Min8adjimo8ini kagi ojibiag kitcit8a Mak 5:38 - Kije Manido Odikido8in: Ocki Mazinaigan

³⁸ Apitc dac ka tag8icino8agobanen 8edi Coda8inni ka niganizindjin omigi8aminikag, Jesos ogi 8abaman iima mane a8iagon e kitci mad8etondjin, e kitci ma8indjin, acitc e kitci pabibagademondjin.

Min8adjimo8ini kagi ojibiag kitcit8a Mak 5:38 Iomraidhean Croise

Matio 11:17

‘Nigi nodag8atcigemin, ka8in dac kidodji nimisim. Mina8adj dac nibo8ini nigamo8inan nigi nigamomin, kiabadj dac ka8in kidodji ma8isim.’

Matio 9:18

Meg8adj Jesos e taji ikidodj oo8eni, pejig Coda8inni ka niganizidj ki pi tag8icin, acitc ogi nibak8ita8an Jesosan. Ki ikido dac aa nabe: “Nidanis nogom maia odji nibo. Pijan dac kidji pi nda taginadj, midac kada koki pimadizi.”

Min8adjimo8ini kagi ojibiag kitcit8a Mak 5:22

Pejig nabe ki pi tag8icin, Tceros (Jaïrus) e ijinikazodj, mi aa8e pejig e niganizipan Coda8inni aiamiemigi8amikag iima odenag. Apitc ka 8abamadjin Jesosan, ogi pi nibak8ita8an.

Min8adjimo8ini kagi ojibiag kitcit8a Mak 5:39

Ki pidige dac migi8amikag acitc ogi inan: “Adi enakamigag ooma? 8egonen 8edji kitci mad8eto8eg acitc 8edji kitci ma8ieg? Ka8in nibosi aa ik8eses, motci niba eta.”

Jesos Odanodaganan Odijitcige8ini8an 9:39

Teci8ag Pien ogi 8idji8an ini naben. Apitc ka tag8icig, ki iji8inagani8i icpimisagog. Kakina ka pejigo8adj ik8e8ag ki 8akanigaba8i8ag Pienikag e kitci ma8i8apan. Ogi 8abadaa8an kagi ojitonigobanen Tabitan pabagi8anan acitc pizika8aganan meg8adj kiabadj e pimadizinigobanen.