Min8adjimo8ini kagi ojibiag kitcit8a Mak 10:19 - Kije Manido Odikido8in: Ocki Mazinaigan

¹⁹ Kikikendanan Kije Manido odinakonige8inan: ‘Ka8in kiga nici8esim. Ka8in madji aido8in kiga pamendasina8a. Ka8in kiga kimodisim. Ka8in anodjigotc kiga iji inactaonasi8a8a kidjipimadizimi8a. Ka8in kiga kimodizisim. Kiga manadjia8ag kidadami8a acitc kidjodjomi8a.’ Exode 20.12-16; Deutéronome 5.16-20 Mi ka inakonigedj Kije Manido.”

Min8adjimo8ini kagi ojibiag kitcit8a Mak 10:19 Iomraidhean Croise

Min8adjimo8ini kagi ojibiag kitcit8a Mak 10:18

Jesos ogi inan: “8egonen 8edji inijian e kije8adizian? Kije Manido eta kije8adizi.

Min8adjimo8ini kagi ojibiag kitcit8a Lok 18:20

Kikikendanan Kije Manido odinakonige8inan: ‘Ka8in madji aido8in kiga pamendasina8a. Ka8in kiga nici8esim. Ka8in kiga kimodisim. Ka8in anodjigotc kiga iji inactaonasi8a8a kidjipimadizimi8a. Kiga manadjia8ag kinigiigo8a.’ Exode 20.12-16; Deutéronome 5.16-20 Mi ekidomaganigin Kije Manido odinakonige8inan.”

Ojibiama8agani8i8ag ka teb8etamo8adj Rom odenakag 13:9

Ki inakonige Kije Manido oo8e: “Ka8in madji aido8in kiga pamendasina8a. Ka8in kiga nici8esim. Ka8in kiga kimodisim. Ka8in kiga mosa8endasina8a kodag a8iag odaiman.” Exode 20.13-15,17; Deutéronome 5.17-19,21 Kinadotana8an dac kakina ini inakonige8inan acitc kakina kodagian inakonige8inan apitc ndotameg oo pejig inakonige8in: “Kiga sagia8a kidjipimadizimi8a tabickotc kina8a ka iji sagiidizo8eg.” Lévitique 19.18

Ojibiama8agani8i8ag ka teb8etamo8adj Rom odenakag 3:20

Ka8in mega iaga pejig a8iag ka nosoneagin Coda8inni Inakonige8ini ogagi odji k8aiak8abamigosin Kije Manidon. Motci inabadanon ini Inakonige8inan a8iagog kidji odji pabiziskenimidizo8adj e panaage8adj.

Kalecia 4:21

Kina8a ka nda8endameg kidji tibenimigo8egon Coda8inni Inakonige8inan, pejig kegon ki8i k8ag8edjiminom. Kana kinisidotasina8an adi ekidomagagin ini Inakonige8inan?

Kalecia 5:14

Kakina mega Coda8inni Inakonige8inan iji pagisino8an oo8e pejig inakonige8inikag: “Kiga sagia8a kidjipimadizimi8a tabickotc kina8a ka iji sagiidizo8eg.” Lévitique 19.18

1 Tesalonika 4:6

Ka8in dac 8ikad pejig nabe oda madji toda8asi8an o8idjipimadiziman ka teb8etamindjin adi ke iji 8idji8adjin ik8e8an. Ka Tibendjigedj mega oga pajacte8an ini8e iidi ke iji panaagendjin. Aja kitci enigok kigi 8idamagom kidji iag8amieg.

Jak odojibiigan 2:11

8eckadj Kije Manido ki ikidogoban: “Ka8in madji aido8in kiga pamendasina8a.” Exode 20.14; Deutéronome 5.18 Mi acitc ki ikidogoban: “Ka8in kiga nici8esim.” Exode 20.13; Deutéronome 5.17 Kin dac, kicpin ega madji aido8in pamendaman, anic dac nici8ean, kidana8etanan kakina Kije Manidon odinakonige8inan.