Min8adjimo8ini kagi ojibiag kitcit8a Mak 15:43 - Kije Manido Odikido8in: Ocki Mazinaigan

⁴³ pejig nabe ki odji tag8icinogoban, Josep ka ijinikazogobanen, Animati (Arimathée) odenag ka odjipan. Coda8inni kitci aiamie onakonige8innig iji acidagimagani8igoban, acitc kitci inenimagani8igoban. Ke8in opitonagoban Kije Manidon Odogima8i8ini. Ki sogidee dac kidji nda k8ag8edjimadjin Pilatan Jesosan o8ia8ini.

Min8adjimo8ini kagi ojibiag kitcit8a Mak 15:43 Iomraidhean Croise

Matio 19:30

Mane dac a8iagog nogom ma8adji ka kitci apitendagozi8adj, ma8adji kada kitci tabasendagozi8ag ii apitc, acitc mane a8iagog nogom ma8adji ka kitci tabasendagozi8adj, ma8adji kada kitci apitendagozi8ag.”

Matio 20:16

Jesos dac ogi inan okikinoamaganan: “Midac ejinag8ag, igi8e nogom ick8eag ka te8adj, nigan kada te8ag, acitc dac igi8e nogom nigan ka te8adj, ick8eag kada te8ag.”

Matio 27:57

E ani onag8icinig dac, pejig nabe ka kitci oconiamidj ki odji tag8icinogoban, Animati (Arimathée) odenag ka odjipan. Josep ijinikazogoban acitc ke8in oteb8eta8abanin Jesosan.

Min8adjimo8ini kagi ojibiag kitcit8a Mak 14:54

Pien dac 8asag odakanag ogi pi odji nosone8agoban Jesosan, acitc ki pidigeako taji ka iji tag8anig Coda8inni aiamie ogiman ma8adji ka niganizindjin omigi8amini. Iima dac, ogi a8i 8idabiman ini ka kana8endamindjin aiamie ogiman ma8adji ka niganizindjin omigi8amini, acitc ki a8azo pecodj ickodekag.

Min8adjimo8ini kagi ojibiag kitcit8a Mak 15:44

Pilat ki kitci mamakadendam e nodagedj Jesosan aja egi nibondjin. Ogi nd8e8eman dac cimaganici ogiman acitc ogi k8ag8edjiman kicpin aja 8eckadj Jesosan ka apitci nibondjin.

Min8adjimo8ini kagi ojibiag kitcit8a Lok 2:25

Ii apitc Jerusalemikag pejig nabe tegoban, Simian (Siméon) e ijinikazogobanen. Aa nabe kitci k8aiak8adizigoban acitc okitci manadjiabanin Kije Manidon. Okitci piabanin ini8e Kije Manidon kagi ikidondjin kidji pidjinija8andjin, Israel a8iagog kidji gi ag8acimagani8i8adj. Mino Manidon okigickagobanin.

Min8adjimo8ini kagi ojibiag kitcit8a Lok 2:38

Meg8adj dac Simian e taji anim8egobanen, maia ii apitc ke8in ki pi tag8icinogoban aa ik8e. Mig8etc dac ogi inan Kije Manidon, ogi mikoman dac ini8e abinodjijan, e aiamiadjin kakina a8iagon ka pia8adjin Kije Manidon kidji 8ack8ebidondjin Jerusalemini ka iji madjisenig.

Min8adjimo8ini kagi ojibiag kitcit8a Lok 23:50

Pejig nabe tegoban, Josep ka ijinikazopan, Animati (Arimathée) odenag Coda (Judée) akikag ka odjipan. Minodeegoban acitc k8aiak8adizigoban aa. Opitonagoban Kije Manidon Odogima8i8ini. Coda8inni kitci aiamie onakonige8innig iji acidagimagani8igoban, ka8in dac misa8adj odji min8endasigoban adi ka iji onendamindjin acitc adi ka todamindjin o8idji mikimomaganan.

John 19:38

Kegapitc pejig nabe, Josep ka ijinikazodj, Pilatan ogi nda 8abaman. Animati (Arimathée) odenag odjiban aa Josep. Ogi teb8eta8abanin Jesosan. Ka8in dac odji 8idamagesiban, okitci kosabanin mega Coda8innin ka niganizindjin kidji kikendamindjin. Ogi k8ag8edjiman dac Pilatan kidji gi madji8ido8adj Jesosan o8ia8ini. Pilat ogi pagidinan. Midac ki ija Josep kidji nadji8idodj Jesosan o8ia8ini.

Jesos Odanodaganan Odijitcige8ini8an 13:50

Coda8innig dac ogi 8ik8adjia8an ini8e ka niganizindjin iima odenag acitc ka oconiamindjin ik8e8an ka manadjiandjin Kije Manidon, kidji madjenima8adjin Ponan acitc Banabasan. Midac ka iji nanekadjiagani8i8adj Pon acitc Banabas acitc ki madjinija8agani8i8ag odaki8akag.

Jesos Odanodaganan Odijitcige8ini8an 17:12

Mane dac Coda8innig ki teb8etamog. Mane acitc ega ka Coda8inni8i8adj ke8ina8a ogi teb8etana8a, mane nabeg acitc nandam ka kitci apitendagozi8adj ik8e8ag.

Pilip 1:14

Acitc dac kegat kakina ka teb8etamo8adj, e 8abamiji8adj ooma kibaodimigi8amikag, na8adj aja Jesosikag ka Tibendjigendjin iji apacenimo8ag. Ka8in dac aja cag8enimosi8ag kidji kagik8e8adj Kije Manidon odikido8ini, tiegodj aja eckam ani sogidee8ag.