Min8adjimo8ini kagi ojibiag kitcit8a Mak 12:29 - Kije Manido Odikido8in: Ocki Mazinaigan

²⁹ Jesos ogi nak8e8ajian: “8adan oo8e inakonige8in ma8adji ka kitci apitendag8ag: ‘Ndotamok kina8a Israel a8iagog! Pejigo eta ka Tibendjigedj Kikije Manidominan.

Min8adjimo8ini kagi ojibiag kitcit8a Mak 12:29 Iomraidhean Croise

Matio 10:37

“Aa8e na8adj a8acamej ka kitci sagiadjin odadaman kek8an odjodjoman apitc8in nin, ka8in inendagozisi ninikag kidji iji tibendagozidj. Acitc aa8e na8adj a8acamej ka kitci sagiadjin og8izisan kek8an odanisan apitc8in nin, ka8in inendagozisi ninikag kidji iji tibendagozidj.

Matio 23:9

Motci pejigo eta Kidadami8a, mi aa Kije Manido, 8ak8ig ka tedj. Ka8in dac ‘Nidadaminan’ kiga ijinikanasi8a8a a8iag ooma akig kidji gi odji manadjieg.

Min8adjimo8ini kagi ojibiag kitcit8a Lok 10:27

Aa nabe ogi nak8e8ajian: “Kiga sagia8a ka Tibendjigedj Kikije Manidomi8a enigokodeeieg, enigokodjitcagocieg, kakina epitcieg, acitc enigokomidonendjiganieg. Acitc dac kiga sagia8a kidjipimadizimi8a tabickotc kina8a ka iji sagiidizo8eg.” Deutéronome 6.5; Lévitique 19.18

Ojibiama8agani8i8ag ka teb8etamo8adj Rom odenakag 3:30

Motci pejigo Kije Manido. Coda8innig dac, ka iji teb8eta8a8adjin Jesosan oga odji k8aiak8abamigo8an Kije Manidon. Acitc ega ka Coda8inni8i8adj mi pejig8an ke todago8adjin, ka iji teb8eta8a8adjin Jesosan oga odji k8aiak8abamigo8an Kije Manidon.

1 Konit 8:4

Midjim dac 8in manidokanag ka pagidinigetama8agani8i8agobanen, kida midjinanan na ii, kek8an ka8in? Kikikendananan manidokanag ega e nodjimo8adj. Kikikendananan acitc e motci pejigodj Kije Manido, ka8in kodag tesi.

Kalecia 3:20

Kicpin motci pejigodj a8iag, ka8in mamakadj a8iag nasa8idj kada tesi, ka8in mega kodag a8iag tesi. Motci pejigo dac Kije Manido, acitc 8in tibina8e ominan onakomo8inan a8iagon.

1 Timote 1:5

Mi oo ke odji 8idama8ad8a, kidji gi sagia8adjin o8idjipimadizimi8an. Panima ki paiekidee8adj, panima ki todamo8adjin eta mino kegonan ka ketcinamendamo8adj e k8aiak8anigin, acitc panima 8e8enda ki teb8eta8a8adjin Kije Manidon. Midac iidi ke iji sagia8adjin kodagian a8iagon.

1 Timote 2:5

Kije Manido mega pejigo eta, acitc pejigo a8iag nena8idj e tedj, kidji 8idjiadjin Kije Manidon acitc a8iagon kidji koki mama8 mino 8idji8idindjin, mi 8aa Jesos Christ, ka pi anicinabe8iidizodj.

Jak odojibiigan 2:19

Kiteb8etan na e motci pejigodj Kije Manido? Tcemekasa! Anic madji manidog ke8ina8a oteb8etana8a acitc 8a8adj ninigicka8ag epitciniji8adj.

Jod odojibiigan 1:25

8in eta Kije Manido8i, ka Ag8acimigo8ak, egi pidjinija8adjin Jesos Christan ka Tibeniminak. Kitci icpendagozi, kitci ogima8i, kitci macka8izi, acitc kakina kegoni otibendan. Mi iidi kabegotc ka ijinagozidj, ab8amaci ka ani kijendag8anig akini, mi acitc nogom, mi acitc apanigotc mojag! Amen! Nin Jod