Matio 5:42 - Kije Manido Odikido8in: Ocki Mazinaigan

⁴² Kicpin a8iag k8ag8edjimik kegoni, mi iji mij. Kicpin a8iag 8i a8iazomik kegoni, mi iji a8ii.”

Matio 5:42 Iomraidhean Croise

Matio 5:41

Kicpin a8iag k8ag8edjimik kidji pimi8ida8adj omackimod pejigotibaigan inigik, nijotibaigan inigik iji8idao.

Min8adjimo8ini kagi ojibiag kitcit8a Lok 11:41

Kida mina8ag ka kidimagizi8adj midjim ka ateg kidonagani8akag, misa dac maiagotc kiga paiekideem.”

Ojibiama8agani8i8ag ka teb8etamo8adj Rom odenakag 12:20

Kina8a dac, ojibiigadeni Kije Manido Omazinaiganikag adi ke todameg: “Kicpin aa ka madjenimik 8i 8isinidj, mi iji acam midjimini. Kicpin 8i minik8edj, mi iji minai. Kicpin ii todaman, kiga kitci agadjia. Mi maia tabickotc ki ok8ata8adibanin akakajen ka 8asakajenigin octig8anikag ke ijinag8ag.” Proverbes 25.21-22

Ebaro 13:16

Ka8in 8anikekegon kidji mino toda8eg8a kodagiag, acitc kidji madina8eieg kegonan ka aiamegon. Iidi mega e todameg, mi maia pejig8an pagidinigetama8egoban Kije Manido, adi eji min8endag.

Ebaro 6:10

K8aiakozi Kije Manido. Ka8in dac kada 8anikesi adi kagi iji mino ijitcigeieg acitc adi ka apitci sagieg. Kigi 8abadai8em dac adi epitci sagieg apitc ka 8idoka8eg8a odanicinabeman acitc kiabadj nogom ka 8idoka8eg8a.

Jak odojibiigan 1:27

8adan dac oo aiamie8in ka teb8emagag acitc ka min8endamiigodj Kije Manido Kidadaminan, kidji mikimaiakonig ki8acijanag acitc ka pejigo8adj ik8e8ag adi eji kodagito8adj, acitc kidji iag8amendamakonin kakina kegonan ka manadagin ooma akikag ega kidji pitci patadiak.