Matio 6:2 - Kije Manido Odikido8in: Ocki Mazinaigan

² “Apitc dac ca8enimeg8a conian ka kidimagizi8adj, ka8in iidi todakegon kakina a8iagog kidji kikendamo8adj adi ka pi inakamigizieg. Mi iidi e todamo8adj ka kimodizi8adj aiamiemigi8amikag acitc mikanakag, kidji gi min8adjimagani8i8adj. Teb8e ki8idamonom, aja kakina ogi odisigona8a ka iji kackitamadizo8adj.

Matio 6:2 Iomraidhean Croise

Matio 15:7

Kikitci kimodizim! Kikitci teb8emigo8agoban e mikomigo8eg niganadjimo8inni Isaia, apitc ka ojibiag oo8eni:

Matio 16:3

Acitc 8ibadj e kijeba8acig, kidikidom oo8e: ‘Kitci makade misk8aban, kada kimi8an dac ogajigag.’ Apitc kijigabadameg 8ak8ig, maiagotc kikackitona8a kidji odji kikendameg adi ke ijigijigag, ka8in dac kikackitosina8a kidji nisidotameg adi 8a ikidomagag oo8e eji8ebag nogom.

Matio 22:18

Jesos dac ogi kikeniman ini8e a8iagon adi eji k8ag8e 8agackibinigodjin. Ogi inan dac: “Kikitci kimodizim! 8egonen 8edji k8ag8e katcidinijieg anodj kidji iji nak8e8ajii8eian?

Matio 23:5

“Kakina ka ijita8adj, kidji motci pabiziskenimigo8adjin a8iagon eta 8edji ijita8adj ii. Odani micatona8a ii mitigo8ajicini ka panaskapido8adj oskatigo8akag acitc oniki8akag, taji ka iji pidjisinigin nandam mazinaiganesan eji mazinadenig pagi Kije Manido Omazinaigan adi ekidomaganig. Acitc odani kagan8abigitona8an odagog8adjigani8an odaimi8akag, ‘kitci aiamie8ag’ kidji inenimagani8i8adj.

Matio 23:6

Ma8adji dac ka iji min8acinig 8i iji abi8ag e magocani8anig, acitc ma8adji ke iji paietenagozi8adj 8i iji abi8ag Coda8inni aiamiemigi8amikag.

Matio 24:51

Aa dac kacka oga kitci sogacte8an ini anokitage8innin. Oga sagidji8ebinan kidji 8idji8andjin ini8e ka kimodizindjin, taji ke iji kitci ma8indjin acitc ke iji kitci mamad8eabideckandjin ke apitci kodagitondjin.”

Matio 5:18

Teb8e ki8idamonom, inigikigotc ke tag8ano8ag8en 8ak8i acitc aki, ka8in 8a8adj pejig ka agacinojag ojibiigan kek8an pejig ega ka apitendag8ag inakonige8in kada 8ebinigadesinon, pinici kakina kidji iji8ebagin.

Matio 6:16

“Mina8adj kodag kegon. Apitc pagidadjigeieg, ka8in kackendaminagozikegon, tabickotc ka kimodizi8adj ka todamo8adj. 8i paietenagozi8ag mega e pagidadjige8adj, kakina a8iagon kidji gi 8abamigo8adjin. Teb8e ki8idamonom, aja kakina ogi odisigona8a ka iji kackitamadizo8adj.

Matio 6:3

Kina8a dac 8in, apitc ako ca8enimeg8a conian ka kidimagizi8adj, todamok iidi ega 8a8adj ma8adji ka kitci pec8abameg ki8idji8agani8a kidji kikendag.

Matio 6:5

“Apitc aiamieieg, ka8in inadizikegon tabickotc 8ina8a ka kimodizi8adj. Okitci min8endana8a e tajigaba8i8adj e aiamie8adj aiamiemigi8amikag acitc kikeag mikanakag, kakina a8iagon kidji gi 8abamigo8adjin. Teb8e ki8idamonom, aja kakina ogi odisigona8a ka iji kackitamadizo8adj.

Matio 7:5

Kikitci kimodizinan! Pinama ki manibido8an ii mitigoc kagi pizinian, kidji gi 8abian kicpin 8i manibida8adj kidjiki8e ka pizinidj.”

Min8adjimo8ini kagi ojibiag kitcit8a Mak 12:39

Nigan ma8adji 8i iji abi8ag Coda8inni aiamiemigi8amikag kidji gi 8abamagani8i8adj. Ma8adji dac ka iji min8acinig 8i iji abi8ag e magocani8anig.

