Matio 5:47 - Kije Manido Odikido8in: Ocki Mazinaigan

⁴⁷ Kicpin anamika8eg8a eta kidjiki8e8ag, ka8in ii odji pejig kegon. 8a8adj igi8e ega ka teb8eta8a8adjin Kije Manidon mi iidi e todamo8adj.

Matio 5:47 Iomraidhean Croise

Matio 10:12

Apitc pidigeieg a8iag omigi8amikag, ikidok oo8e: ‘Kije Manido kiga minigo8a pekadendamo8ini.’

Matio 5:20

Teb8e ki8idamonom, kicpin ega na8adj k8aiak8adizieg apitc8in Coda8inni kikinoamage8innig acitc Coda8innig ka nagadjito8adjin inakonige8inan, ka8in kigagi pidigesim Kije Manido Odogima8i8inikag.”

Matio 5:46

Kicpin sagieg8a eta igi8e ka sagiigo8eg, 8egonen 8edji inendameg kidji ca8endagozieg? 8a8adj igi8e ka ma8adjia8adjin conian kitci ogiman odji mi iidi e todamo8adj.

Matio 5:48

Kina8a dac, apanigotc k8aiakoziok, tabickotc Kidadami8a 8ak8ig ka tedj 8edjidagotc ka kitci k8aiakozidj.”

Min8adjimo8ini kagi ojibiag kitcit8a Lok 6:32

“Kicpin sagieg8a eta igi8e ka sagiigo8eg, ka8in ii kitci kegon. 8a8adj igi8e ega ka ndota8a8adjin Kije Manidon osagia8an ka sagiigo8adjin.

Kolosi 4:14

Kidanamikago8a Lok (Luc), ka kitci sagiagidj mackiki8inni, acitc dac ke8in Demas.

Kolosi 4:15

Anamikaokog nin odji kakina ka teb8etamo8adj 8edi Leadisia (Laodicée) odenag. Anamikaokog ke8in Nimpa (Nympha) acitc kakina ka teb8etamindjin omigi8amikag ka iji ma8adjiidindjin ako kidji aiamiendjin.

1 Pien 2:20

Kicpin dac panaageieg acitc odji papajacteogo8eg, kiga odji min8adjimigo8a na e cacibendameg e kodagito8eg iidi? Ketcinadj ka8in! Anic kicpin mino todameg acitc odji kodagito8eg, e cacibendameg e kodagito8eg, mi ke odji min8endamieg Kije Manido.