Min8adjimo8ini kagi ojibiag kitcit8a Mak 14:18 - Kije Manido Odikido8in: Ocki Mazinaigan

¹⁸ Meg8adj e 8akanabi8adj 8isini8aganikag e taji 8isini8adj, Jesos ki ikido: “Teb8e ki8idamonom, pejig oo e tacieg niga mamijimig, pejig ka taji 8idji 8isinimijidj.”

Min8adjimo8ini kagi ojibiag kitcit8a Mak 14:18 Iomraidhean Croise

Matio 26:21

Meg8adj e taji 8isini8adj, Jesos ki ikido: “Teb8e ki8idamonom, pejig oo e tacieg niga mamijimig.”

Matio 5:18

Teb8e ki8idamonom, inigikigotc ke tag8ano8ag8en 8ak8i acitc aki, ka8in 8a8adj pejig ka agacinojag ojibiigan kek8an pejig ega ka apitendag8ag inakonige8in kada 8ebinigadesinon, pinici kakina kidji iji8ebagin.

Matio 6:16

“Mina8adj kodag kegon. Apitc pagidadjigeieg, ka8in kackendaminagozikegon, tabickotc ka kimodizi8adj ka todamo8adj. 8i paietenagozi8ag mega e pagidadjige8adj, kakina a8iagon kidji gi 8abamigo8adjin. Teb8e ki8idamonom, aja kakina ogi odisigona8a ka iji kackitamadizo8adj.

Matio 6:2

“Apitc dac ca8enimeg8a conian ka kidimagizi8adj, ka8in iidi todakegon kakina a8iagog kidji kikendamo8adj adi ka pi inakamigizieg. Mi iidi e todamo8adj ka kimodizi8adj aiamiemigi8amikag acitc mikanakag, kidji gi min8adjimagani8i8adj. Teb8e ki8idamonom, aja kakina ogi odisigona8a ka iji kackitamadizo8adj.

Matio 6:5

“Apitc aiamieieg, ka8in inadizikegon tabickotc 8ina8a ka kimodizi8adj. Okitci min8endana8a e tajigaba8i8adj e aiamie8adj aiamiemigi8amikag acitc kikeag mikanakag, kakina a8iagon kidji gi 8abamigo8adjin. Teb8e ki8idamonom, aja kakina ogi odisigona8a ka iji kackitamadizo8adj.

Min8adjimo8ini kagi ojibiag kitcit8a Mak 10:15

Teb8e ki8idamonom, a8iag ega nda8endag Kije Manidon Odogima8i8ini, tabickotc abinodjij ke iji nda8endagiban, ka8in 8ikad oga kackitosin kidji pidigedj Kije Manidon Odogima8i8inikag.”

Min8adjimo8ini kagi ojibiag kitcit8a Mak 10:29

Jesos dac ogi nak8e8ajian: “Teb8e ki8idamonom, kicpin a8iag nagadag omigi8am acitc okitigan akin, kek8an naganadjin o8idjiki8en, odjodjoman, odadaman, acitc odabinodjijiman, nin odji acitc min8adjimo8ini odji,

Min8adjimo8ini kagi ojibiag kitcit8a Mak 14:17

Apitc e ani onag8icinig Jesos acitc ka midatcin acitc nijindjin okikinoamaganan ki tag8icinog iima pakesagakag.

Min8adjimo8ini kagi ojibiag kitcit8a Mak 14:19

Kakina dac okikinoamaganan ki kitci kackendamise8an acitc pepejig aiackodj ogi k8ag8edjimigon: “Ka8in nin ke todaman, kana?”

Min8adjimo8ini kagi ojibiag kitcit8a Mak 14:25

Teb8e ki8idamonom, ka8in 8ikad mina8adj niga minik8esi cominabo pinici kidji minik8eian ocki cominabo Kije Manido Odogima8i8inikag,” ki ikido Jesos.

Min8adjimo8ini kagi ojibiag kitcit8a Mak 14:9

Teb8e ki8idamonom, adigotc ke iji paba tibadjimonani8anig Kije Manido omin8adjimo8in mizi8ekamig, kada tibadjimonani8ani adi kagi todag 8aa ik8e, acitc kada mik8enimagani8i,” ki ikido Jesos.

Min8adjimo8ini kagi ojibiag kitcit8a Mak 3:28

“Teb8e ki8idamonom, kadagi kasiama8agani8i8ag a8iagog kakina opatado8ini8an, acitc kakina kagi iji manad8e8adj acitc ka iji madjigij8e8adj kadagi kasiama8agani8i8ag.

Min8adjimo8ini kagi ojibiag kitcit8a Mak 6:11

Kicpin dac a8iagog pejig odenakag ka te8adj ega iji nda8enimigo8eg kek8an ega 8i ndotago8eg, mi iji madjaok acitc papa8izidecimonok e minigonaci8akizineieg. Midac kidji kikendamo8adj ega e min8endamia8adjin Kije Manidon,” ki ikido.

Min8adjimo8ini kagi ojibiag kitcit8a Mak 8:12

Jesos ki kitci azanamo acitc ki ikido: “8egonen a8iagog nogom ka te8adj 8edji k8ag8edjimiji8adj kidji mamada8izi8ag, kidji nda motci kikendamo8adj epitci teb8emaganig8en ii egi pidjinijaojindjin Kije Manidon? Teb8e ki8idamonom, ka8in niga mamada8izi8asin.”

