinadan patado8in, ka kitci sogi tibenimigo8ak. Panima dac kiga kitci nak8imin e k8ag8edjikandiak, e nosoneamak 8e8enda mikanani Kije Manido kagi minigo8ak, pinici e iji 8ek8ajimonig.

1 Pien 2:1

Kije Manido kigi minigo8a ocki pimadizi8ini. 8ebinamokon dac kakina madjakamigizi8inan. Ka8in mina8adj kagina8ickikegon, acitc ka8in kimodizikegon. Ka8in mosa8endakegonin kodag a8iag odaiman acitc ka8in 8ikad madji mikomakegon a8iag.