Matio 9:31 - Kije Manido Odikido8in: Ocki Mazinaigan

³¹ Misa8adj dac, apitc ka ick8a sagaamo8adj, ogi paba mikoma8an Jesosan mizi8e iima akikag.

Matio 9:31 Iomraidhean Croise

Matio 14:1

Ii apitc Herod (Hérode), ka ogima8igobanen Galilee akikag, ki nodagegoban Jesosan e mikomagani8indjin.

Matio 28:15

Igi8e dac cimaganicag ogi odapina8an ini conian acitc ki inadjimo8ag ka inanonagani8i8adj kidji ikido8adj. Midac iidi kakina Coda8innikag ki ani obeckamagan ii tibadjimo8in, pinici nogom.

Matio 4:24

Jesos ki ani mikomagani8i mizi8e Siria (Syrie) akikag. Kakina dac ka akozi8adj pepakan ka inapine8adj ki pidji8inagani8i8ag Jesosikag kidji kigeigo8adjin. Nandam e taci8adj kitci 8isagendamobanig, nandam okigickago8abanin madji manidon, nandam majise8apinebanig, acitc nandam op8ana8itona8aban kidji pimose8adj. Jesos dac kakina ogi kigean.

Matio 9:26

Mizi8e dac iima akikag ki nodagani8an oo kagi iji8ebanig.

Min8adjimo8ini kagi ojibiag kitcit8a Mak 1:28

Kitci 8ibadj dac mizi8ena Galilee akikag ki nodagani8an e mikomagani8idj Jesos.

Min8adjimo8ini kagi ojibiag kitcit8a Mak 7:36

Jesos 8e8enda ogi inan ini8e a8iagon ega kidji paba tibadjimondjin. Midac na8adj egi odjiadjin ega kidji pabamadjimondjin, na8adj eckam ogi ani mikodanaban ii.

Min8adjimo8ini kagi ojibiag kitcit8a Lok 4:14

Jesos dac Galilee akikag ki koki ki8egoban. Mino Manidon omacka8izi8ini okigickanagoban, acitc mizi8e iima akikag ki mikomagani8i.

Min8adjimo8ini kagi ojibiag kitcit8a Lok 4:37

Acitc mizi8ena iima akikag Jesos ki mikomagani8i.

Min8adjimo8ini kagi ojibiag kitcit8a Lok 5:15

Misa8adj dac eckam eckam Jesos ki kitci ani mikomagani8i. Kitci mane a8iagon onazikagobanin kidji ndotagodjin acitc kidji kigeadjin adi eji akozindjin.

Min8adjimo8ini kagi ojibiag kitcit8a Lok 7:17

Midac mizi8e Coda (Judée) aki acitc 8ajagam akijican ki iji paba mikodjigade adi Jesos ka inakamigizigobanen.