Matio 23:29 - Kije Manido Odikido8in: Ocki Mazinaigan

²⁹ “Kiga kitci madji iji8ebizim, kina8a Coda8innig ka kikinoamageieg acitc kina8a ka nagadjito8egon inakonige8inan! Kikitci kimodizim! Kidojitama8a8ag e kitci min8acinig taji e tanaki8adj niganadjimo8innig, acitc kikitci min8acitona8a taji ka tanaki8adj igi8e kagi k8aiak8adizi8adj.

Matio 23:29 Iomraidhean Croise

Matio 23:27

“Kiga kitci madji iji8ebizim, kina8a Coda8innig ka kikinoamageieg acitc kina8a ka nagadjito8egon inakonige8inan! Kikitci kimodizim! Mi maia tabickotc 8ibabikiniganan kagi 8abibiigadegin ejinagozieg. Kitci minonag8anon ag8adjik inekena. Pidigamig dac, a8iagog kagi nibo8adj e cigoganecino8adj kicponeckine8ag, acitc kakinagotc kegonan ka 8anadagin.

Matio 23:28

Midac pejig8an kina8a, ‘kitci mino a8iago8i8ag’ kidinenimigom, ejideeieg dac kikitci kimodizim acitc kikitci 8i madji todana8a.”

Matio 23:30

Kidikidom dac oo8e: ‘Kekina8it ki pimadiziakoban meg8adj ka pimadizi8apan 8eckadj kikitci anicinabeminabanig, ka8in kidagi 8idjiasi8ananag kidji nisa8adjin niganadjimo8innin.’

Jesos Odanodaganan Odijitcige8ini8an 2:29

“Nidjiki8eg! Nikackiton 8e8enda kidji mikomag 8eckadj kikitci anicinabeminaban David. Ki nibo, ki naatcigadeni o8ia8 acitc o8ibabikinigan mi ooma kiabadj nogom e tag8anig.