Min8adjimo8ini kagi ojibiag kitcit8a Mak 3:10 - Kije Manido Odikido8in: Ocki Mazinaigan

¹⁰ Mane mega a8iagog ka akozi8adj ok8ag8e pec8abama8abanin Jesosan kidji gi tagina8adjin, egi nodage8apan mane a8iagon egi kigeagobanen.

Min8adjimo8ini kagi ojibiag kitcit8a Mak 3:10 Iomraidhean Croise

Matio 12:15

Apitc Jesos ka nodagedj e 8i nisigodjin, ki madja, acitc mane a8iagon ogi nosoneogon. Jesos dac ogi kigean kakina ka akozindjin.

Matio 14:14

Apitc dac Jesos ka kabadj tcimanikag, ogi 8abaman kitci mane a8iagon. Ogi kitci kidimageniman dac ini a8iagon, acitc ogi kigean ka akozindjin.

Matio 14:36

Okitci k8ag8edjima8agoban dac Jesosan kidji gi pagidinigo8adjin pagigotc eta kidji taginamo8adj 8ajagameig okonasini. Kakina dac ka taginamo8adj ki kige8ag.

Matio 4:23

Jesos ki paba ijagoban mizi8e Galilee akikag. Kikinoamageban pepakan Coda8inni aiamiemigi8amikag, e paba kagik8edj min8adjimo8ini ka odji kikendjigadenig Kije Manidon Odogima8i8ini, acitc okigeabanin kakina ka akozindjin adigotc ka inapinendjin.

Min8adjimo8ini kagi ojibiag kitcit8a Mak 5:34

Jesos ogi inan ini ik8e8an: “Nidanis! Kiteb8etamo8in kigi kigeigon. Ki8en acitc min8endan, aja kigi kige ka inapineaban.”

Min8adjimo8ini kagi ojibiag kitcit8a Mak 6:56

Jesos ki paba ijagoban odenajican, odenan, acitc kitige8inni odaki8an iima akikag. Adigotc dac e paba ijagobanen, ki iji8idama8agani8i ka akozindjin, e asagani8indjin ka iji ada8ani8anig. Okitci k8ag8edjima8agoban dac Jesosan kidji gi pagidinigo8adjin pagigotc eta kidji taginamo8adj 8ajagameig okonasini. Kakina dac ka taginamo8adj ki kige8ag.

Min8adjimo8ini kagi ojibiag kitcit8a Mak 8:22

Jesos acitc okikinoamaganan ki tag8icinog Betseda (Bethsaïda) odenakag. Iima dac a8iagog ogi iji8ina8an pejig a8ian ega e 8abindjin Jesosikag acitc ogi k8ag8edjima8an Jesosan kidji saminandjin kidji gi kigendjin.

Min8adjimo8ini kagi ojibiag kitcit8a Lok 5:3

Jesos ki poziban pejig ii e nijinigin tcimanan, Simo otibendanaban ii tcimani. Jesos dac ogi k8ag8edjiman Simon pagi na8idj kidji inak8aji8endjin. Jesos dac ki abi pidonag acitc ogi kikinoama8an kakina a8iagon iima ka tendjin.

Min8adjimo8ini kagi ojibiag kitcit8a Lok 6:19

Kakina a8iagog o8i k8ag8e tagina8abanin Jesosan, kitci macka8izi8ini mega odaianagoban kidji gi kigeadjin a8iagon, acitc kakina ki kigeagani8i8agoban.

Min8adjimo8ini kagi ojibiag kitcit8a Lok 7:2

Iima dac pejig cimaganici ogima ega ka Coda8inni8idj odaia8abanin pejig odanodaganan e kitci apitenimadjin. Akozibanin ini odanodaganan acitc kegat aja nibobanin.

Min8adjimo8ini kagi ojibiag kitcit8a Lok 7:21

Meg8adj ii apitc, mane a8iagon Jesos ogi kigeabanin ka akozinipanin, acitc ka kodagitonipanin, acitc ka kigickagonipanin madji manidon, acitc o8abiabanin mane a8iagon ega ka 8abinipanin.

Jesos Odanodaganan Odijitcige8ini8an 5:15

Ki pinagani8ibanig dac mikanakag a8iagog ka akozi8adj. Nibe8inikag acitc apicimonikag iji asagani8ibanig, iaga kidji gi pimi nigeateckago8adjin Pienan apitc odji pimosenigobanen.

Ebaro 12:6

Ka Tibendjigedj mega omaminobinan ini8e ka sagiadjin, acitc opajacte8an adigotc ini8e ‘nidabinodjijimag’ ka inenimadjin apitc ijinag8anig kidji todag.” Proverbes 3.11-12