Matio 26:40 - Kije Manido Odikido8in: Ocki Mazinaigan

⁴⁰ Ogi koki nda 8abaman dac ini ka nisindjin okikinoamaganan, acitc ogi mika8an e pajigog8acinindjin. Ogi inan dac Pienan: “Kana 8a8adj pejigotibaigan kikackitosina8a kidji 8idabimijieg?

Matio 26:40 Iomraidhean Croise

Matio 25:5

Kitci kin8ej ki taji piagani8i aa ke niba8idj nabe. Kegapitc dac ki nodeg8aci8ag igi ka midatci8adj ik8esesag, misa dac kakina ki nibese8ag.”

Matio 26:35

Pien dac ogi inan: “Ka8in 8ikad niga ikidosi ega e kikeniminan, misa8adj 8idji nibominaban.” Midac pejig8an kodagian okikinoamaganan ka ikidonigobanen.

Matio 26:38

Ogi inan dac: “Nikitci ka8enimonan. Tajikeok ooma acitc 8idabimicik e nibebian.”

Matio 26:41

K8ag8e cibig8aciok, acitc aiamieok kidji macka8izieg, ega kidji gi pakebinigo8eg madji manido. Teb8e ki8i k8ag8e k8aiak8adizim, pekic dac kia8i8a kitci cagozimagan.”

Matio 26:43

Ogi koki nda 8abaman dac okikinoamaganan acitc mina8adj ogi mika8an e pajigog8acinindjin. Kitci aiekozi8agoban mega acitc ka8in okackitosina8agoban kidji cibig8aci8adj.

Min8adjimo8ini kagi ojibiag kitcit8a Mak 14:37

Ogi koki nda 8abaman dac ini ka nisindjin okikinoamaganan, acitc ogi mika8an e pajigog8acinindjin. Ogi inan dac Pienan: “Simo! Kiniba na? Kana 8a8adj pejigotibaigan kikackitosin kidji cibig8acian?

Min8adjimo8ini kagi ojibiag kitcit8a Lok 22:45

Ka ick8a aiamiegobanen, ki pazig8igoban, acitc ogi nda 8abaman okikinoamaganan. Ogi mika8an dac e pajigog8acinindjin, epitci aieko kackendamindjin.

Min8adjimo8ini kagi ojibiag kitcit8a Lok 9:32

Pien acitc ka 8idjiogodjin niba8agoban ii meg8adj. Apitc dac ka odji kockozi8adj, ogi 8abadana8a Jesosan odicpendagozi8ini acitc ogi 8abama8an ini nijin naben e 8idjigaba8itagodjin.