Matio 27:16 - Kije Manido Odikido8in: Ocki Mazinaigan

¹⁶ Teban dac ii apitc pejig takonigan e kitci kikenimagani8idj, Jesos-Barabbas ijinikazogoban.

Matio 27:16 Iomraidhean Croise

Matio 27:15

E taso pibonig, meg8adj e Coda8inni Kitci Magocani8anig, Pilat opagidinabanin ako pejig takoniganan, ini8e ka nda8enimandjin a8iagon.

Matio 27:17

Pilat dac ogi k8ag8edjiman ini a8iagon ka pi ma8adjiidindjin: “A8enen neda8enimeg kidji pagidinag, Jesos-Barabbas kek8an aa Jesos ‘Kije Manidon ka pidjinijaogodjin’ ka ijinikanagani8idj?”

Min8adjimo8ini kagi ojibiag kitcit8a Mak 15:7

Pejig dac takonigan ii apitc Barabbas ijinikazogoban, kiba8agani8igoban egi nici8egobanen meg8adj e nak8itaomagani8inigobanen kitci ogiman.

Min8adjimo8ini kagi ojibiag kitcit8a Lok 23:25

Ogi pagidinan dac ini kodagian naben ka nda8enimagani8inipanin, ini8e kagi kiba8agani8inigobanen egi ojitonipanin kidji nak8itaomagani8indjin kitci ogiman acitc egi nici8enipanin. Ki inakonige dac kidji nisagani8indjin Jesosan, adi eji nda8endamindjin ini a8iagon.

John 18:40

Midac ki madji pabibagi8ag: “Ka8in 8in! Barabbas aa ka 8i nda8enimagidj!” 8in Barabbas kimodi8inni8iban ka kitci sogendagozidj.

Jesos Odanodaganan Odijitcige8ini8an 3:14

Ki kitci paiekideegoban acitc ka8in 8ikad ki odji patadisigoban. Kina8a dac kigi ana8enima8a. Kigi k8ag8edjima8a dac Pilat meckodj kidji pagidinadjin pejig naben egi nici8endjin.

Ojibiama8agani8i8ag ka teb8etamo8adj Rom odenakag 1:32

Okikendana8a egi inakonigendjin Kije Manidon kidji kackitamadizondjin kidji nibondjin a8iagon iidi ka todamindjin. Midac misa8adj kiabadj iidi enakamigizi8adj, acitc apitc 8abama8adjin kodagian ii e todamindjin, mi eji kitci min8endamo8adj.

Ojibiama8agani8i8ag ka teb8etamo8adj Rom odenakag 16:7

Nidanamika8ag nitcina8emaganag Andaronikos (Andronicus) acitc Jonias (Junias). Nigi 8idji tajikemidimin kibaodimigi8amikag. Kitci inenimagani8i8ag igi nabeg, acitc Jesos Odanodaganan inagimagani8i8ag. 8intami8a ogi teb8eta8a8an Jesos Christan ab8amaci nin.