Min8adjimo8ini kagi ojibiag kitcit8a Mak 2:27 - Kije Manido Odikido8in: Ocki Mazinaigan

²⁷ Jesos kiabadj ogi inan: “Kije Manido ogi ojiton e aiamie kijiganig a8iagog odji. Ka8in ododji kijenimasin ini a8iagon kidji tibenimigondjin ii ka aiamie kijiganig.

Min8adjimo8ini kagi ojibiag kitcit8a Mak 2:27 Iomraidhean Croise

Min8adjimo8ini kagi ojibiag kitcit8a Mak 2:28

Nin dac, Ka pi Anicinabe8iidizodj, nitibendan ii ka Coda8inni aiamie kijigag.”

Min8adjimo8ini kagi ojibiag kitcit8a Lok 6:9

Jesos dac ogi inan Coda8innin: “Kik8ag8edjiminom oo8e. Adi maia enakonigemagagin kidinakonige8inanan? Ikidomaganon na kidji mino toda8aiak a8iag meg8adj e Coda8inni aiamie kijigag, kek8an kidji madji toda8aiak? Inakonigemaganon na kidji 8idoka8aiak a8iag kidji gi kana8endag opimadizi8in, kek8an kidji nici8anadjita8aiak opimadizi8in?”

John 7:23

Kicpin dac kackito8eg kidji pak8ej8eg ockina8es e aiamie kijiganig kidji gi kana8endamegon Mois odinakonige8inan, adi 8edji kiji8azieg mizi8e egi kigeag pejig nabe e aiamie kijiganig?

2 Konit 4:15

Mi kakina 8edji ki iji8ebag ii, kidji gi odji minoseieg. Midac iidi, na8adj mane a8iagog oga odisigona8a Kije Manidon okitci ca8endjige8ini. Na8adj dac a8acamej kiga manem, mig8etc kidji gi ineg Kije Manido acitc kidji icpenimeg kakina mama8 ka tacieg.

Kolosi 2:16

Ka8in dac pagidinakegon a8iag kidji 8idamago8eg adi enendagozieg kidji inadjigeieg acitc adi ke inabokeieg. Ka8in kek8an pagidinakegon a8iag kidji 8idamago8eg panima taso pibon kidji manadjito8eg nandam kitcit8a kijigon, kek8an kidji manadjito8eg tasin e ocki tibikikiziso8ag, kek8an kidji 8idamago8eg adi enendagozieg kidji iji manadjito8eg e aiamie kijigag taso ta8ate.