Min8adjimo8ini kagi ojibiag kitcit8a Mak 11:14 - Kije Manido Odikido8in: Ocki Mazinaigan

¹⁴ Jesos dac ogi inan ini mitigon: “Ka8in 8ikad mina8adj a8iag oga midjisinan kiminiman!” Jesos dac okikinoamaganan ogi nodagon.

Min8adjimo8ini kagi ojibiag kitcit8a Mak 11:14 Iomraidhean Croise

Matio 21:19

Ogi 8abaman dac pejig minatigon e padakicinindjin opimekana mikanakag, acitc dac ogi nazika8an. Nibicibagon dac eta o8abadanabanin. Jesos dac ogi inan ini minatigon: “Ka8in 8ikad mina8adj kiga mini8isi!” Teci8ag dac aa minatig ki kitci pasogoban.

Matio 21:33

“K8ag8e nisidotamok oo8e kodag adisokan. Pejig nabe ki kitigegoban cominici kitiganan odakikag. Ki meniganatigoke dac 8ajagam okitigan akikag, kijadj ki monaige ke iji cacagocka8agani8indjin cominican, acitc ogi ojiton tecibidagani kidji gi odji nagadjitodj okitigan aki. Mina8adj dac ogi a8ian nandam kodagian kitige8innin okitigan aki, midac ka iji nda pabamadizidj.

Matio 21:44

[Kada ojig8icin aa8e ke pagicinog8en iima asinikag, acitc kicpin pejig a8iagokag inagodjinindjin ini asinin, oga cacagockagon.]”

Matio 3:10

Aja ick8a tacaigade ozidak kidji kicka8agani8i8adj mitigog ka odji 8adadabigicino8adj. A8enatigigotc ega mino minatigo8idj kada kicka8agani8i acitc kada madjocte8ebinagani8i.”

Matio 7:19

A8enatigigotc ega min8acinigin ominiman, kicka8agani8i acitc madjocte8ebinagani8i.

Min8adjimo8ini kagi ojibiag kitcit8a Mak 11:13

Ogi 8abaman 8edi 8asag pejig minatigon e padakicinindjin, e kitci nibicibago8inigobanen. Jesos dac ki ija pecodj iima mitigokag, e inabidj epitci mini8indjin. Apitc dac pec8abamadjin ini mitigon, nibicibagon eta o8abadanabanin, ka8in mega maci odjitcisesinigoban kidji mini8indjin.

Min8adjimo8ini kagi ojibiag kitcit8a Mak 11:15

Ki tag8icinog Jerusalem odenakag. Jesos ki pidige Coda8inni kitci aiamiemigi8amikag acitc ki madjita kidji sagidjinija8adjin kakina a8ian ka ada8endjin acitc ka kicpinadjigendjin iima. Ogi k8anabi8ebinanan o8isini8agani8an ini8e ka meckodonandjin conian acitc otesabi8agani8an ini8e ka ada8endjin omimin ka 8abizindjin.

John 15:6

Aa ega ka 8idjiojidj, mi maia kibisatig ega ka min8acig ke toda8agani8idj. Ini kibisatigon kada 8ebinigade8an, midac ke iji pategin. Kada ma8adjitcigade8an acitc kada madjocte8ebinigade8an.”

2 Pien 2:20

Apitc a8iagog ani kikenima8adjin Jesos Christan ka Tibeniminak acitc ka Ag8aciminak, onagadana8an madji kegonan ooma akikag ka nici8anadjiigo8adjin. Kicpin dac kegapitc ini madji kegonan koki pabamendamo8adjin, mina8adj kidji koki tebiigo8adjin, na8adj kiabadj kitci ana8inagozi8ag igi a8iagog apitc8in ockadok.

Kagi iji 8abadaagani8idj John 22:11

Meg8adj dac e taji piodj, kakina pepejig a8iag inendagozi kidji pimadizidj kagi pi todag odakanag. Aa8e ega ka k8aiak8adizidj, kiabadj kada 8agackizi, acitc aa8e ka paba madjakamigizidj, kiabadj kada paba panaage. 8in dac aa8e ka k8aiak8adizidj, kiabadj kada k8aiak8akamigizi, acitc aa8e ka paiekideedj, kiabadj kada paiekidee,” ki ikido ajeni.