Min8adjimo8ini kagi ojibiag kitcit8a Mak 7:6

Jesos dac ogi nak8e8ajian: “Niganadjimo8inni Isaia kikitci teb8emigo8agoban e mikomigo8eg, kina8a ka kitci kimodizieg. Mazinadeni mega oo8eni omazinaiganikag: ‘Kije Manido ikido: Ogo8e a8iagog nimin8adjimigog odikido8ini8an e abadjito8adjin, anic dac nikitci na8abamigog odei8akag.

Min8adjimo8ini kagi ojibiag kitcit8a Lok 11:41

Kida mina8ag ka kidimagizi8adj midjim ka ateg kidonagani8akag, misa dac maiagotc kiga paiekideem.”

Min8adjimo8ini kagi ojibiag kitcit8a Lok 11:43

“Kiga kitci madji iji8ebizim, kina8a Coda8innig ka nagadjito8egon inakonige8inan! Ma8adji ke iji paietenagozieg ki8i iji abim aiamiemigi8amikag. Acitc kikitci min8endana8a e anamikago8eg ka iji manenani8ag.

Min8adjimo8ini kagi ojibiag kitcit8a Lok 12:33

Ada8eok kidaimi8an, acitc mijikog ini conian ka kidimagizi8adj. Ojitamadizok dac conia8ajan ega 8ikad ke ick8a abadagin, e ma8adjitamadizo8eg 8anadizi8inan 8ak8ig ka tag8agin. Ini8e dac 8anadizi8inan apanigotc iima kada tag8anon. Iima dac, ka8in kadagi kimodisi8ag kimodi8innig, acitc mandjocag ka8in oga kackitosina8a kidji 8anadjito8adjin.

Min8adjimo8ini kagi ojibiag kitcit8a Lok 12:56

Kikitci kimodizim! E kana8abadameg aki, acitc 8ak8ig e kijigabadameg, maiagotc kikackitona8a kidji odji kikendameg adi ke ijigijigag. Adi dac 8edji ega kackito8eg kidji nisidotameg adi 8a ikidomagag oo8e eji8ebag nogom?”

Min8adjimo8ini kagi ojibiag kitcit8a Lok 13:15

Ka Tibendjigedj dac oo8e ogi iji nak8e8ajian: “Kikitci kimodizim! Kakina pepejig e tacieg kipagidaba8a8a mictozogi8amikag kimictozomi8a koni kimisabozomi8a, kidji iji8ineg kegi iji minik8edj e aiamie kijiganig, kana?

Min8adjimo8ini kagi ojibiag kitcit8a Lok 20:46

“Iag8amenimikog Coda8inni kikinoamage8innig, ka kitci min8endamo8adj kidji paba kigickamo8adjin okonasan ka kitci kin8eganigin acitc ka kitci min8acinigin. Kitci min8endamog e anamika8agani8i8adj ka iji manenani8anig. Nigan ma8adji 8i iji abi8ag Coda8inni aiamiemigi8amikag kidji gi 8abamagani8i8adj. Ma8adji dac ka iji min8acinig 8i iji abi8ag e magocani8anig.

Min8adjimo8ini kagi ojibiag kitcit8a Lok 6:24

Anic dac kiga madji iji8ebizim, kina8a ka kitci oconiamieg, aja mega kijadj kigi mina8azim.

Min8adjimo8ini kagi ojibiag kitcit8a Lok 6:42

Adi dac kegi odji ikido8aban: ‘Nidjiki8e! Ack8e niga manibidon ii ka pizinian’? Kin mega ka8in 8a8adj ki8abadasin mitigoc ka pizinian. Kikitci kimodizinan! Panima ki manibido8an ii mitigoc kagi pizinian, kidji gi 8abian kicpin 8i manibida8adj kidjiki8e ka pizinidj.”

John 13:29

Judas mega okana8enimagoban conian. Midac nandam ki inendamog Jesos egi 8idama8adjin Judasan kidji nda odapinamindjin 8egoneni ke nodesenig kidji gi magocani8anig, kek8an kidji nda minandjin ka kidimagizindjin conian.

John 5:41

“Ka8in abidji nikitci inendasin a8iagog kidji min8adjimiji8adj.

John 5:44

Adi dac kegi odji teb8etaojieg? Kimin8endana8a mega kidji min8adjimigo8eg, anic dac ka8in kinanada 8abadasina8a kidji min8adjimigo8eg Kije Manido ka motci pejigodj.

John 7:18

A8iag e ikidodj adi enendag 8in tibina8e, 8in eta 8i apitenimagani8i. Anic dac a8iag e nda8endag kidji apitenimagani8indjin ini kagi pidjinijaogodjin, teb8e aa, ka8in kagina8ickisi.

Jesos Odanodaganan Odijitcige8ini8an 10:2

Konelias omanadjiagoban Kije Manidon. 8in acitc kakina omigi8amikag ka tajikendjin odaiamita8a8agoban Kije Manidon. Mojag ogi 8idjian ka Coda8inni8indjin ka kidimagizindjin acitc ki nta aiamie.

