Min8adjimo8ini kagi ojibiag kitcit8a Mak 10:1 - Kije Manido Odikido8in: Ocki Mazinaigan

¹ Jesos ki madja acitc ki ija Coda (Judée) akikag, acitc dac 8edi k8ekagam Jourdain sibini. Mina8adj dac, kitci mane a8iagon ogi pi nazikagon acitc ogi kikinoama8an, kabe ako ka todagiban.

Min8adjimo8ini kagi ojibiag kitcit8a Mak 10:1 Iomraidhean Croise

Matio 26:55

Jesos dac ogi inan kakina ini8e a8iagon ka pi takonigodjin: “Mi na e ijio8eg, e omokomanieg acitc e omitigomieg e pi nadji8inijieg, tabickotc kimodi8inni8iaban? Taso kajik nigi nda abinan Coda8inni kitci aiamiemigi8amikag e kikinoamageian, ka8in dac kidodji takonijisim.

Matio 4:23

Jesos ki paba ijagoban mizi8e Galilee akikag. Kikinoamageban pepakan Coda8inni aiamiemigi8amikag, e paba kagik8edj min8adjimo8ini ka odji kikendjigadenig Kije Manidon Odogima8i8ini, acitc okigeabanin kakina ka akozindjin adigotc ka inapinendjin.

Min8adjimo8ini kagi ojibiag kitcit8a Mak 1:21

Jesos acitc okikinoamaganan ki ija8agoban Kaponaom (Capernaüm) odenani. E Coda8inni aiamie kijiganig, Jesos ki pidige Coda8inni aiamiemigi8amikag acitc ki madjita kidji kikinoamagedj.

Min8adjimo8ini kagi ojibiag kitcit8a Mak 10:2

Nandam Coda8innig ka nagadjito8agobanen inakonige8inan ogi pi nazika8a8an Jesosan, kidji k8ag8e katcidina8adjin anodj kidji iji nak8e8ajii8endjin. Ogi k8ag8edjima8an dac: “Pagidini8emaganon na kidinakonige8inanan pejig nabe kidji 8ebinadjin okokomiman?”

Min8adjimo8ini kagi ojibiag kitcit8a Mak 12:35

Apitc Jesos e kikinoamagepan Coda8inni kitci aiamiemigi8amikag, ki k8ag8ed8e oo8eni: “Adi dac 8ina8a Coda8inni kikinoamage8innig 8edji ikido8adj Davidan ini odanike ojisini ini a8ian Kije Manidon kagi ikidonipanin kidji pidjinija8andjin?

Min8adjimo8ini kagi ojibiag kitcit8a Mak 14:49

Taso kajik kigi 8idjionom acitc nigi kikinoamage Coda8inni kitci aiamiemigi8amikag, ka8in dac kidodji takonijisim. Iji8eban dac ii kidji gi ijiseg adi kagi mazinadenig Kije Manido Omazinaiganikag,” ki ikido Jesos.

Min8adjimo8ini kagi ojibiag kitcit8a Mak 2:13

Jesos ki koki ija tcigagam Galilee sagaigani. Kitci mane a8iagon ogi pi nda 8abamigobanin, acitc ogi kikinoama8an.

Min8adjimo8ini kagi ojibiag kitcit8a Mak 4:2

Adisokanan dac odabadjitonagobanin e kikinoamagedj mane kegoni. Ogi inan dac:

Min8adjimo8ini kagi ojibiag kitcit8a Mak 6:2

E Coda8inni aiamie kijiganig, ki madjita e kikinoamagedj Coda8inni aiamiemigi8amikag. Igi mane a8iagog ka noda8a8agobanen Jesosan ki kitci mamakadendamog. Ikido8agoban: “Adi 8edinag ii kakina ka ikidodj? Adi 8edinag ii okagita8endamo8in acitc omamada kackito8in?

Min8adjimo8ini kagi ojibiag kitcit8a Mak 6:34

Apitc Jesos ka kabadj tcimanikag, ogi 8abaman kitci mane a8iagon. Ogi kitci kidimageniman dac, e inenimagobanen mi maia mantcenican ejinagozindjin ega ka tendjin a8ian kidji kana8enimigo8adjin. Midac ki madjita kitci mane kegoni kidji kikinoama8adjin.

Min8adjimo8ini kagi ojibiag kitcit8a Mak 6:6

Jesos dac okitci mamakadenimagoban ini a8iagon e kitci nodesendjin teb8etamo8ini. Mina8adj dac Jesos ki paba kikinoamage pepakan odenajican egi tag8anigin.

John 10:40

Kegapitc Jesos ki koki ijagoban k8ekagam Jourdain sibini, Cabadis kagi iji sigaadagegobanen. Midac iima ka tajikedj.

John 11:7

Ka ick8a nijogonaganig dac, ogi inan okikinoamaganan: “Coda (Judée) akikag koki ijadan.”

John 18:20

Jesos dac ogi nak8e8ajian: “Kakina a8iagog nigi aiamiag kabena, Coda8inni aiamiemigi8amikag acitc kitci aiamiemigi8amikag. Nigi taji kikinoamage ka iji ma8adjiidi8adj Coda8innig acitc ka8in 8ikad nidodji kimodji anim8esi.