Matio 24:9 - Kije Manido Odikido8in: Ocki Mazinaigan

⁹ “Kina8a dac kiga takonigom kidji nanekadjiigo8eg acitc kiga nisigom. Kakina ka inakanezi8adj a8iagog kiga madjenimigo8ag, e nosoneojieg.

Matio 24:9 Iomraidhean Croise

Matio 22:6

Nandam dac kodagiag kagi nd8e8emagani8i8adj ogi na8adjibina8an ini ogiman odanodagani, ogi manenima8an acitc ogi nisa8an.

Matio 23:34

Midac ke odji ijinijaamaonagok niganadjimo8innig kina8akag, acitc a8iagog ka kitci kagita8endamo8adj, acitc a8iagog kidji kikinoamago8eg. Nandam kiga nisa8ag acitc nandam kiga acidak8a8a8ag tcibaiatigokag. Kiga papajacte8a8ag kodagiag kidaiamiemigi8ami8akag acitc kiga paba minijao8a8ag adigotc ke paba ija8adj odenan.

Min8adjimo8ini kagi ojibiag kitcit8a Lok 11:49

Mi 8edji ki 8idamagedj e kitci kagita8endag Kije Manido: ‘Niga ijinijaama8ag niganadjimo8innin acitc nidanodaganan kidji mikomijindjin. Nandam kada nisagani8i8ag acitc nandam kodagiag kada kodagiagani8i8ag,’ ki ikido.

Min8adjimo8ini kagi ojibiag kitcit8a Lok 21:12

“Ab8amaci dac ii, kiga takonigom acitc kiga kodagiigom. Coda8inni aiamiemigi8amikag kiga ijinijaogom kidji tibakonigo8eg, acitc kiga asigom kibaodimigi8amikag. E nosoneojieg mega ke odji iji8inigo8eg nigan kitci ogimakag acitc ka nigani8adj kidji tibakonigo8eg.

John 15:18

Jesos kiabadj ki ikido: “Apitc igi8e ka ana8enima8adjin Kije Manidon madjenimigo8eg, kikikendana8a nin nitam kagi madjenimiji8adj.

John 15:21

E nosoneojieg, mi ke odji nanekadjiigo8eg. Ka8in mega okikenimasi8a8an ini a8ian kagi pidjinijaojindjin.”

John 16:2

Kiga sagidjinijaogom Coda8inni aiamiemigi8amikag. Kada ijise kidji nisigo8eg, midac ‘Nidanokita8anan Kije Manido’ kada inendamog igi8e ka nisigo8eg.

Jesos Odanodaganan Odijitcige8ini8an 28:22

Misa8adj dac ni8i ndotananan adi enendaman. Nikikendananan mega mizi8ena e paba madji mikodjigadeg ii ka iji teb8etaman.”

Jesos Odanodaganan Odijitcige8ini8an 7:59

Stepan ki aiamie meg8adj e taji pabim8asinaagani8idj: “Jesos ka Tibendjigean! Odapin nidjitcagoc!”

1 Pien 4:16

Kicpin dac a8iag kina8akag e nosone8adjin Jesos Christan odji kodagitodj, ka8in kada agadenimidizosiban. Tiegodj, mig8etc oda inan Kije Manidon, e kikenimagani8idj Jesosikag e iji tibendagozidj.

Kagi iji 8abadaagani8idj John 2:10

Aja pecodj kiga kodagitom, anic dac ka8in segizikegon. Madji manido oga kiba8an kibaodimigi8amikag nandam ka tacieg, kidji nda kikenimigo8eg epitci teb8eta8eg8en kek8an ka8in. Midasogon inigik kiga nanekadjiigom. Misa8adj odji nisigo8eg, ka8in poni teb8etaojikegon. Mi panima iidi ke odji ca8eniminagok kagige pimadizi8in. Mi tabickotc sizok8epizon kagi kackitamadizo8eg ke ijinagozieg.

Kagi iji 8abadaagani8idj John 2:13

Nikikendan adi e tajikeieg. Madji manido ka iji ogima8idj kidiji tajikem. Apanigotc dac misa8adj kitaji teb8etaojim. Nigi ijinija8a nidanodagan Antipas kidji mikomijidj, acitc 8e8enda ogi todan. Kidodenami8akag dac ki iji nisagani8i, 8edi ka iji tajikedj madji manido. Kina8a dac, 8a8adj ii apitc ka8in kidodji ana8etaojisim.

Kagi iji 8abadaagani8idj John 7:14

Nigi ina: “Ka8in nin nikikenimasig. Kin kikikenimag.” Nigi 8idamag dac: “Mi ogo8e kagi kitci nanekadjiagani8i8adj, ogi cabockana8a dac. Ogi 8abigizana8an okonasi8an, Mantcenicesan omisk8ini e abadjito8adj.