Min8adjimo8ini kagi ojibiag kitcit8a Mak 5:24 - Kije Manido Odikido8in: Ocki Mazinaigan

²⁴ Jesos dac ogi 8idji8an. Kitci mane a8iagon onosoneogobanin acitc okitci sidjickagobanin.

Min8adjimo8ini kagi ojibiag kitcit8a Mak 5:24 Iomraidhean Croise

Min8adjimo8ini kagi ojibiag kitcit8a Mak 3:20

Jesos dac ki koki ki8e migi8amikag ka iji tajikegobanen acitc mina8adj kitci mane a8iagog ki ma8adjiidi8ag iima. Ka8in dac Jesos acitc okikinoamaganan ick8atasi8agoban kidji 8isini8adj.

Min8adjimo8ini kagi ojibiag kitcit8a Mak 5:23

Ogi kitci pagoseniman dac kidji 8idokagodjin, e ikidodj: “Nidanis aja kegat nibo. Kipagosenimin dac kidji pijaian, kidji pi nda saminadj, midac kada kige acitc kada koki mino pimadizi.”

Min8adjimo8ini kagi ojibiag kitcit8a Mak 5:25

Tegoban iima pejig ik8e, aja midatcin acitc nijopibon inigik o8anitonagoban omisk8i.

Min8adjimo8ini kagi ojibiag kitcit8a Mak 5:31

Okikinoamaganan dac ogi nak8e8ajiigon: “Kitci mane a8iagog kikitci sidjickagonanag, misa8adj dac kidikidonan: ‘A8enen ka taginijidj?’ ”

Min8adjimo8ini kagi ojibiag kitcit8a Lok 11:29

Eckam ki ani kitci mane8ag a8iagog e ma8adjiidi8adj 8ajagam Jesosikag. Ii dac apitc, ki ikido: “A8iagog nogom ka te8adj kitci madji a8iago8i8ag. Nik8ag8edjimigog kidji mamada8izi8ag kidji nda motci kikendamo8adj epitci teb8emaganig8en ii egi pidjinijaojindjin Kije Manidon. Ka8in sa dac niga mamada8izi8asin. Aja mega okikendana8a 8eckadj adi kagi iji8ebizindjin niganadjimo8innin Jonasan. Midac iima ke iji 8abadamo8adj mamada8izi8ini ka k8ag8ed8e8adj.

Min8adjimo8ini kagi ojibiag kitcit8a Lok 12:1

Meg8adj ii apitc, kitci mane a8iagog ki ma8adjiidibanig. Ki mamagozideckodadibanig pepejig e taci8adj, ka apitci mane8apan. Jesos dac pinama ogi aiamian okikinoamaganan: “Iag8amig Coda8innig ka nagadjito8adjin inakonige8inan odobisidjigani8a. Kitci kimodizi8ag mega, acitc ka todamo8adj kidji 8ik8adjia8adjin kodagian ke8ina8a kidji kimodizindjin, mi maia obisidjigan ejinag8anig.

Min8adjimo8ini kagi ojibiag kitcit8a Lok 19:3

Onanada8i todanaban dac kidji 8abamadjin Jesosan a8eneni8an ini. Kitci takozigoban, ka8in dac okackiasi8abanin kidji 8abamadjin, epitci kitci manenani8anig.

Min8adjimo8ini kagi ojibiag kitcit8a Lok 7:6

Jesos dac ogi 8idji8an. Apitc e ani pec8abadamogobanen migi8amini, aa cimaganici ogima ogi ijinija8an o8idji8aganan kidji 8idamagendjin oo8eni: “Tebendjigean! Ka8in mamakadj kidagi pijasi. Ka8in mega tibise nidapitendagozisi kidji gi pi pidigean nimigi8amikag.

Min8adjimo8ini kagi ojibiag kitcit8a Lok 8:42

Motci pejigobanin mega odanisan, acitc aja kegat nibobanin. Motci midatcin acitc nijopibon8ezibanin ini odanisan. Jesos dac ogi 8idji8an. Meg8adj e ija8adj, kitci mane a8iagon okitci sidjickago8an 8akaag Jesosikag.

Min8adjimo8ini kagi ojibiag kitcit8a Lok 8:45

Jesos ki k8ag8ed8e: “A8enen ka taginijidj?” Kakina dac ki ikido8ag ega egi tagina8adjin. Pien dac ki ikido: “Kikinoamage8inni! Kitci mane a8iagog ki8ik8eckagog acitc kikitci sidjickagog 8akaag kinikag.”

Jesos Odanodaganan Odijitcige8ini8an 10:38

Jesos, Nazaret ka odjidj, ogi onabamigon Kije Manidon, midac ka iji minigodjin Mino Manidon acitc macka8izi8ini. Ki kitci paba ija, e paba mino todag, acitc e kigeadjin a8iagon madji manidon ka kigickagondjin. Kije Manido mega ogi 8idji8an.