Min8adjimo8ini kagi ojibiag kitcit8a Mak 10:41 - Kije Manido Odikido8in: Ocki Mazinaigan

⁴¹ Apitc kodagiag ka midatci8adj kikinoamaganag ka nodamo8adj ii, ogi kitci kiji8aigo8an Jakan acitc Johnan.

Min8adjimo8ini kagi ojibiag kitcit8a Mak 10:41 Iomraidhean Croise

Matio 20:24

Apitc kodagiag ka midatci8adj kikinoamaganag ka nodamo8adj ii, ogi kitci kiji8aigo8an ini ka nijindjin e iji 8idjiki8edindjin.

Min8adjimo8ini kagi ojibiag kitcit8a Mak 10:42

Jesos dac ogi nd8e8eman kakina okikinoamaganan acitc ogi inan: “Kikikenima8ag igi8e nogom ka ogima8endagozi8adj ooma akikag kitci kacka8enimidizo8ag, acitc igi8e ka kitci apitendagozi8adj okitci 8i abadjitona8a omacka8izi8ini8a.

Min8adjimo8ini kagi ojibiag kitcit8a Lok 22:24

Kikinoamaganag ki kitci aiamiidi8ag e nanada kikendamo8adj a8enen ma8adji e kitci apitendagozindjin ii ka taci8adj.

Min8adjimo8ini kagi ojibiag kitcit8a Lok 22:25

Jesos dac ogi inan: “Igi8e ka ogima8i8adj ooma akikag kitci kacka8enimidizo8ag, acitc igi8e ka tibenima8adjin a8iagon nda8endamog kidji ijinikanagani8i8adj ‘Mino todage8innig.’

Ojibiama8agani8i8ag ka teb8etamo8adj Rom odenakag 12:10

Sagiidiok kakina pepejig ka tacieg, kakina mega kidiji 8idjiki8edim. Enigokodeeieg manadjiidik kakina pepejig e tacieg.

Pilip 2:3

Ka8in kegon inakamigizikegon kina8a eta tibina8e kidji mik8enimidizo8eg acitc kidji kitenimo8eg. Tiegodj, inenimikog kodagiag a8iagog na8adj e apitendagozi8adj apitc8in kina8a, e tabasendizo8eg.

Jak odojibiigan 4:5

Ikidomagani mega Kije Manido Omazinaigan: “Kije Manido kigi minigonan Mino Manidon kidji pidigeckago8ak, epitci nda8enimigo8ak 8in eta kidji manadjiaiak.” Ka8in dac ceck8at ikidomagasinon ii.