Min8adjimo8ini kagi ojibiag kitcit8a Mak 7:7 - Kije Manido Odikido8in: Ocki Mazinaigan

⁷ Kitci anica dac nidaiamitagog. Kikinoamage8ag mega ini inakonige8inan a8iagon kagi ojitondjin, mi maia tabickotc nin kagi ojita8agin ini inakonige8inan 8a in8eto8adjin,’ Ésaïe 29.13 mi mezinadenig.

Min8adjimo8ini kagi ojibiag kitcit8a Mak 7:7 Iomraidhean Croise

Matio 15:9

Kitci anica dac nidaiamitagog. Kikinoamage8ag mega ini inakonige8inan a8iagon kagi ojitondjin, mi maia tabickotc nin kagi ojita8agin ini inakonige8inan 8a in8eto8adjin.’ ” Ésaïe 29.13

Matio 6:7

“Apitc aiamieieg, ka8in motci migodjimokegon, tabickotc ega ka teb8eta8a8adjin Kije Manidon ka todamo8adj. ‘Niga kitci ndotagonan Kije Manido kicpin kin8ej aiamieiag,’ inendamog.

1 Konit 15:14

Ka8in dac odji pejig abadasinidok Kije Manido odikido8in ka paba tibadjimo8ag, acitc dac ceck8at kigi teb8etana8adok, kicpin ega ka abidjibaagani8ig8en Jesos Christ.

1 Konit 15:58

Nidjiki8eg ka kitci sagiinagok! Sogigaba8iok! Ka8in 8ikad pagidenimidizokegon pakan kidji iji teb8etameg! Kabena anokitaok Jesos ka Tibeniminak enigokodeeieg, kikikendana8a mega ega ceck8at e anokita8eg.

Kolosi 2:22

Kegonan ka odjiigo8eg iima inakonige8inikag, mi eta ini kegonan abidinaj ke abadjito8adjin a8iagog, midac ka8in mina8adj kada tag8asino8an. A8iagog igi kagi ojito8adjin ini inakonige8inan acitc kikinoamage8inan.

Tite 3:9

Apitc kaganondinani8ag anodj kegonan odji, ka8in acidjinoken. Nandam a8iagog ikido8ag e apitendag8anig kidji kikenimaiakonig kakina 8eckadj kikitci anicinabeminabanig. Apitc ikido8adj ii, ka8in acidjinoken. E kaganondi8adj acitc e k8ag8e cagozomidi8adj Mois odinakonige8inan odji, ka8in acidjinoken. Ka8in mega odji pejig abadasino8an acitc ka8in apitendag8asino8an ini migodjimo8inan.

Jak odojibiigan 1:26

Kicpin dac a8iag “nikitci aiamie” inendag, pekic dac ega nagadjiidizodj adi ekidodj, 8agackibinidizo. Misa dac ka8in odji pejig abadasini adi eji aiamiedj.

Jak odojibiigan 2:20

Kikikimadizinan! Kiga 8abadain ceck8at e teb8etaman kicpin ega mino ijitcigean.

Kagi iji 8abadaagani8idj John 22:18

Kakina kina8a ka ndotamegon Kije Manido odikido8inan ooma mazinaiganikag, nin John kidininom oo8e: Iag8a! Kicpin a8iag tago atodj kegoni ooma mazinaiganikag, Kije Manidon oga minigon ini kodagito8inan ka mikodjigadenigin ooma mazinaiganikag.