Min8adjimo8ini kagi ojibiag kitcit8a Mak 7:27 - Kije Manido Odikido8in: Ocki Mazinaigan

²⁷ Jesos dac ogi inan: “Pinama mijik abinodjijag kidji 8isini8adj pinici kidji tebickono8adj. Ka8in min8acisinon kidji makameg8a abinodjijag omidjimimi8a acitc dac kidji iji 8ebinama8eg8a animocag.”

Min8adjimo8ini kagi ojibiag kitcit8a Mak 7:27 Iomraidhean Croise

Matio 10:5

Jesos ogi madjinija8an ini ka midatcin acitc nijindjin naben kidji a8i paba kagik8endjin. Ogi inan dac ab8amaci madjandjin: “Ka8in ijakegon iima akin adi eji tajike8adj ega ka Coda8inni8i8adj, acitc ka8in pidigekegon odenan Samani (Samarie) akikag.

Matio 7:6

“Ka8in minakegon ka kitcit8a8endag8anigin kegonan animocag. Kicpin iidi todameg, kada motci k8ekigaba8i8ag kidji mag8amigo8eg. Acitc ka8in minakegon asinin ka kitci sanagizindjin kokocag. Kicpin mega iidi todameg, oga motci mamagocka8a8an.”

Min8adjimo8ini kagi ojibiag kitcit8a Mak 7:26

Ka8in Coda8innik8e8isiban aa ik8e, Pinicia (Phénicie) ki iji nta8igiban 8edi Siria (Syrie) akikag. Ogi pagoseniman dac Jesosan kidji sagidjinija8andjin madji manidon odanisikag.

Min8adjimo8ini kagi ojibiag kitcit8a Mak 7:28

Aa dac ik8e ogi nak8e8ajian: “Tebendjigean! Teb8e ii, anic dac 8a8adj animocag anamig 8isini8aganikag ka te8adj omamojagadana8a ka pabi8isenig midjimini e pinadjigendjin abinodjijan.”

Jesos Odanodaganan Odijitcige8ini8an 22:21

Midac ka Tibendjigedj nigi inig: ‘Madjan nogom. Kitci 8asag 8edi kiga madjinijaon, kidji nda kagik8ean ega ka Coda8inni8i8adj odji.’ ” Mi ka iji tibadjimodj Pon.

Ojibiama8agani8i8ag ka teb8etamo8adj Rom odenakag 15:8

Ki8idamonom, Jesos Christ ogi pi anokita8an Coda8innin. Ki ijitcige iidi kidji gi 8abadaadjin adi epitci teb8eiendagozindjin Kije Manidon, acitc kidji iji8ebanig adi Kije Manidon kagi inapanin Coda8innin 8eckadj okitci anicinabeminibanin kidji toda8adjin.

Epes 2:12

Ii dac apitc, ka8in kikikenimasi8a8aban Jesos Christ. Pi8ide kidinagimigona8aban Kije Manido odanicinabemikag. Kije Manido aja ogi ojitama8abanin odanicinabeman nakomo8ini kidji 8idama8adjin adi ke todag kidji 8idoka8adjin. Kina8a dac ka8in kidacidagimigosina8aban Kije Manido odanicinabemikag. Ka8in mega kikikenimasi8a8aban Kije Manido ii apitc. Ka8in dac pabajine kidaiasina8aban apenimo8in ooma akikag.