Min8adjimo8ini kagi ojibiag kitcit8a Mak 14:68 - Kije Manido Odikido8in: Ocki Mazinaigan

⁶⁸ Pien dac ki ikido ega e teb8emaganig ii, e nak8e8ajiadjin: “Ka8in nikikendasin 8egonen ka mikodaman, ka8in kinisidotaosinon.” Pien dac ki ijagoban pecodj 8akaak8aiganikag taji ka iji ick8ademi8anig. [Ii dac apitc nabe pakaak8an ki nodagozi.]

Min8adjimo8ini kagi ojibiag kitcit8a Mak 14:68 Iomraidhean Croise

Min8adjimo8ini kagi ojibiag kitcit8a Mak 14:54

Pien dac 8asag odakanag ogi pi odji nosone8agoban Jesosan, acitc ki pidigeako taji ka iji tag8anig Coda8inni aiamie ogiman ma8adji ka niganizindjin omigi8amini. Iima dac, ogi a8i 8idabiman ini ka kana8endamindjin aiamie ogiman ma8adji ka niganizindjin omigi8amini, acitc ki a8azo pecodj ickodekag.

Min8adjimo8ini kagi ojibiag kitcit8a Mak 14:69

Aa dac anodaganik8e ogi koki 8abaman Pienan acitc kiabadj ogi inan kakina ini8e iima ka tendjin: “Ke8in opaba 8idji8abanin Jesosan.”

Min8adjimo8ini kagi ojibiag kitcit8a Mak 14:70

Kiabadj dac Pien ki ikido ega e teb8emaganig ii. Ka8in kin8ej ick8a ii, igi8e iima ka te8apan ogi ina8an Pienan: “Kiketcinamenimigo, kekin kipaba 8idji8aban Jesos! Kekin mega Galilee akikag kidodji.”

Min8adjimo8ini kagi ojibiag kitcit8a Mak 14:72

Maiagotc dac ii apitc, kiabadj ki nodagozi nabe pakaak8an acitc Pien ki odji mika8ise adi kagi igogobanen Jesosan: “Ab8amaci nabe pakaak8an nijinanaj nodagozidj, aja nisinanaj kigagi odji ikidonan ega e kikenimijian.” Midac Pien ka iji kitci ma8idj.