Min8adjimo8ini kagi ojibiag kitcit8a Mak 12:12 - Kije Manido Odikido8in: Ocki Mazinaigan

¹² Coda8innig dac ka niganizi8adj ogi nanada8i kikendana8a adi ke todamo8apan kidji takona8adjin Jesosan. Ogi kikendana8aban mega egi mikomigo8adjin apitc ii ka inadisokendjin. Pekic dac okosa8abanin ini kitci mane a8iagon iima ka tenipanin. Ogi nagana8an dac Jesosan, acitc mi ka iji madja8adj.

Min8adjimo8ini kagi ojibiag kitcit8a Mak 12:12 Iomraidhean Croise

Matio 21:26

Kicpin dac ikido8ak: ‘A8iagog ka pidjinija8a8adjin Cabadisan,’ panima ki kosaiakonig a8iagog adi ke inakamigizi8adj. Kakina mega inendamog e niganadjimo8inni8inipanin ini Cabadisan.”

Matio 22:22

Apitc dac ka nodamo8adj ii adi kagi iji nak8e8ajiagani8i8adj, ki kitci mamakadendamog. Ogi nagana8an dac Jesosan.

Min8adjimo8ini kagi ojibiag kitcit8a Mak 11:18

Coda8inni kitci aiamie ogimag acitc Coda8inni kikinoamage8innig ki nodage8ag adi Jesosan ka inakamigizindjin kitci aiamiemigi8amikag, acitc onanada kikendana8aban adi ke todamo8apan kidji gi nisa8apanin Jesosan. Pekic dac okosa8abanin, kakina mega a8iagog ogi kitci mamakazita8a8agoban Jesosan adi eji kikinoamagendjin.

Min8adjimo8ini kagi ojibiag kitcit8a Mak 11:32

Kicpin dac ikido8ak: ‘A8iagog ka pidjinija8a8adjin Cabadisan,’ kakina a8iagog kada kiji8azi8ag.” Okosa8abanin a8iagon, kakina mega inendamobanin maia e niganadjimo8inni8inipanin ini Cabadisan.

Min8adjimo8ini kagi ojibiag kitcit8a Lok 20:19

Coda8inni kikinoamage8innig acitc kitci aiamie ogimag ogi nanada8i kikendana8a adi ke todamo8apan teci8ag kidji gi takona8adjin Jesosan. Ogi kikendana8aban mega egi mikomigo8adjin apitc ii ka inadisokendjin. Pekic dac okosa8abanin a8iagon iima ka tendjin.

Min8adjimo8ini kagi ojibiag kitcit8a Lok 20:6

Kicpin dac ikido8ak: ‘A8iagog ka pidjinija8a8adjin Cabadisan,’ kakina a8iagog kiga pabim8asinaigonanag. Kakina mega ketcinamendamog e niganadjimo8inni8inipanin ini Cabadisan.”

John 7:25

Nandam a8iagog Jerusalem ka odji8adj ikidobanig: “Kana mi aa nabe ka k8ag8e nisagani8idj?

John 7:30

Midac nandam igi8e a8iagog ogi k8ag8e takona8an Jesosan. Ka8in dac a8iag ododji kackiasin kidji katcidinadjin. Ka8in mega maci odjitcisesiniban kidji takonagani8idj.

John 7:44

Nandam o8i takona8abanin Jesosan, ka8in dac a8iag kegoni ododji toda8asin.