Matio 4:10 - Kije Manido Odikido8in: Ocki Mazinaigan

¹⁰ Jesos dac ogi inan: “A8as 8edi ijan madji manido! Mazinadeni mega oo8e Kije Manido Omazinaiganikag: ‘Kiga icpenima8a ka Tibendjigedj Kikije Manidomi8a, acitc 8in eta kiga anokita8a8a.’ ” Deutéronome 6.13

Matio 4:10 Iomraidhean Croise

Matio 16:23

Jesos dac ki k8ekigaba8i acitc ogi inan Pienan: “A8as 8edi ijan, kitci madji manido! Ki8i nagabinijinan mega kidji todaman adi enendagozian kidji todaman. Ka8in Kije Manido ka inendag kidinendasin, tiegodj tabickotc a8iagog ka inendamo8adj kidinendan.”

Min8adjimo8ini kagi ojibiag kitcit8a Mak 1:13

Nimidana tasogon inigik Jesos ki tajikegoban 8edi pig8adakamig. Iima dac kitci madji manidon ogi k8ag8e 8agackibinigon Jesos. Pig8adakamig a8esizan o8idji tajikemabanin ii apitc, acitc ajenin o8idokagobanin.

Min8adjimo8ini kagi ojibiag kitcit8a Lok 10:18

Jesos ogi nak8e8ajian: “Nigi 8abama kitci madji manido 8ak8ig e odagodjig tabickotc inimiki.

Min8adjimo8ini kagi ojibiag kitcit8a Lok 11:18

Midac pejig8an, kicpin kitci madji manido 8inigotc tibina8e migandizodj, adi ke odji pimadjiomaganig odogima8i8in?

Min8adjimo8ini kagi ojibiag kitcit8a Lok 13:16

Aa dac ik8e, Abanaam (Abraham) pejig odanike ojisan, madji manidon ogi tibenimigon midatcin acitc nianeniopibon inigik. Kana inendagozisigoban kidji pagidinagani8idj kidji kigedj meg8adj e aiamie kijiganig?”

Min8adjimo8ini kagi ojibiag kitcit8a Lok 22:3

Madji manidon dac ogi pidigeckagon Judas, Iskaniot (Iscariote) ka ijinikazogobanen, mi aa pejig ii e midatcin acitc nijindjin Jesos okikinoamaganan.

Min8adjimo8ini kagi ojibiag kitcit8a Lok 22:31

“Simo, ndotan! Madji manido ki k8ag8ed8e kidji gi kitci mimigobaniigo8eg, tabickotc ako ka kitci mimigobaniagani8i8adj anominag kidji nenicikebaniagani8i8adj anominatigokag.

Min8adjimo8ini kagi ojibiag kitcit8a Lok 4:8

Jesos dac ogi nak8e8ajian: “Mazinadeni oo8e Kije Manido Omazinaiganikag: ‘Kiga icpenima8a ka Tibendjigedj Kikije Manidomi8a, acitc 8in eta kiga anokita8a8a.’ ” Deutéronome 6.13

John 13:27

Apitc Judas kagi minagani8igobanen pak8ejiganan, teci8ag madji manidon ogi pidigeckagon. Jesos dac ogi inan Judasan: “8ibadj ijitan enendagozian kidji todaman.”

Jesos Odanodaganan Odijitcige8ini8an 26:18

Kidijinijaon kidji 8idjiad8a kidji 8abi8adj, acitc kidji gi nagadamo8adj ka iji tibikanig acitc kidji pimadizi8adj ka iji 8aseanig. Kidijinijaon kidji 8idjiad8a kidji poni tibenimigo8adjin madji manidon, meckodj dac kidji tibenimigo8adjin Kije Manidon. Ki teb8etaoji8adj dac, opatado8ini8an kada kasiigadeni8an, acitc kada iji acidagimagani8i8ag taji ka iji tendjin ini8e kagi onabamigo8adjin Kije Manidon.’ Mi ka ijidj Jesos.”

Jesos Odanodaganan Odijitcige8ini8an 5:3

Pien dac ogi inan: “Ananias! Adi 8edji ki pagidinadj madji manido kidji kigickag kideini? Kigi kagina8ickima Mino Manido, e kana8enimadj pagi conia apitc ka ick8a ada8ean kidaki.

1 Konit 5:5

Ii dac apitc, kiga pagidina8a aa nabe madji manidokag. Kada kodagito, midac kidji gi nici8anadjitcigadenigin omadji mosa8endamo8inan. Apitc dac Jesos koki tag8icig, kadagi ag8acimagani8i8an aa nabe odjitcagocan.

1 Konit 7:5

Ka8in ana8enimidikegon e iji nijieg, ega kidji 8i 8izig8amidieg, mi eta tabickotc odji inendameg e midjinijieg 8enibik kidji ana8enimidieg, kidji gi ick8ataieg 8e8enda kidji gi aiamieieg. Ka8in dac kin8ej ana8enimidikegon. Ne8ad mega madji manido kiga k8ag8e 8agackibinigo8a, madji aido8ini kidji k8ag8e pamendamiigo8eg, ega e kitci kackito8eg kidji kana8endameg kia8i8a.

2 Konit 11:14

Ka8in nimamakadendasinanan ii. 8in mega tibina8e madji manido tabickotc ka 8aseasigedj ajeni in8ekandizo.

2 Konit 12:7

Kitci mamakadendag8ani adi kagi iji 8abadaijidj ka Tibendjigedj. Ega dac kidji kitci inendizo8an ii odji, nigi minig kidji kodagito8ag nia8ikag. Mi maia pejig8an ki pagidinagani8ipan madji manido kidji sanagiijidj, ega kidji gi kitci inendizo8ag.

2 Konit 2:11

Ka8in mega kinada8enimasi8anan madji manido kidji pakebinigo8ak. Kikikenimanan mega adi eji 8ik8adjiinak kidji 8agackibinigo8ak.

Jak odojibiigan 4:7

Kije Manidokag dac iji asidizok. Nak8itaok madji manido, midac kiga ojimigo8a.

1 Pien 5:9

Ka8in pabajine ndota8akegon madji manido, acitc sogigaba8iok kiteb8etamo8ini8akag. Kikikenima8adog8enag ka 8idji teb8etamomigo8eg, mizi8ekamig ka paba te8adj, e taji kodagito8adj tabickotc kina8a ka iji kodagito8eg.