Matio 26:63 - Kije Manido Odikido8in: Ocki Mazinaigan

⁶³ Ka8in dac Jesos odji kidosi. Aa dac aiamie ogima ma8adji ka niganizidj ogi inan: “Kik8ag8edjimin kidji teb8ean e 8idamaojian, e kikendaman Kije Manido ka pimadizidj e kijigabamik. Kin na aa8e Kije Manidon kagi ikidonipanin kidji pidjinijaogodjin, Kije Manido Og8izisan?”

Matio 26:63 Iomraidhean Croise

Matio 16:16

Simo Pien dac ogi nak8e8ajian: “Kin aa8e Kije Manidon kagi ikidonipanin kidji pidjinijaogodjin, 8in aa8e ‘Christ’ ka ijinikanagani8idj, Kije Manido ka pimadizidj Og8izisan.”

Matio 26:62

Coda8inni aiamie ogima ma8adji ka niganizidj ki pazig8i acitc ogi inan Jesosan: “Kana kegon kinak8e8ajii8esi? Teb8e8ag na igi ka inactaonik8a?”

Matio 27:12

Mina8adj dac, Coda8inni kitci aiamie ogimag acitc Coda8innig ka niganizi8adj ogi inactaona8an Jesosan, ka8in dac kegoni odji ikidosi8an.

Matio 27:14

Ka8in dac kegoni ki odji nak8e8ajii8esi adi kagi iji inactaonigodjin. Pilat dac ki kitci mamakadendam.

Matio 27:40

Odina8abanin dac: “Kin ka 8i nici8anadjito8aban kitci aiamiemigi8am, acitc kidji gi koki ojito8an kodag nisokajik eta kidji tajikaman, kin tibina8e pimadjiidizon, kicpin teb8e Kije Manido Og8izisan epitci aiaa8i8anen, acitc nisada8en kitcibaiatigomikag.”

Matio 27:43

Acitc dac ogi ina8an: “Kije Manidokag ki iji apacenimogoban. 8a8adj ki ikidogoban: ‘Nin Kije Manido Og8izisan.’ Misa dac kiga 8abadananan ke apitci nda8enimag8enin nogom Kije Manido kidji pimadjiadjin!”

Matio 27:54

Cimaganici ogima dac acitc kakina ocimaganiciman ka kana8enima8apanin Jesosan ogi 8abadana8a e kitci k8ig8anig acitc kakinagotc eji8ebanig. Ki kitci segizi8ag dac acitc ki ikido8ag: “Teb8e mi aa Kije Manido Og8izisan!”

Matio 4:3

Kitci madji manidon ogi pi nazikagon, kidji k8ag8e 8agackibinigodjin. Ogi igon dac: “Kicpin Kije Manido Og8izisan aiaa8ian, ijik igi asinig kidji ani pak8ejigani8i8adj.”

Min8adjimo8ini kagi ojibiag kitcit8a Mak 14:61

Ka8in dac Jesos odji kidosi acitc ka8in odji nak8e8ajii8esi. Aa dac Coda8inni aiamie ogima ma8adji ka niganizidj kiabadj ogi k8ag8edjiman: “Kin na aa8e Kije Manidon kagi ikidonipanin kidji pidjinijaogodjin, Kije Manido ka icpenimaiak Og8izisan?”

John 1:34

Mi ka iji 8abadaman. Mi 8edji 8idamageian mi aa Kije Manido Og8izisan.” Mi kagi iji tibadjimodj Cabadis.

John 1:49

Midac Natanien ogi inan: “Kikinoamage8inni! Kin Kije Manido Og8izisan! Kin Israel a8iagog odogimami8an!”

John 10:24

Kitci mane Coda8innig ka niganizi8adj ma8adjiidibanig 8ajagam Jesosikag, acitc ogi k8ag8edjima8an oo8e: “Aja 8eckadj nik8ina8i inendananan, ka8in mega kikikenimigosi. Anapitc dac ke 8idamagean a8enen kin maia. Kicpin kin teb8e aa8e Kije Manidon kagi ikidonipanin kidji pidjinijaogodjin, misa 8idamaocinam.”

John 10:30

Nidadam acitc nin nipejig8eiendagozimin mega,” ki ikido.

John 10:36

Nin dac Kije Manido nigi onabamig acitc nigi pidjinijaog ooma akikag. Adi dac 8edji ikido8eg e manazomag, egi ikido8an nin Kije Manido Og8izisan?

John 18:37

Pilat dac ogi inan: “Kidogima8inan na dac?” Jesos ogi nak8e8ajian: “Kin ka ikido8an e ogima8ian nin. Oo8e dac eta 8edji ki pijaian ooma akikag acitc 8edji ki nta8igian, teb8e8in kidji mikodaman. Igi8e ka nanada kikendamo8adj teb8e8ini, onadotana8a adi e ikido8an.”

John 19:7

Coda8innig dac ogi nak8e8ajia8an: “Inakonige8in nidaiananan, ikidomagan dac ii inakonige8in e inendagozidj kidji nibodj. Ki ikido mega Kije Manido Og8izisan e aiaa8idj.”

John 19:9

Mina8adj dac ki koki pidige odogima8imigi8amikag. Jesosan dac ogi k8ag8edjiman: “Adi 8edosean?” Ka8in dac Jesos ki nak8e8ajitagesi.

John 20:31

Nigi ojibian dac oo8e kidji gi teb8etameg mi aa Jesos kagi ikidonipanin Kije Manidon kidji pidjinijaogodjin, acitc dac Kije Manido ini Og8izisan. Kicpin dac teb8etameg, Jesos kiga minigo8a pimadizi8ini.

John 6:69

Nogom dac kiteb8etaogo acitc kiketcinamenimigo kin 8aa ka kitcit8a8izidj, Kije Manidon kagi ikidonipanin kidji pidjinijaogodjin.”

John 8:25

Midac ogi k8ag8edjima8an Jesosan: “A8enen dac kin maia?” Jesos ogi nak8e8ajian: “Ka ako madji kikinoamageian, kigi 8idamonom a8enen e aiaa8ian nin.

2 Konit 1:19

Ketcinam mega kigagi apacenimo8agemin Jesos Christ, Kije Manido Og8izisan. Mi aa8e Jesos kagi mikodamago8eg, Silas, Timote, acitc nin tibina8e. Apanigotc kigagi ketcinamenimanan Jesos, apanigotc mojag teb8eiendagozi.

1 Pien 2:23

Ki manazomagani8i, ka8in dac 8in ododji koki manazomasi8an. Apitc kagi kodagitogobanen, ka8in odji ikidosi ke8in kidji madji toda8adjin ini a8iagon ka kodagiigodjin. Tiegodj, Kije Manidokag ki iji apacenimo, 8in k8aiak ka tibakonigendjin.