Matio 3:8 - Kije Manido Odikido8in: Ocki Mazinaigan

⁸ Kicpin teb8e an8endizo8eg, kidinendagozim kidji 8abadjigadeg e mino ijitcigeieg.

Matio 3:8 Iomraidhean Croise

Matio 21:32

Cabadis mega ki pija kina8akag, e 8abadaigo8eg adi eji nda8enimigo8eg Kije Manido kidji inadizieg. Ka8in dac kidodji teb8eta8asi8a8a Cabadis. Igi8e dac ka ma8adjia8adjin conian kitci ogiman odji, acitc madji ik8e8ag, ogi teb8eta8a8an Cabadisan. Misa8adj egi 8abadameg ii, ka8in kidodji an8endizosim kidji teb8eta8eg.”

Min8adjimo8ini kagi ojibiag kitcit8a Lok 3:8

Kicpin teb8e an8endizo8eg, kidinendagozim kidji 8abadjigadeg e mino ijitcigeieg. Ka8in inendakegon: ‘Ka8in kiga tibakonigosimin, Abanaamikag (Abraham) mega kidiji kitci odadamimin.’ Ceck8at iidi kidinendana8a! Ki8idamonom kidji kijigabameg8a igi asinig. Kije Manido ogagi meckodjian ini asinin Abanaam okitci anike ojisan kidji gi ijinagozindjin.

Jesos Odanodaganan Odijitcige8ini8an 26:20

Midac ka iji madji inag8a a8iagog kidji an8endizo8adj acitc kidji teb8eta8a8adjin Kije Manidon. Nigi inag kidji mino inakamigizi8adj kidji gi nag8anig egi an8endizo8adj. Nitam nigi 8idama8ag igi8e Damas odena ka tajike8adj, mina8adj dac igi8e Jerusalem ka tajike8adj. Mina8adj dac nigi paba 8idama8ag igi8e mizi8e Coda (Judée) aki ka tajike8adj, ick8eag dac igi8e ega ka Coda8inni8i8adj.

Epes 5:8

8eckadj ako, ka iji kacki tibikag kitidena8aban. Nogom dac aja ka iji 8aseag kitidem, osa megada 8inikag ka Tibendjigedj kidiji mama8isem. Midac 8e8enda inakamigiziok, adi enendagozi8adj kidji inakamigizi8adj kakina igi8e ka manadjia8adjin Kije Manidon, ka iji 8aseanig ka te8adj.

Epes 5:9

Igi8e mega ka iji 8aseanig ka te8adj kada odji minodee8ag, kada k8aiak8adizi8ag acitc kada teb8eiendagozi8ag.

Pilip 1:11

Midac Jesos Christ kiga 8idjiigo8a apanigotc kidji mino inakamigizieg, kidji gi odji icpenimagani8indjin Kije Manidon acitc kidji gi odji manadjiagani8indjin.