Min8adjimo8ini kagi ojibiag kitcit8a Mak 16:1 - Kije Manido Odikido8in: Ocki Mazinaigan

¹ Ka ick8a Coda8inni aiamie kijiganig, Mani Magdala, Mani, mi ini Jak (Jacques) odjodjoman, acitc Salome, ogi nda kicpinadona8a pimideni ka minomag8anig kidji ato8adj Jesosan o8ia8inikag. Mi ako e toda8agani8ipan a8iag e nibodj.

Min8adjimo8ini kagi ojibiag kitcit8a Mak 16:1 Iomraidhean Croise

Min8adjimo8ini kagi ojibiag kitcit8a Mak 14:3

Jesos tegoban Betani (Béthanie) odenakag, acitc ki ijagoban Simon omigi8aminikag. Simo dac kitci omigi8apinegoban. Meg8adj Jesos e taji 8isinipan iima, pejig ik8e ki tag8icin, e kitci min8acinig modaiabikoni e pidodj, e kicponebinig ka minomag8anig ka kitci sanaganig, “nard” ka ijinikadenigobanen. Aa dac ik8e ogi cenan ii modaiabikoni acitc ogi siginan ii ka minomag8anig Jesosan octig8anikag.

Min8adjimo8ini kagi ojibiag kitcit8a Mak 14:8

Aa ik8e eji kackitodj ogi todan. Ogi siginan nia8ikag oo ka minomag8anig, kidji iji medoni ojitodj ab8amaci naatcigadenig nia8ini.

Min8adjimo8ini kagi ojibiag kitcit8a Mak 15:40

Nandam ik8e8ag ke8ina8a te8agoban iima, pagi 8asag e odji kana8abi8adj adi eji8ebanig. Mani Magdala iima tegoban, acitc ke8in kodag Mani, mi ini Jak (Jacques), 8in “Ka ocki pimadizidj” ka ijinikanagani8ipan ako, acitc Coses (Joses) odjodjomi8an, acitc dac Salome.

Min8adjimo8ini kagi ojibiag kitcit8a Mak 15:42

Tcibaiatigogijiganogoban ii apitc, apitc ako meg8adj e medoni mikidamo8agobanen kidji Coda8inni aiamie kijiganig. E ani onag8icinig dac,

Min8adjimo8ini kagi ojibiag kitcit8a Mak 15:47

Mani Magdala acitc Mani, mi ini Coses odjodjoman, ogi 8abadana8a adi kagi iji naatcigadenigobanen Jesosan o8ia8ini.

Min8adjimo8ini kagi ojibiag kitcit8a Mak 16:2

8ibadj e kijeba8acinig e manadjitagani8anig, apitc ka mokaamindjin kizison, ki ija8ag 8ibabikiniganikag.

Min8adjimo8ini kagi ojibiag kitcit8a Mak 16:8

Igi dac ik8e8ag ki sagaamog 8ibabikiniganikag acitc ki ojimo8ag, e kitci ninigicka8adj acitc e kitci segizi8adj. Ka8in dac a8ian ododji 8idama8asi8a8an, epitci kotadji8agobanen.

Min8adjimo8ini kagi ojibiag kitcit8a Lok 23:54

Tcibaiatigogijiganogoban ii apitc, apitc ako meg8adj e medoni mikidamo8agobanen kidji Coda8inni aiamie kijiganig, acitc aja maia kegat madjitamaganogoban ii ka Coda8inni aiamie kijigag.

Min8adjimo8ini kagi ojibiag kitcit8a Lok 23:56

Midac ka iji ki8e8adj, e nda ojito8adj ka minomag8anig acitc pimideni ka minomag8anig kidji ato8adj Jesosan o8ia8inikag, mi ako e toda8agani8ipan a8iag e nibodj. Ki an8ebi8ag dac meg8adj e Coda8inni aiamie kijiganig, kagi ikidomaganig aiamie inakonige8ini.

Min8adjimo8ini kagi ojibiag kitcit8a Lok 24:1

8ibadj e kijeba8acinig e manadjitagani8anig, ik8e8ag ki ija8ag 8ibabikiniganikag. Pimide ka minomag8anig ogi iji8idona8a kagi ojito8agobanen.

John 19:25

Jesos odjodjoman pecodj tajigaba8ibanin otcibaiatigomikag, acitc onocejan, acitc kodag ik8e Mani ka ijinikazogobanen, 8in aa Klopas okokomiman, acitc dac Mani Magdala.

John 19:31

Tcibaiatigogijiganogoban ii apitc, apitc ako meg8adj e medoni mikidamo8agobanen kidji Coda8inni aiamie kijiganig. Ii8e dac apitc ka Coda8inni aiamie kijiganig ogi kitci apitendana8agoban Coda8innig. Ka8in dac onada8enimasi8a8abanin ini8e kagi nisagani8indjin kidji tanagodjinindjin meg8adj e aiamie kijiganig. Midac ka niganizi8adj Coda8innig ogi k8ag8edjima8an Pilatan kidji anokindjin kidji pokogadenagani8indjin Jesosan acitc kodagian kagi acidak8a8agani8indjin tcibaiatigokag, 8ibadj kidji gi nibondjin, kidji gi nisakonagani8indjin ab8amaci kidji aiamie kijiganig.