Matio 5:3 - Kije Manido Odikido8in: Ocki Mazinaigan

³ “Ca8endagozi8ag igi8e ka kikendamo8adj ega eta 8ina8akag kidji gi iji apacenimo8adj, Kije Manidokag dac maia kidji iji apacenimo8adj, Kije Manidon mega Odogima8i8inikag iji tibendagozi8ag!

Matio 5:3 Iomraidhean Croise

Matio 11:25

Ii dac apitc Jesos ki ikido: “Nidadam, kin ka Tibendamanin 8ak8ig acitc aki, mig8etc kidinin, osa mega kigi kikendamonag abinodjijag kegonan ka kadama8ad8a a8iagog ka kagita8endamo8adj acitc ka omidonendjigani8adj.

Matio 11:6

Ca8endagozi aa a8iag ega ke ana8enimijidj.”

Matio 13:16

“Kina8a dac, kica8endagozim, ki8abim mega acitc kidozitem!

Matio 19:14

Jesos dac ki ikido: “Pagidinikog abinodjijag kidji pi nazikaoji8adj! Ka8in odjiakegonig. A8iagog mega tabickotc abinodjijag ka apitendagozi8adj, Kije Manidon Odogima8i8inikag kada iji tibendagozi8ag.”

Matio 24:46

Kicpin dac okackaman apitc pi ki8endjin 8abamigodjin 8e8enda e anokita8adjin, kada mino iji8ebizi aa anokitage8inni.

Matio 25:34

“Aa dac ogima oga inan ini8e okitcinikikag ka tendjin: ‘Pijaok, kina8a Nidadam ka ca8enimigo8eg! Mi iima ke iji tibendagozieg Ogima8i8inikag kagi ojitamago8eg ka ako kijendjigadeg aki.

Matio 3:2

“An8endizok, aja mega peconag8ani Kije Manido Odogima8i8in.”

Matio 8:11

Ki8idamonom oo8e. Mane a8iagog 8abanog acitc nigabianog ka odji8adj kada pidige8ag Kije Manidon Odogima8i8inikag acitc kada iji abi8ag ka iji magocani8anig kidji 8idji 8isinima8adjin Abanaaman (Abraham), Aisikan (Isaac) acitc Tcekapan (Jacob).

Min8adjimo8ini kagi ojibiag kitcit8a Mak 10:14

Apitc Jesos ka 8abadag ii, ki kiji8azi acitc ogi inan okikinoamaganan: “Pagidinikog abinodjijag kidji pi nazikaoji8adj! Ka8in odjiakegonig. A8iagog mega tabickotc abinodjijag ka apitendagozi8adj, Kije Manidon Odogima8i8inikag kada iji tibendagozi8ag.

Min8adjimo8ini kagi ojibiag kitcit8a Lok 11:28

Jesos dac ogi nak8e8ajian: “Na8adj kitci ca8endagozi8ag igi8e Kije Manidon odikido8ini ka ndotamo8adj acitc ka nosoneamo8adj.”

Min8adjimo8ini kagi ojibiag kitcit8a Lok 18:14

Jesos dac ki ikido: “Ki8idamonom, ki ki8e aa nabe e k8aiak8abamigodjin Kije Manidon, ka8in dac 8in aa8e ka nagadjitodjin inakonige8inan. A8enenigotc mega icpenimidizodj, kada tabasendagozi, anic dac a8enenigotc tabasenimidizodj, kada icpendagozi.”

Min8adjimo8ini kagi ojibiag kitcit8a Lok 22:29

Nidadam nigi onabamig kidji ogima8ian. Mi kenin kidonabaminom kekina8a kidji ogima8ieg.

Min8adjimo8ini kagi ojibiag kitcit8a Lok 22:30

Nidogima8i8inikag dac kiga 8idji 8isinimijim acitc kiga 8idji minik8emijim ni8isini8aganikag. Kiga abim kidogima8i tesabi8agani8akag, kidji tibakoneg8a ka midatcin acitc niji8adj ka inakanezi8adj Israel a8iagog.”

Min8adjimo8ini kagi ojibiag kitcit8a Lok 4:18

“Nigi minig ka Tibendjigedj Omino Manidoman. Nigi onabamig kidji tibadjimota8ag8a ka kidimagizi8adj min8adjimo8ini. Nigi pidjinijaog kidji tibadjimota8ag8a ka takonagani8i8adj aja kidji pagidinagani8i8adj, acitc ega ka 8abi8adj aja kidji koki 8abi8adj. Nigi pidjinijaog kidji 8idjiag8a ka madji toda8agani8i8adj,

John 20:29

Jesos dac ogi inan: “Mi panima egi 8abamijian ka teb8etaman. Ca8endagozi8ag igi8e ka teb8etamo8adj misa8adj ega ki 8abamiji8adj,” ki ikido.

Jak odojibiigan 1:10

Mi pejig8an, aa ka kitci oconiamidj, oda kitci min8endan apitc Kije Manidon todagodjin kidji 8anitodjin kakina o8anadizi8inan. Aa8e mega ka kitci oconiamidj mi maia 8abig8ani ejinagozidj.

Jak odojibiigan 1:12

Ca8endagozi aa a8iag ka sogigaba8idj apitc sanagizidj. Kicpin mega kiabadj sogigaba8idj misa8adj egi cabockag kakina kegoni, oga odisigon kagige pimadizi8ini, mi ka ikidodj Kije Manido kidji minadjin ini8e ka sagiigodjin.

Jak odojibiigan 2:5

Nidjiki8eg ka kitci sagiinagok! Ndotamok oo8e. Kije Manido ogi onabaman ka kidimagizindjin ooma akikag kidji iji 8anadizindjin teb8etamo8inikag, acitc kidji pidigendjin Odogima8i8inikag ka ikidopan kidji minadjin a8iagon ka sagiigodjin.

Kagi iji 8abadaagani8idj John 19:9

Pejig dac ajeni nigi inig: “Ojibian oo8e. Ca8endagozi8ag igi8e kagi nd8e8emagani8i8adj kidji ija8adj ka iji magocani8anig apitc e niba8indjin Mantcenicesan.” Nigi inig kiabadj: “Mi ka ikidodj Kije Manido, teb8emagan dac ii.”

Kagi iji 8abadaagani8idj John 22:14

“Ca8endagozi8ag igi8e kagi paiekito8adjin opitcikonaani8an. Inendagozi8ag mega kidji pidige8adj odenakag, acitc kidji midji8adjin minan ka odji nta8iginigin iima mitigokag pimadizi8ini ka migi8endjin.

Kagi iji 8abadaagani8idj John 3:17

‘Nikitci 8anadizimin’ kidikidom. ‘Kakina kegon nigi pi odisigonan, ka8in kegon ninodesesimin’ kidikidom. Ka8in kikikendasina8a e kidimagizieg, e moceckadeieg, ega e oconiamieg, acitc ega e 8abieg.