Matio 27:56 - Kije Manido Odikido8in: Ocki Mazinaigan

⁵⁶ Mani Magdala iima tegoban, acitc ke8in kodag Mani, mi ini Jak acitc Josep odjodjomi8an, acitc dac Zebedee odik8eman, mi ini Jak acitc John odjodjomi8an.

Matio 27:56 Iomraidhean Croise

Matio 13:55

Kana mi 8aa mitigonabe og8izisan? Mani ijinikazo8an odjodjoman! Mi ini Jak (Jacques) o8idjiki8en, Josep (Joseph), Simo (Simon), acitc Jod (Jude)!

Matio 27:61

Mani Magdala acitc kodag Mani iima te8agoban ke8ina8a, e taji abi8agobanen nigan 8ibabikiniganikag.

Matio 28:1

Ka ick8a Coda8inni aiamie kijiganig, apitc ka mokaamindjin kizison e manadjitagani8anig, Mani Magdala acitc kodag 8aa Mani ki ija8agoban 8ibabikiniganikag ka iji asagani8igobanen Jesos.

Min8adjimo8ini kagi ojibiag kitcit8a Mak 15:47

Mani Magdala acitc Mani, mi ini Coses odjodjoman, ogi 8abadana8a adi kagi iji naatcigadenigobanen Jesosan o8ia8ini.

Min8adjimo8ini kagi ojibiag kitcit8a Mak 16:9

[Apitc Jesos ka abidjibagobanen, 8ibadj e kijeba8acinig e manadjitagani8anig, ogi todan nitam kidji 8abamigogobanen Mani Magdalan. Mi ini ik8e8an Jesos kagi odji sagidjinija8agobanen nij8atcin madji manidon.

Min8adjimo8ini kagi ojibiag kitcit8a Lok 24:10

Mani Magdala, Jo8ana (Jeanne), acitc Mani, 8in Jak (Jacques) odjodjoman, acitc kodagiag ik8e8ag kagi 8idjiogo8agobanen, mi igi8e ik8e8ag kagi nda 8a8idama8a8agobanen Jesosan Odanodaganan.

Min8adjimo8ini kagi ojibiag kitcit8a Lok 8:2

Nandam ik8e8ag egi kigeagani8i8apan ka inapine8adj acitc egi odji sagidjinija8agani8indjin madji manidon ka kigickago8apanin, ke8ina8a opaba 8idjiogobanin. Pejig dac ii e taci8adj ik8e8ag, Mani Magdala ijinikazogoban, 8inikag ki odji sagidjinijaomagani8ibanin ka nij8atcinipanin madji manidon.

John 19:25

Jesos odjodjoman pecodj tajigaba8ibanin otcibaiatigomikag, acitc onocejan, acitc kodag ik8e Mani ka ijinikazogobanen, 8in aa Klopas okokomiman, acitc dac Mani Magdala.

John 20:1

8ibadj e kijeba8acinig e manadjitagani8anig, meg8adj kiabadj e tibikanogobanen, Mani Magdala ki ija 8ibabikiniganikag. Ogi 8abaman dac kitci asinin egi manibinagani8indjin ka odji pidigani8anig.

John 20:18

Mani Magdala dac ogi nda tatibadjimota8an Jesosan okikinoamaganan. Ogi inan dac: “Nigi 8abama ka Tibeniminak!” Ogi 8idama8an dac adi kagi igodjin.