Min8adjimo8ini kagi ojibiag kitcit8a Mak 7:34 - Kije Manido Odikido8in: Ocki Mazinaigan

³⁴ Ki icpanabi dac 8ak8ig, acitc ki azanamo e kidimagenimadjin ini naben, acitc ogi inan: “Eppata,” mi ekidomagag: “Oziten!”

Min8adjimo8ini kagi ojibiag kitcit8a Mak 7:34 Iomraidhean Croise

Min8adjimo8ini kagi ojibiag kitcit8a Mak 1:41

Jesos ogi kitci kidimageniman. Ki tesindjita, acitc ogi saminan, e inadjin: “Kinada8enimin kidji kigean. Kigen sa dac.”

Min8adjimo8ini kagi ojibiag kitcit8a Mak 15:34

Apitc ka nisotibaiganeanig, Jesos ki kitci pibagi: “Eloi! Eloi! Lema sabaktani?” mi ekidomagag: “Nikije Manidom! Nikije Manidom! 8egonen 8edji ki naganijian?” Psaume 22.1

Min8adjimo8ini kagi ojibiag kitcit8a Mak 5:41

Ogi na8adjindjibinan ini ik8esesan acitc ogi inan: “Talita kom,” mi ekidomagag: “Ik8eses! 8anickan, kidinin!”

Min8adjimo8ini kagi ojibiag kitcit8a Mak 6:41

Jesos dac ogi odapinan ini ka nananindjin obiziganesan acitc ka nijindjin kigozan. Ki icpanabi 8ak8ig acitc mig8etc ogi inan Kije Manidon. Ogi papak8ebinan obiziganesan, acitc ogi minan okikinoamaganan kidji gi madinama8andjin kakina a8iagon. Ogi minan acitc ka nijindjin kigozan kidji madinama8andjin.

Min8adjimo8ini kagi ojibiag kitcit8a Mak 7:35

Teci8ag dac ki ozite aa nabe acitc odenanakag ki kige, acitc ogi kackiton 8e8enda kidji anim8edj.

Min8adjimo8ini kagi ojibiag kitcit8a Mak 8:12

Jesos ki kitci azanamo acitc ki ikido: “8egonen a8iagog nogom ka te8adj 8edji k8ag8edjimiji8adj kidji mamada8izi8ag, kidji nda motci kikendamo8adj epitci teb8emaganig8en ii egi pidjinijaojindjin Kije Manidon? Teb8e ki8idamonom, ka8in niga mamada8izi8asin.”

Min8adjimo8ini kagi ojibiag kitcit8a Lok 18:42

Jesos dac ogi inan: “Mi iji 8abin. Kiteb8etamo8in kigi kigeigon.”

Min8adjimo8ini kagi ojibiag kitcit8a Lok 19:41

Apitc Jesos e ani pec8abadag Jerusalem odenani, ki madji ma8igoban e 8abadag.

Min8adjimo8ini kagi ojibiag kitcit8a Lok 7:14

Jesos dac ogi nazika8an acitc ogi taginan ii8e mitigo8ajini, acitc ka pimi8ido8adj mitigo8ajini ki kibitcigaba8i8ag. Ki ikido dac: “Ockina8e, 8anickan kidinin!”

John 11:33

Apitc ka 8abamadjin e ma8indjin Manin acitc e ma8indjin Coda8innin ka pi 8idjiogopanin, Jesos ki kitci kackendam acitc ki kitci migockadendam.

John 11:35

Jesos ki ma8i.

John 11:38

Jesos mina8adj ki kitci kackendam. Ki tag8icin 8ibabikiniganikag. Kitci asini ki asagani8iban ka odji pidigani8anig.

John 11:41

Midac ki manibinagani8i kitci asini. Jesos dac ki icpanabi acitc ki ikido: “Nidadam! Mig8etc kidinin egi ndotaojian.

John 11:43

Ka ick8a ikidodj ii, ki pabibagi: “Lazare! Pi sagaan!”

John 17:1

Ka ick8a aiamiadjin okikinoamaganan, Jesos ki icpanabi acitc ki aiamie: “Nidadam! Aja odjitcise nogom. Nin sa Kig8izis. 8abadai8en epitci icpendagozian nin, midac nintam kidji gi odji 8abadai8eian epitci icpendagozian kin.

Jesos Odanodaganan Odijitcige8ini8an 9:34

Pien ogi inan: “Eneas! Jesos Christ kikigeig. Pazig8in acitc ma8adonan kinibe8in!” Eneas dac ki pazig8i teci8agigotc.

Jesos Odanodaganan Odijitcige8ini8an 9:40

Pien dac ogi sagidjinija8an kakina a8ian. Ki nibak8i dac e aiamiedj. Midac ka iji inasamigaba8idj o8ia8inikag e ikidodj: “Tabita! Pazig8in!” Ki pakada8abi aa ik8e acitc ogi 8abaman Pienan. Midac ka iji 8anickabaniodj.

Ebaro 4:15

Jesos mega, aa aiamie ogima ma8adji ka niganizidj ka aia8aiak kidji 8idokago8ak, mizi8e onisidotan adi eji kodagito8ak acitc adi eji cagoziak. Ke8in mega mizi8e ki iji 8ik8adjiagani8i kidji patadidj, tabickotc kina8it ka iji 8ik8adjiigo8ak, ka8in dac 8ikad odji patadisi.