Jesos Odanodaganan Odijitcige8ini8an 10:31

Nigi inig dac: ‘Konelias! Kije Manido onodan kidaiamie8ini, acitc o8abadan e 8idjiad8a ka kidimagizi8adj.

Jesos Odanodaganan Odijitcige8ini8an 10:4

Konelias ogi kitci kijigabaman ajenin. Ki kitci segizi, acitc ki ikido: “8egonen neda8endaman?” Ajenin ogi igon: “Kije Manido onodan e aiamita8adj acitc o8abadan e 8idjiad8a ka kidimagizi8adj. Kimin8abamig dac.

Jesos Odanodaganan Odijitcige8ini8an 11:29

Ka teb8etamo8adj dac ki onendamog kakina pepejig eji kackito8adj kidji 8idjia8adjin ka teb8etamindjin Coda (Judée) akikag ka tajikendjin.

Jesos Odanodaganan Odijitcige8ini8an 24:17

“Kin8ej ka8in nidodji ijasi Jerusalem odenakag. Nigi koki ija dac 8edi kidji minag8a conian nidanicinabemag, acitc kidji nda pagidinigeian kitci aiamiemigi8amikag.

Jesos Odanodaganan Odijitcige8ini8an 9:36

8edi dac Joppa odenag, tajikegoban pejig ik8e e teb8etag, Tabita ijinikazogoban. Kanek ka ijigij8enani8ag, Dokas (Dorcas) ijinikazogoban aa ik8e, mi oo8e e ikidomagag “8a8ackeci.” Kabe ogi mino toda8an a8iagon, acitc ogi nta 8idjian ka kidimagizindjin.

Ojibiama8agani8i8ag ka teb8etamo8adj Rom odenakag 12:8

Kicpin ki iji ca8endagozidj a8iag kidji 8idjiadjin kodagian kidji sogideendjin, mi sa panima iidi ke ijitcigedj. Kicpin ki iji ca8endagozidj a8iag kidji minadjin odaiman ka kidimagizindjin, panima enigokodeedj oga minan. Kicpin ki iji ca8endagozidj a8iag kidji niganidj, panima 8e8enda kada nigani. Kicpin ki iji ca8endagozidj a8iag kidji 8idjiadjin ka kidimagizindjin, panima ki min8endag iidi e toda8adjin.

1 Konit 13:3

Kicpin minag8a ka kidimadizi8adj kakina nidaiman, kicpin nia8 pagidinaman kidji ick8azigadeg, pekic dac ega sagii8eian, ka8in odji pejig Kije Manido niga ca8enimigosi.

Kalecia 2:10

Nigi pagosenimigonabanig dac eta pejig kegoni: “8idjiikog ka kidimagizi8adj ka teb8etamo8adj ooma Jerusalemikag,” nigi igonanag. Teb8e sa nikitci nda8endan ii kidji ijitaian.

Epes 4:28

Kicpin a8iag mojag kimodidj, panima kada poni kimodi, acitc panima ki madjitadj kidji mikimodj, 8e8enda kidji gi kackitamadizodj opimadizi8in, acitc kidji gi odji 8idoka8adjin ka kidimagizindjin.

1 Tesalonika 2:6

Ka8in 8ikad nigi odji ijitasimin kidji min8adjimijiag, ka8in kek8an kodagiag a8iagog kidji min8adjimigo8ag.

1 Timote 6:18

Kiga 8idama8ag kitci mane mino kegonan kidji todamo8adj, kidji 8i mino ijitcige8adj, kidji min8endamo8adj e migi8e8adj, acitc kidji 8i 8idjia8adjin kodagian a8iagon.

Pilemo 1:7

Nidjiki8e! Kigi kitci min8endamiijinan acitc kigi kitci sogideeckaojinan. Kisagiag mega Kije Manido odanicinabeman acitc kimin8endamiag.

Ebaro 13:16

Ka8in 8anikekegon kidji mino toda8eg8a kodagiag, acitc kidji madina8eieg kegonan ka aiamegon. Iidi mega e todameg, mi maia pejig8an pagidinigetama8egoban Kije Manido, adi eji min8endag.

1 Pien 4:11

Kicpin dac a8iag ca8enimagani8idj kidji kagik8edj, panima ki 8idamagedj Kije Manidon odikido8inan. A8iag ka ca8enimagani8idj kidji 8idokagedj, panima Kije Manidon omacka8izi8ini oda abadjiton kidji 8idjiadjin kodagian a8iagon. Mi panima iidi ki ijitcigeieg, Kije Manido kidji gi odji icpenimagani8idj, adi eji nosone8eg Jesos Christ. Mi aa Jesos ka kitci icpendagozidj acitc kagige ka macka8izidj. Amen.