Matio 26:2 - Kije Manido Odikido8in: Ocki Mazinaigan

² “Kikikendana8adok ick8a nijogonagag kada Kitci Magocani8an, Pak ka ijinikadeg. Ii dac apitc, nin, Ka pi Anicinabe8iidizodj, niga takonigo kidji acidak8aogo8an tcibaiatigokag.”

Matio 26:2 Iomraidhean Croise

Matio 10:4

Simo, 8in ka acidagimagani8igobanen taji ka iji ma8asag8akonidindjin ega ka nda8endaminigobanen kidji tibenimigo8adjin ogiman Rom ka odjindjin, acitc Judas Iskaniot (Iscariote), 8in nage ka mamijimadjin Jesosan.

Matio 17:22

Nigodin Jesos acitc okikinoamaganan ma8asag ki te8agoban Galilee akikag. Jesos dac ogi inan: “Nin, Ka pi Anicinabe8iidizodj, niga 8agackibinigo, kidji gi tibenimiji8adj a8iagog ooma akig.

Matio 27:4

Ogi inan dac: “Nigi kitci patadinan egi mamijimag a8iag ega 8ikad madji kegoni egi todagiban kidji gi odji nisagani8idj.” Ogi nak8e8ajiigon dac: “Ka8in nigod nidinendasinanan nina8it. Kin ii kimikimo8in, ka8in nina8it.”

Min8adjimo8ini kagi ojibiag kitcit8a Lok 22:15

Jesos dac ogi inan: “Nigi taji kitci mosa8endanaban mama8 kidji 8isiniak oo Kitci Magocan ab8amaci kodagito8an.

John 11:55

Aja ani peconag8anoban Coda8inni Kitci Magocan, Pak ka ijinikadeg. Kitci mane dac a8iagog iima akig ka odji8agobanen, ki ija8agoban Jerusalem odenakag ab8amaci kidji magocani8anig, kidji nda todamo8adj ka inakonigemaganigin Coda8inni Inakonige8inan kidji gi paiekideeiendagozi8adj.

John 12:1

Nigod8asokajik ab8amaci Coda8inni Kitci Magocani8ag, Jesos ki ija Betani (Béthanie) odenag, Lazaran ka iji tajikendjin, ini kagi abidjibaadjin.

John 18:2

Judas, 8in ka mamijimadjin Jesosan, okikendanagoban ke8in ii8e kitigan akini. Jesos mega acitc okikinoamaganan mojag ki ija8agoban iima.

John 18:32

Midac kidji gi iji8ebanig Jesos ka ikidopan apitc ka mikodagiban adi ke iji nibodj.

John 2:13

Apitc e peconag8anig Coda8inni Kitci Magocani, Pak ka ijinikadenig, Jesos ki ija Jerusalem odenag.