Matio 23:27 - Kije Manido Odikido8in: Ocki Mazinaigan

²⁷ “Kiga kitci madji iji8ebizim, kina8a Coda8innig ka kikinoamageieg acitc kina8a ka nagadjito8egon inakonige8inan! Kikitci kimodizim! Mi maia tabickotc 8ibabikiniganan kagi 8abibiigadegin ejinagozieg. Kitci minonag8anon ag8adjik inekena. Pidigamig dac, a8iagog kagi nibo8adj e cigoganecino8adj kicponeckine8ag, acitc kakinagotc kegonan ka 8anadagin.

Matio 23:27 Iomraidhean Croise

Matio 23:28

Midac pejig8an kina8a, ‘kitci mino a8iago8i8ag’ kidinenimigom, ejideeieg dac kikitci kimodizim acitc kikitci 8i madji todana8a.”

Min8adjimo8ini kagi ojibiag kitcit8a Lok 11:44

Kiga kitci madji iji8ebizim! Mi maia tabickotc tcibai akin ega ka kikina8adjitcigadegin ejinagozieg, midac a8iagog eji pabamose8adj iima, ega e kikendamo8adj.” Mi ka ikidodj.

Jesos Odanodaganan Odijitcige8ini8an 23:3

Pon dac ogi inan Ananiasan: “Kije Manido ke8in kiga pakiteog! Mi maia tabickotc asamisag kagi 8abibiigadeg ejinagozian! Kidabinan iima kidji tibakonijian Coda8inni Inakonige8inan e abadjito8anin. Pekic dac kidanoki kidji pakiteogo8an, misa8adj dac ka8in iidi ijinag8asino8an Inakonige8inan kidji todago8aban.”

Kalecia 6:12

Igi8e ka k8ag8e kadjinijaogo8eg kidji pak8ejogo8eg, mi igi8e ka k8ag8e min8endamia8adjin kakina a8iagon, e nosoneamo8adjin Coda8inni Inakonige8inan. Ka8in 8i kodagitosi8ag, tabickotc ka iji kodagitondjin ini8e ka teb8eta8andjin Jesos Christan, kagi nibondjin tcibaiatigokag. Mi eta ii 8edji inakamigizi8adj iidi.