Min8adjimo8ini kagi ojibiag kitcit8a Mak 9:1

Jesos kiabadj ogi inan: “Teb8e ki8idamonom, nandam a8iagog ooma ka te8adj ka8in kada nibosi8ag ab8amaci 8abadamo8adj Kije Manidon Odogima8i8ini ke pijamaganig ka kitci macka8izimaganig.”

Min8adjimo8ini kagi ojibiag kitcit8a Mak 9:41

Teb8e ki8idamonom, a8enenigotc ke minigo8eg8en pejigonagan anisibini, osa ninikag eji tibendagozieg, nin Kije Manido ka pidjinijaojidj, ketcinadj kada ca8enimagani8i.”

Min8adjimo8ini kagi ojibiag kitcit8a Lok 11:51

Nitam mega Abel ki nisagani8igoban 8eckadj. Ick8eag dac, nogom ka8in 8eckadj, Zakani (Zacharie) ki nisagani8igoban, maiagotc pidigeatig kitci aiamiemigi8amikag, nasa8idj kitcit8a 8isini8aganikag taji ka iji ick8az8agani8i8adj a8esizag e pagidinigetama8agani8idj Kije Manido acitc taji ma8adji ka iji kitcit8a8endag8ag aiamiemigi8amikag. Ki8idamonom, a8iagog nogom ka pimadizi8adj kada pajacte8agani8i8ag kakina ini8e egi pi nisimagani8indjin.”

Min8adjimo8ini kagi ojibiag kitcit8a Lok 22:21

“Anic dac ndotamok! Aa a8iag ka mamijimijidj, ke8in ooma ni8idji 8isinimig.

Min8adjimo8ini kagi ojibiag kitcit8a Lok 4:24

Teb8e ki8idamonom, ka8in 8ikad niganadjimo8inni ndota8agani8isi odenakag kagi odji nta8igidj.

John 1:51

Acitc kiabadj ki ikido: “Teb8e ki8idamonom, kiga 8abadana8a 8ak8ig e ceteg acitc kiga 8abama8ag Kije Manido odajeniman kidji icpikandjin acitc kidji koki pi najisendjin nin ka iji teian, nin Ka pi Anicinabe8iidizodj.”

John 13:18

“Ka8in kakina e tacieg kimikomisinonom. Nikikenimag igi8e ka onabamag8a. Panima dac ki iji8ebag Kije Manido Omazinaigan ka iji 8idamagemaganig: ‘Aa ka 8idji 8isinimijidj niga mamijimig.’ Psaume 41.10(9)

John 13:21

Ka ick8a ikidodj ii, Jesos ki kitci migockadendam acitc ki tibadjimo: “Teb8e ki8idamonom, pejig oo e tacieg niga mamijimig.”

John 13:22

Kikinoamaganag dac kijigabamidibanig pepejig e taci8adj, k8ina8i inendamobanig. K8ag8edjimidizo8ag a8eneni8an ka mikomandjin.

John 13:38

Jesos ogi nak8e8ajian: “Teb8e na kidick8ata kidji pagidendaman kipimadizi8in nin odji? Teb8e ki8idamon, ab8amaci nabe pakaak8an nodagozidj, aja nisinanaj kigagi odji ikidonan ega e kikenimijian,” ogi inan.

John 21:18

Teb8e ki8idamon, e abinodjiji8iaban kinigotc kipisika8aban kikitcipizon, acitc kidijanaban adi 8a ijaiaban. Apitc dac ani keteadizian kiga tajonikeninan acitc kodag a8iag kiga kitcipinig. Midac kiga iji8inig adi ega 8a ijaian,” ogi inan.

John 3:11

Teb8e ki8idamon, nimikodananan kagi kikendamag acitc ni8idamagemin kagi iji 8abadamag, anic dac ka8in ki8i odapinasina8a ekido8ag.

John 3:3

Jesos dac ogi nak8e8ajian: “Teb8e ki8idamon, ka8in a8iag ogagi 8abadasin Kije Manidon Odogima8i8ini kicpin ega koki nta8igidj.”

John 3:5

Jesos dac ogi nak8e8ajian: “Teb8e ki8idamon, ka8in a8iag kadagi pidigesi Kije Manidon Odogima8i8inikag kicpin ega nibikag acitc Mino Manidokag odji nta8igidj.

John 5:19

Jesos dac ogi inan: “Teb8e ki8idamonom, ka8in nin tibina8e nikackitosin kegon kidji todaman. Panima e 8abamag Nidadam ejitadj, mi kenin pejig8an ejitaian. Midac kakina Nidadam ka ijitadj mi kenin ejitaian.

John 6:26

Jesos dac ogi nak8e8ajian: “Teb8e ki8idamonom, ka8in egi nisidotameg adi 8a ikidomagag kagi iji mamada8izian 8edji nanada 8abamijieg. Tiegodj, kinanada 8abamijim egi am8eg8a pak8ejiganag acitc egi odji tebickono8eg.

John 6:32

Jesos dac ogi nak8e8ajian: “Teb8e ki8idamonom, ka8in Mois kagi minigo8eg pak8ejiganan 8ak8ig ka odjisendjin. Nidadam dac 8in kiminigo8a 8edjida pak8ejiganan 8ak8ig ka pi odjisendjin.

John 6:47

Teb8e ki8idamonom, a8enenigotc e teb8etaojidj odaian kagige pimadizi8ini.

John 6:70

Jesos dac ogi inan: “Kigi onabaminom e midatcin acitc nijieg, kana? Misa8adj dac, pejig e tacieg madji manidon okigickagon.”