Matio 23:19 - Kije Manido Odikido8in: Ocki Mazinaigan

¹⁹ Mi maia tabickotc ega 8abiegoban ejinagozieg! Adi ii8e ma8adji epitendag8anog8en, pagidinige8in kek8an kitcit8a 8isini8agan? Kitcit8a 8isini8agan sa ma8adji apitendag8an, acitc mi eta egi iji 8agidatcigadeg pagidinige8in iima kitcit8a 8isini8aganikag 8edji kitcit8a8endag8ag pagidinige8in.

Matio 23:19 Iomraidhean Croise

Matio 23:17

Kikitci ki8ack8em acitc mi maia tabickotc ega ka 8abi8adj epitendagozieg, ka8in mega kegon kinisidotasina8a! Na8adj na apitendagozi oza8iconia, kek8an kitci aiamiemigi8am? Kitci aiamiemigi8am sa ma8adji apitendag8an, acitc mi eta egi abadizidj oza8iconia kitci aiamiemigi8amikag 8edji kitcit8a8endagozidj.

Matio 23:18

Kidikidom acitc oo8e: ‘Kicpin a8iag ikidodj kegoni kidji todag, “Kitcit8a 8isini8aganikag taji ka iji icpenimagani8idj Kije Manido nidodji teb8e” e ikidodj, ka8in nigod kicpin ega todag ii kagi ikidopan. Kicpin dac ikidodj: “8iasikag kagi pagidinigetama8agani8idj Kije Manido iima kitcit8a 8isini8aganikag nidodji teb8e,” panima oga todan adi kagi ikidopan,’ kidikidom.

Matio 23:20

Aa8e dac ka ikidodj: ‘Kitcit8a 8isini8aganikag nidodji teb8e,’ maiagotc ikido: ‘Kitcit8a 8isini8aganikag acitc kakina kegon iima ka atcigadeg nidodji teb8e.’